Presentamos unha pequena montaxe cos gañadores do VI Concurso de Esopías IES Francisco Aguiar. 

Trátase de contar letras de palabras para que se acomoden as cifras do número pi, e que compoñan un todo poético, que aínda por riba, hai que ilustrar dun xeito orixinal. Este ano cabe dicir que hai moitos premiados, culpade tanto a calidade dos traballos coma a imposibilidade do xurado para deixar fóra traballos de calidade. 

Se a fotografía axuda ás persoas a ver e a poesía a sentir, a fotopoesía, lévanos máis aló. O safari fotopoético en 3º da ESO é xa unha tradición con froitos que non deixan a ninguén indiferente.

Nesta ocasión, no 800 aniversario do traslado da vila de Betanzos centramos as fotopoesías en Betanzos e na figura da soldadeira do medievo María Balteira.

Compartimos con todos vós un pequeno vídeo elaborado polo alumnado de TIC I de 1º BAC. Os alumnos fixeron unha pequena entrevista (hai quen dí encerrona) a Julián Ferrer, profesor do departamento de Xeografía e Historia. Grazas Julián por colaborar sempre.

Video orixinal do alumnado de TIC I 2018/2019 do IES Francisco Aguiar de Betanzos.
Montaxe de Daniel V. e Noel F.
Iluminación  Diego e Javier.
Escenas de exteriores Oscar,  Héctor,  Noel e Alberto.
Claquetas Laura e Fabián.
Rexedores Candela e Alejandro
Profesora Carmen Núñez

INFORMACIÓN IMPORTANTE: CUALIFICACIÓNS XUÑO

Estimadas familias,

Comunicámoslles que as cualificacións do curso serán publicadas en SIXA Familias (poñerase o aviso correspondente na páxina web do instituto o martes 25 ao remate das avaliacións entre as 19:30h e as 20:30h), considerando isto como comunicación oficial aínda que a entrega de boletíns mantense segundo a carta informativa (o mércores 26 ás 10:30h).

Se non actualizou a súa contrasinal de  SIXA Familias pode solicitala telefonicamente ou en persoa na Secretaría do instituto.

Así mesmo informamos que, para a recollida dos boletíns de cualificacións non haberá servizo de autobuses xa que o 21 de xuño as empresas xa remataron o seu contrato coa Xunta.

Desexándolles un feliz verán despídese atentamente,

O Equipo Directivo

Betanzos, 18 de xuño de 2019