A galería fotográfica do curso 2018/2019 segue a medrar con instantáneas de moitas das actividades que teñen lugar no noso centro. Entre elas, a VIII Semana da Ciencia e da Tecnoloxía, na que moitos docentes e alumnos/as participan con entusiasmo, traballo e ilusión.

Incorpóranse agora ao álbum da VIII Semana da Ciencia e da Tecnoloxía:

as fotografías das actividades desenvoltas polo alumnado de Luis Seco en 3º da ESO con diversos proxectos de Tecnoloxía,

as de Luisa Muíño e Olga Blanco coa súa 'Máxia da Física e Química' con 2º da ESO

e as de J.M. Rey Bao na Xincana Betanzos 800 anos con 1º da ESO.

Accedede ao album ou armádevos de paciencia se premedes na imaxe, xa levamos máis de 150 fotos.

Álbum: Actividades 2018-2019 -> VIII Semana da Ciencia e da Tecnoloxía

Pasados xa os primeiros día da VIII Semana da Ciencia e da Tecnoloxía no 'Aguiar', queda patente a implicación de o alumnado, o profesorado dos diferentes departamentos e o, incansable, equipo da Biblioteca. Algunhas das actividades que se realizaron teñen a súa testemuña gráfica no álbum da semana na galería, doutras actividades esperamos compartir axiña as fotografías. 

Comezamos a crónica con unha placa de robótica programable en unha contorna gráfica, hardware libre deseñado en España. Falamos da Echidna Shield, un escudo para Arduino programable con bloques en Snap4Arduino baseado no, xa coñecido, Scratch. O alumnado de 2º de BAC TICII programa e instrúe ao alumnado de 1º da ESO en esto que parece un galimatías de nomes en inglés, pero que se traduciu en algo tan divertido e nutritivo coma.... o 'PlatanoPiano'.

Seguimos cunha exposición de traballos do alumnado de 1º da ESO que, me atreveria a decir, que entran dentro do que é o movemento 'Maker' ou argalleiro. Se trata de aprender construíndo, desta volta, o reto planteado  consistiu en investigar e construir acerca de mulleres científicas... ou, coma indica a ilustración orixinal da nosa alumna de 3º Nuria Beiro, 'Mulleres Con Ciencia'.

Continuamos cos proxectos desenvoltos polo alumnado de 4º da ESO, tamén coa placa de robótica libre Arduino, que instruiron aos seus compañeiros de 3º da ESO.

Durante o recreo, descubrimos no patio interior do centro uns paneis informativos de ASN (Alien Species Network), organización formada por un equipo interdisciplinar de investigadores das tres universidades galegas, que cedeu os paneles para informar e concienciar acerca deste problema ecolóxico.

  Ao subir de novo as aulas descubrimos os corredores completamente empapelados de arte escrita e debuxada, con alma matemática, son as Esopías. O VI Concurso de Esopías do Aguiar convocado polo equipo da Biblioteca, con especial valoración daquelas inspiradas en Betanzos, en este 800 aniversario.

O alumnado de 3º da ESO presentou diversos proxectos de Tecnoloxía, coma o ' Xogo do pulso con encravamento'.

O alumnado de 1º saiu do centro para descubrir 'Con qué rochas está feito Betanzos?'.

O alumnado de 1º de BAC de Robótica mostrou os proxectos nos que estiveron traballando este curso. Un cuadrúpedo, un PedroRobot e unha placa solar que se orienta á luz.

O alumnado de TIC I de 1º BAC instruiu aos de 3º da ESO no eido do modelado, laminado e impresión 3D. Ensinaron hexágonos con motivos de Betanzos e algunha litofanía brigantina tamén.

Todo isto non é todo, e só levamos dous días ....  é un non parar.

Quén dixo que a rapazada non ten ganas de traballar, de crear, de aprender?

"A creatividade é a intelixencia divertíndose."

Albert Einstein

Publicamos as fotografías das pasadas reunións do Club de Ciencia Aguiar. Desta volta construimos estruturas de 'sinxelos' corpos xeométricos.

Preme na fotografía e navega coas frechas ou accede ao álbum na galería fotográfica do centro.

Álbum: Club ciencia 2018-2019 -> Club Ciencia Abril 'Estruturas por todas partes'

Anotádevos axiña na vosa clase. Haberá dous turnos diferentes, un o xoves 25 e outro o luns 29.

Aproveitando que o vindeiro xoves 28 de febreiro teremos a 2ª reunión do Club de Ciencia 'A maxia da química', compartimos convosco algunhas instantáneas do que fixemos na 1ª sesión. Gracias ao alumnado con vocación científica que nos está verdaderamente a sorprender ca súa fidelidade, interese e participación.

Preme na imaxe para ver as fotografías ou accede á galería fotográfica do centro e explora os álbumes do Club de Ciencia.

Álbum: Club ciencia 2018-2019 -> Club Ciencia Febreiro 'A maxia da química'

Parabéns a todo o alumnado participante na xincana e os equipos gañadores.

Club de ciencia febreiro: A maxia da química. Obradoiro organizado polo Departamento de Física e Química da man das profesoras Luisa Muíño e Olga Blanco. Reunións os vindeiros xoves 21 e mércores 27 de febreiro.