![]() |
![]() |
![]() |
OFERTA DE ACTIVIDADES EXTRAESCOLARES (ANPA) |
ENCONTRO EN REUS (ARCE) |
ESCOLMA DE ACTIVIDADES PARA ESTE OUTONO |
Foi nova...
UNHA GRANDE EMOCIÓN
Hoxe 16 de setembro foi un día inesquecible. Corría un rumor que foi medrando e que falaba dunha festa sorpresa. Mais ninguén era capaz de dicir con claridade o porqué de tal feito.
Á unha saímos ao patio e empezamos a berrar ALFONSO, ALFONSO, ALFONSO!!! Era a despedida do noso benquerido director porque se xubila. Quixo dicir unhas verbas e non foi quen de facelo porque un nó na gorxa e bágoas nos ollos impedíronllo.
Tamén no patio aboiaba a emoción e as miradas humedecíanse. Todos os sectores da comunidade educativa fixémoslle a despedida con moito agarimo e co corazón un pouco encollido, todo hai que dicilo.
Márchase ALFONSO, o noso director durante 20 anos, o noso capitán, mais non nos treme o pulso porque as pegadas que deixou son fondas e márcannos o camiño a seguir. Vaise ALFONSO pero segue entre nós.
Déixanos o guerreiro que puxo durante toda unha vida alma, corazón e peito na loita pola calidade educativa, na batalla polo ensino público. Vaise o director, o mestre, o compañeiro, o amigo, a persoa que fixo do servizo e da dedicación ao ensino a súa bandeira. Non debemos ter medo porque o rumbo a seguir está marcado. Grazas ALFONSO. Esperamos que poidas dalgún xeito recuperar as horas que lle quitaches a túa familia, aos teus amigos e amigas.
Esperamos que poidas gozar nas novas xeiras que emprendas.
Sabes que non te vas de baleiro. A túa obra está connosco e vai seguir sempre nos nosos corazóns. GRAZAS, MOITAS GRAZAS!!!
Texto de Victorio Blanco
Agora podedes ver algúns momentos desta despedida:
SOMOS NOVA
O venres 9 de setembro no Atlántico Diario xurdiu a seguinte nova sobre o noso colexio.
Se queres saber máis visita o seguinte enlace:
http://www.atlantico.net/noticia/154096/alumnos/frian/libros/
NOVIDADES PARA O VINDEIRO CURSO 2011/12
![]() |
1. Ao abeiro do Plan de Potenciación de Linguas Estranxeiras e dentro do marco das actuacións que está a desenvolver a Consellería de Educación para o fomento do plurilingüismo nos centros educativos temos que comentar as seguintes novas en relación a lingua inglesa :
|
![]() |
2. Continuidade do noso centro na rede Abalar e dotación de dúas novas Aulas Abalar (dotadas con amplo material tecnolóxico correspondentes a 5º de primaria) |
![]() |
3. Seleccionados pola Consellería para participar na experiencia piloto de emprego de libros dixitais en 6º de primaria para o curso 2011/12 |
- « primeira
- ‹ anterior
- …
- 7
- 8
- 9
- 10
- 11
- 12
- 13
- 14
- 15
- …
- seguinte ›
- última »