Que levou á novela negra a unha magnífica autora de microficcións? 

O próximo martes teremos a oportunidade de trasladarlle esta e outras preguntas a Arantza Portabales. 

 Hoxe tivemos no Instituto  a Eva Mejuto, autora da obra A ladroa da Biblioteca de Meirás, unha novela xuvenil na que se amosan importantes sucesos do pasado recente na nosa contorna . No libro a escritora recrea como as Torres de Meirás , que pertenceran a Emilia Pardo Bazán, foron convertidas na residencia de verán do ditador F.Franco despois dun espolio ao pobo de Sada. A protagonista, Mariña, é parte dunha desas familias que quedaron sen casa e sufriron a persecución por non seren do bando gañador.

Organizado polo departamento de Tecnoloxía do noso instituto visitamos o 8 de maio a empresa “Tejas Verea, S.A” que se dedica á fabricación de diversos tipos de tellas localizada en Lanzá (Mesía). Guiados por unha técnica e un técnico visitamos en primeiro lugar a zona de aprovisionamento de material: moenda e mestura de arxilas, xunto coa zona de maduración.

Despois fomos visitar a liña 1 onde se fabrican tellas planas de diversas formas vendo o amasado, extrusionado, secado e cocido dos produtos. Todo o proceso é controlado automaticamente polo sistema industrial SCADA, e incluso puidemos observar a posta a punto dun sistema de control de calidade das tellas planas que funciona por son. Visita moi interesante para ver as aplicacións dos sistemas automáticos de control na industria.

Recordamos aos alumnos e alumnas que cursen estudios postobligatorios que mañá, día 17 de maio de 2023, remata o prazo para presentar a solicitude de BOLSA DE ESTUDOS.

Informamos que hai convocada unha folga de transporte por estrada de carácter estatal para o xoves 18 de maio.

A folga afecta, por tanto, ao transporte escolar. Como é habitual en caso de folga, a Consellaría establecerá servizos mínimos. 

O 17 de maio de 1963 a Real Academia Galega instituiu o Día das Letras Galegas. 

60 anos despois a Real Academia Galega homenaxea a Francisco Fernández del Riego, escritor e editor,  un dos fundadores da Editorial Galaxia, presidente e renovador da Real Academia Galega e impulsor do Día das Letras Galegas.

Música para nós. Lista colaborativa de spotify que recolle case 800 temas en galego (máis de 24 horas) , seleccionados polo alumnado de 4º da ESO.

Podedes acceder a lista AQUÍ. (Hai que rexistrarse na aplicación)

Soubemos que varias das nosas alumnas de 4ºD quedaron campioas de España en K-4 hai unhas semanas.

Estamos moi orgullosas de vós, rapazas!!

O alumnado de 2°ESO A fixo unha tarefa de búsqueda de información sobre magnitudes relacionadas coa Meteoroloxía. O resultado final foi a creación de carteis informativos de Meteoescolas que están colgados no corredor da entrada do IES Francisco Aguiar. 

Con motivo do Día das Letras, o día previo organizamos un festival de música, canto e baile de tradición galega, para a etapa da ESO, na última hora da mañá e da tarde.