"AS FROITAS"

A nosa investigación  foi sobre as froitas. Investigamos os distintos tipos de árbores  e os nomes das súas froitas. Traballamos as receitas como tipo de texto. Fixemos receitas coas distintas froitas como ingredientes principais. Realizamos un estudo e clasificación das froitas según a súa estación, definindo as froitas de temporada. Recollemos toda a nosa información nun libro ilustrado por nós.

Prestade atención e lembrade que hai que comer moita froita para seguir unha dieta saudable.

BOA INVESTIGACIÓN 4º B !!

NORABOA!!

"LIBRO DE RECEITAS"

A  clase das Vitaminas de 4 anos A estivemos traballando, ó longo do curso, diferentes alimentos. As familias participaron moito neste traballo cociñando connosco e compartindo cos compañeiros e compañeiras.

 O resultado desta investigación, é dicir, todas as receitas recollémolas nunReceitario viaxeiro que percorreu todas as nosas casas.

  Presentamos O Libro de Receitas das Vitaminas de 4 anos A:

 QUE APROVEITE!!  

Durante a nosa investigación  gustounos moito o libro “ A sopa verde “ de Ángela Madeira. Foi moi interesante, por iso decidimos usalo para facer un Lapbook cos personaxes e verduras do conto. Aprendemos alimentos varios, cores, e números… Mesmo xogamos a dramatizalo unha e outra vez cambiando de personaxe. Entón xurdiu a idea de  plasmar o noso xogo nun cómic, e así adaptamos o conto, buscamos o escenario e a actuar!

          Desfrutar do noso cómic “A sopa verde”:

                       NORABOA NENOS E NENAS DE 4 ANOS A

                 BO TRABALLO!!

"VIDA SAUDABLE"

A nosa investigación ao longo de todo o curso abarcou varios aspectos. Por unha banda investigamos sobre o que sentimos e expresamos para estar sans. Descubrimos que temos que sentirnos ben con nós e cos demais. Decatámonos que coidar o noso corpo e a nosa mente é saudable e intelixente. A nosa investigación levounos a procurar unha dieta saudable. O horto foi o noso lugar preferido para informarnos, seguimos o cultivo das nosas fabas durante todo o ano e coidamos da nespereira do cole, que é a árbore que apadriñamos no mes da ciencia.     

            Resumimos toda a nosa información no seguinte vídeo:

BOA INVESTIGACIÓN 1º A !!

NORABOA!!

 "VIGO: UNHA CIDADE SOSTIBLE"

Cando nos plantexamos cal sería a nosa aportación ao PDI deste curso, o alumnado de 5º B pensamos de que xeito pode influír na nosa saúde o feito de vivir nunha cidade como Vigo.

     Despois de reflexionar e debater en gran grupo sobre a importancia do exercicio físico e unha boa alimentación para ter unha vida saudable, decidimos dividirnos en dous grupos e”investigar” sobre o sendeirismo en Vigo e arredores e os parques biosaudables que están repartidos pola cidade.

    O primeiro grupo centrou o seu esforzo na análise das distintas rutas de  sendeirismo de Vigo e o segundo grupo fixo un estudo dos equipos que compoñen os parques biosaudables e cales son os beneficios que aportan na mellora da nosa saúde, en especial para “os nosos maiores”.

    Desfrutade do noso traballo e...

PON UNHA RUTA  DE SENDEIRISMO NA TÚA VIDA:

Aproveitamos para presentar un traballo feito en Scratch sobre a nosa investigación:

 NORABOA 5º B POR TODA A VOSA INFORMACIÓN!!

“ OS ALIMENTOS EN RIMA “

        Os nenos e as nenas de 1º B investigamos os alimentos de unha forma moi divertida, xogando ás adiviñas e a través de cancións e de contos. Traballamos o que achega  cada alimento á nosa saúde e para que son bos na nosa dieta diaria.

            Un dos alimentos que nos encantou investigar foron os peixes. Coñecimos como son, os seus tipos, as súas propiedades nutricionais e como cociñalos. Estivemos  traballando as cantigas do libro cd “Té, chocolate, café “ do grupo musical Golfiños. Gustounos unha cantiga sobre un peixe moi mentireiro baseada no conto “El pez que gritaba tiburón”  de Trish Phillips editado por Combel e fixémolo entre todos.

           Presentamos para todos vós  o conto “O PEIXE SALMONETE”

GRAZAS RAPACES E RAPAZAS DE 1º B

  BO TRABALLO!!