enlace á oferta de laboratorios científicos abertos da DOMUS

O Departamento de Bioloxía e Xeoloxía do noso Instituto, neste caso baixo a coordenación da profesora  Chus Santamariña, participarán nos laboratorios abertos que ofrece a DOMUS de A Coruña a escolares. 

A primeira visita, o mércores 14 de marzo,  terá como protagonista ao alumnado de BAC 1º A. 

A nosa humilde ( non por ilo menos entusiasta) participación no Día Internacional da Muller e a Nena na Ciencia, consitíu  por parte de futuras científicas, na presentación ao resto dos seus compañeiros e compañeiras de pequenos experimentos científicos. 

Convivindo con música e máscaras de antroido,  a experiencia tivo lugar na Biblioteca durante os recreos do día 9 de febreiro e acompañouse cunha pequena exposición de publicacións alusivas ao tema da muller e a ciencia. Estiveron animadas e coordinadas pola nosa compañeira Chus Santamariña.

Co remate de trimestre, e no festival que se celebrará no Salón de Actos do noso instituto o xoves 21 de decembro, entréganse tamén varios premios.

É a pequena recompensa polo traballo creativo ou investigador realiazo polo alumnado no primeiro trimestre.

Xa demos conta dos premios relativos aos "haikus contra a violencia de xénero"(enlace) e a Carta a un maltratador(enlace). Hoxe recibirán o merecido galardón

Tamén terán a súa recompensa no citado festival

• Nerea Viqueira Pena. Como gañadora do concurso de Ciencia na biblioteca do mes de novembro recibirá como premio unha película de tema científico.

• Asemade farase entrega dos premios aos Christmas Cards gañadores:
• 1º premio para Tomás Mahía Vázquez ("from Betanzos to the world... merry Christmas")
• 2º premio para Alba Roca  Maceira ( flores de papel de nadal)
• 3º Premio para Etienne Sánchez Porta ( co seu reno cantor)

Por fin, a MEMORIA  da VI Semana da Ciencia e da Tecnoloxía

Continúa a avalancha de actividades da ciencia e tecnoloxía.

Segue a traballar no corridor de entrada a impresora en 3 D

Seguemos a calcular as aúreas proporcións do noso alumnado

...

incorpórase unha actividade útil e interesante...nocións básicas sobre SOPORTE VITAL

Continúa a tolemia científico-tecnolóxica no Aguiar cun programa que abarca dende o clima ata a impresión en 3D,  pasando por campos magnéticos e os coches segueliñas ou pola reflexión sobre o consumo de azucre....e hoxe, moi especialmente, un interese especial no asunto do turismo,  posto que este ano 2017 foi declarado pola ONU Ano Internacional do Turismo Sostible 

Desde a Consellería de Cultura, Educación e Ordenación Universitaria vaise impulsar a celebración anual do mes de novembro como MES DA CIENCIA EN GALEGO NAS BIBLIOTECAS.

Iníciase esta actuación coa elección dunha imaxe e a difusión dun texto, a modo de manifesto, do científico Ángel Carracedo, profesor de Medicina Legal, Ética Médica e Bioloxía Molecular da Universidade de Santiago de Compostela, coñecido investigador e divulgador científico. 

Dende a biblioteca queremos participar na celebración deste mes da ciencia en galego con varias actividades organizadas polo alumnado de Cultura Científica de 4º ESO que  propoñemos a continuación: 

1- A PREGUNTA CIENTIFÍCA DO DIA 

• Cada día da semana do 21 ao 25 de novembro, colocaremos no taboleiro de anuncios da biblioteca e no taboleiro do edificio da ESO ( que está ao lado de dirección) unha pregunta relacionada coas figuras que se homenaxean neste ano 2016 nas seguintes datas: 8 de outubro, DÍA DA CIENCIA EN GALICIA (promovido pola Real Academia das Ciencias de Galicia), o químico Ignacio Ribas e o 4 de novembro DÍA DA CIENCIA EN GALEGO (promovido polo profesorado de Galicia), o biólogo Cruz Gallástegui. 
• No prazo de 24h deberás introducir a resposta nunha caixa situada a tal efecto na entrada da biblioteca, especificando o teu nome e o teu curso. 
• Ao final da semana faremos o reconto para decidir quen foi a persoa con mais respostas acertadas. En caso de empate haberá unha fase de desempate o martes 29 no 2o recreo na biblioteca. 
• A persoa gañadora recibirá un premio relacionado coa ciencia.

2.  SECCION DE HUMOR CIENTIFICO : 

No taboleiro “cientifico” da entrada da Biblioteca habilitaremos unha seccion adicada ao humor na sua versión científica. 

Convidamoste a colaborar cun chiste, viñeta,... que pegarás en dito taboleiro. 

3- CHARLAS DE DIVULGACIÓN CIENTÍFICA 

O alumnado de Cultura Científica de 4º da ESO dirixiránse aos seus compañeiros cunha charla que leva por título “Imos comprar mentiras”, que abordará o tema da pseudociencia na publicidade. 

Froito do traballo de Emilio Duque e Chus Santamariña coordinando ao alumnado de 3º da ESO realizouse unha enquisa sobre sexualidade entre o alumnado do noso IES. Os resultados no arquivo adxunto (enlace)

De auténtica invasión podería cualificarse o que ocorrerá o martes 21 de xuño nas Illlas Cíes. Porque perto de 90 (!) dos nosos alumnos e alumnas  de 4º da ESO e 1º BAC visitarán este recuncho marabilloso e precioso da nosa xeografía e patrimonio natural.

Acompañados por cinco profesores e dirixidos por un guía terán a oportunidade de coñecer un medio natural realmente único enmarcado no Parque Natural das Illas Atlánticas: xeoloxía, modelados, fauna e flora para sorprender e admirar. E non menos sorprenderá o achegamento ás illas en barco e o como remate do labor, o baño nunha das praias máis fermosas ( e de auga máis fría) do mundo a de Rodas.

Unha forma ben instrutiva e fermosa de culminar un duro curso!

Dentro da V Semana da Ciencia e da Tecnoloxía, e continuando unha iniciativa que o ano pasado puxo en marcha a profesora Mª Jesús Santamariña, presentamos un Obradoiro de Soporte Vital Básico.

Esta actividade terá lugar entre as 16.15 e as 18 horas do martes 12 de abril no Salón de Actos do IES Francisco Aguiar.

Trátase dunha inciativa que presenta cando menos tres peculiaridades de interese:

• Como o seu nome indica, estará orientado a proporcionar aos asistentes unha formación esencialmente práctica.
• Vai dirixido á comunidade escolar no seu conxunto e nomeadamente a pais, nais e profesorado.
• Os instrutores do cursiño serán alumnos de 1º BAC do noso instituto.

CONVIDAMOS A FAMILIAS E PROFESORADO A PARTICIPAR NO OBRADOIRO