Despois dun curso de ensaios, o alumnado de 6º dirixido polos mestres, Manolo Casas e Ana Piñeiro, por fin debutou coa obra de teatro "O conto dos contos"

O debut foi no Ceip Pintor Laxeiro, dentro do programa do Concello de Interteatro. O día sinalado, o 14 de maio, esperábannos neste cole con todo preparado. Para acompañarnos, dous grupos de teatro do cole, representaron para nós sendas obras de teatro: " Os mariñeiros e a sereíña" (grupo 2º de primaria) e " Os nenos que plantaron a pedra da auga" (grupo 6º de primaria). O final das representacións déronnos unha estupenda merenda.

Moitas grazas, pola acollida tan agarimosa que nos ofreceron, ó profesorado e ó alumnado do Pintor Laxeiro!