Os nosos estudantes do 2º curso do Ciclo Superior de Xestión de Vendas e Espazos Comerciais estiveron a traballar na creación de maquetas de escaparates.

Coa finalidade de darle un enfoque sostible ao proxecto e fomentar a conciencia ambiental e responsabilidade social, na elaboración das maquetas, utilizaron materiais reciclados que combinaron con técnicas de deseño innovadoras, demostrando a súa creatividade e habilidade para traballar con recursos limitados.

Rematadas as maquetas presentáronse nunha exposición dentro das instalacións do instituto. Estes “pequenos escaparates” representan, de xeito atractivo, productos e servizos de diversos sectores, e cada un deles amosa, ademáis, unha pequena historia única.

Noraboa ós alumnos e alumnas polo seu compromiso e dedicación neste proxecto e á profesora polo apoio e orientación durante o proceso de creación.

O pasado venres 3 de febreiro, o alumnado do Ciclo Superior de Xestión de Vendas e Espazos Comerciais visitou o centro loxístico da empresa téxtil Pull&Bear, pertencente ó grupo Inditex, situado no Polígono industrial Rio do Pozo de Narón.

Nun percorrido de cerca de catro  horas, guiado de xeito moi ameno por Marta e Laura, tivemos a oportunidade de coñecer as particularidades e requirimentos loxísticos dunha actividade comercial permanentemente conectada coas máis  de 900 tendas que a firma ten en todo o  mundo.

Comezamos a visita na área de aprovisionamento, recepción e expedición de mercancías, nave completamente robotizada e dotada de alta tecnoloxía. Continuamos polas oficinas centrais, ubicadas nunha moderna e ecoeficiente edificación, que alberga as áreas de administración, deseño e patronaxe, marketing e comunicación. Tamén visitamos a tenda piloto onde se determinan as implatacións de produtos, departamento de e-commerce e plató de fotografía e gravación. 

A actividade foi moi aproveitada polo alumnado que tivo a oportunidade de coñecer de primeira man o funcionamento dunha das maiores empresas galegas, con gran presenza internacional.

Carlota Sánchez-Montaña Puga, coordinadora adxunta da área de Educación Superior da obra social Abanca, impartiu o taller sobre fontes de financiamento na empresa dentro do programa de educación financeira de Afundación.

Compartiu co alumnado do CS de Xestión de Vendas e Espazos Comerciais as tres decisións clave para unha empresa: os recursos, en que se invisten e quen os xestionan, así como as alternativas de financiamento da empresa e os seus custos.

Mención especial foi a conta de resultados como xeradora de recursos financeiros e a obtención de beneficios como medio de supervivencia da empresa, non como un fin en si mesmo.

Agradecemos a oportunidade de acceder á información e ó saber facer da entidade.

O 22 de novembro, por segundo ano consecutivo, Eroski Betanzos brindou ós alumnos e alumnas do CS de Xestión de Vendas e Espazos Comerciais a oportunidade de coñecer, de primeira man, o modelo de implantación do produtos nas diferentes seccións do hipermercado.

Ó longo da visita acompañounos o encargado do establecemento, quen analizou a metodoloxía de distribución dos productos nos lineais, as promocións temporais e a organización loxística.

Brindounos a oportunidade de comprobar a realidade das técnicas de xestión e implantación do surtido, a organización do almacén e de analizar o sistema de solución de problemas de abastecemento ou escesos de stock.

Agradecemos o tempo e a atención a Adolfo Silva, encargado de tenda e a Eva Capelete do derpartamento de Relacións Sociais e Prevención.

O alumnado de ciclo visita o hipermecado Mercadona para coñecer, nun caso real, a distribución de seccións e reparto de lineais do estabelecemento de venda, así como da organización do almacén, da man do responsábel do supermercado.

POR QUE CURSAR ESTE CICLO FORMATIVO?

Segundo a rede profesional Linkedin, entre os perfís profesionais máis demandados en España para o 2021 están:

• Profesionais de venda minorista.
• Profesionais de marketing dixital.
• Expertos en atención ó cliente.
• Expertos en comercio eléctrónico.

O obxectivo dos ciclos formativos é obter as aptitudes necesarias para enfrontarse ás situacións laborais actuais e futuras, e asumir autoridades de coordinación e programación nunha profesión, así como do traballo das persoas e facer as oportunas verificacións e valoracións.

Os ciclos formativos de grao superior están dirixidos a alumnado que busca estudios superiores prácticos, que os cualifiquen para incorporarse ó mundo laboral.

Esta formación leva a unha titulación de nivel superior, vixente e con futuro, que te preparará para tarefas de mandos intermedios. Obterás a cualificación necesaria para realizar traballos técnicos propios da profesión, pero tamén para asumir responsabilidades de planificación, organización e control.

A diario as empresas realizan xestións comerciais de compravenda e distribución de produtos e servizos e organizan a implantación e animación de espazos comerciais, esta é a formación que che ofrece o título de Técnico Superior en Xestión de Vendas  e Espazos comerciais.

QUE VAS APRENDER?

• Aplicar técnicas de marketing convencional e dixital.
• Deseñar o interior e o exterior do comercio.
• Comunicarte e negociar con clientes e proveedores.
• Organizar equipos de traballo e equipos de forma eficiente.
• Estratexias para incrementar beneficios e reducir custos.
•  … e moitas máis competencias.

FICHA TÉCNICA

Grao: CICLO FORMATIVO DE GRAO SUPERIOR

Titulación: TÉCNICO OU TÉCNICA SUPERIOR EN XESTIÓN DE VENDAS E ESPAZOS COMERCIAIS

Entorno: ECONÓMICO E EMPRESARIAL

Familia profesional: COMERCIO E MARKETING

Sistema: LOE

Duración: 2000 horas (2 cursos académicos)

Distribución: 1614 horas lectivas + 384 horas prácticas FCT.

Horario:

  Mañá: 8:40 a 14:15

  Tarde (luns e martes): 4:00 a 18:30

Máis información: Acceso ó currículo 

PLAN DE ESTUDIOS?

QUE É O PROXECTO DE XESTIÓN DE VENDAS E ESPAZOS COMERCIAIS?

Os ciclos formativos de grao superior incorporan un módulo profesional de proxecto de acordo coas características da actividade laboral do ámbito do ciclo formativo e con aspectos relativos ó exercicio profesional e á xestión empresarial.

Este módulo ten por obxecto a integración das diversas capacidades e coñecementos de todos os módulos do ciclo, o que se concreta en proxectos que contemplen as variables tecnolóxicas e organizativas relacionadas co título.

 Este módulo organízase sobre a base da titoría individual e colectiva, e desenvólvese durante o último período do ciclo formativo e avalíase unha vez cursada a  formación en centros de traballo. 

CANDO REMATES OS ESTUDOS, EN QUE PODES TRABALLAR?

• Xefe/a de vendas.

• Representante comercial.

• Axente comercial.

• Encargado/a de tenda.

• Encargado/a de sección dun comercio.

• Vendedor/a técnico/a.

• Coordinador/a de comerciais.

• Supervisor/a de telemarketing.

• Merchandiser.

• Escaparatista comercial.

• Deseñador/a de espazos comerciais.

• Responsable de promocións no punto de venda.

• Especialista en implantación de espazos comerciais.

EN QUE TIPOS DE EMPRESAS PODES TRABALLAR?

• Empresas de distribución comercial maiorista e/ou minorista, no departamento de compras, vendas, deseño e implantación de espazos comerciales, comercial ou de marketing.

• Entidades financeiras e de seguros, no departamento de vendas, comercial ou de marketing.

• Empresas intermediarias no comercio como axencias comerciais, e empresas de asesoramento comercial e xurídico, entre outras.

• Empresas de loxística e transporte.

• Asociacións, institucións, organismos e organizacións non gubernamentais (ONG).

 E, QUE PODES ESTUDIAR DESPOIS?

• Calquera ciclo formativo de grao medio ou superior. Ademáis, para no caso do CS de Marketing e Publicidade da acceso directo ó segundo curso.

• Calquera ensinanza universitaria de grao, de modo directo, sen necesidade de proba. Se o título universitario ten limitación de prazas o acceso farase tendo en conta a nota media do ciclo formativo. As persoas que se gradúan nun ciclo formativo de grao superior poden obter a validación de créditos universitarios ECTS.

CALES SON OS REQUISITOS PARA ACCEDER?

• Título de bacharelato LOXSE, de bacharelato LOE ou de bacharelato LOMCE.

• Título universitario.

• Título de técnico superior ou de técnico especialista.

• COU/PREU/bacharelato sen modalidade ou outros equivalentes.

• BUP.

• Título de técnico.

• Outros estudos declarados equivalentes, para os efectos académicos, a algún dos anteriores.

• Tamén poderán acceder as persoas que superasen a proba de acceso a ciclos formativos de grao superior de formación profesional ou a proba de acceso á universidade para maiores de 25 anos.

 Premede nas frechas para navegar polas fotografías ou visitade o álbum da actividade na galería fotográfica do centro.

Álbum: Actividades CS Xestión de Vendas e Espazos Comerciais 19-20 -> 02 Escaparate de Entroido

Compartimos o álbum do Escape Room organizado polo alumnado de 2º do Ciclo Superior de Xestión de Vendas e Espazos Comerciais para alumnado de 4º ESO.

 Premede nas frechas para navegar polas fotografías ou visitade o álbum da actividade na galería fotográfica do centro.

Álbum: Actividades 2019-2020 -> Escape Room 2ºCS - 4ºESO