Arranca o torneo de bádminton do IES Laxeiro cunha nutrida participación das alumnas e alumnos do centro. A competición ocupará unha boa parte dos recreos e contará con modalidade de individual feminino, individual masculino, dobres feminino e dobres masculino (en realidade mixto pois algunha das parellas é mixta). Ao torneo tamén se sumaron algunhas profesoras do centro.
Os dezaoito grupos xogarán durante este trimestre unha primeira fase de liguiña para rematar posteriormente cunha fase eliminatoria. O calendario de partidos e toda a información relativa ao torneo atópase exposta no taboleiro do ximnasio así como na pantalla informativa do vestíbulo do paviln B.

O IES Laxeiro elabora unha vistosa peza con balóns de cores creadas no seu laboratorio.

Orixinal e desde logo, moi científica é a árbore elaborada do Nadal 2018/2019.

Foto: Bernabé / Javier Lalín

A vistosa peza está composta de balóns de diferentes cores resultado de experimentos docentes.

Neste curso 2018/2019, naceu o Club de Ciencia "oficial", programa concedido pola Cosellería de Educación e conxunto a outras activades STEM, e coas actividades do Día da Ciencia en galego do pasado 6 de novembro. A dea surxiu da Práctica de Medición do PH cuns indicadores naturais, empregando os balóns do Laboratorio. O alumnado de 2º Bacharelato realizaron o experimento usando col lombarda, no que consiste en preparar o estrato cortando e fervendo a hortaliza e logo filtrando o líquido e obtería o indicador de PH natural. Logo, estudaron o seu comportamento ao enfrontalo a diferente substancias, que toman diferentes cores en función do seu PH. Asi´, os ácidos (zume de limón e vinagre) teminan en vermellose rosas; os básicos (bicarbonatos sódicos e amoníaco) converten o indicador en azul e verde; e un neutro( augua destilada) pásao a violeta. Tamén fixeron algúns balóns con indicadores de PH químicos, como verde de metilo, no laboratorio de Física e Química. Para darlle un pouco de decoración de Natividade coroouse a árbore cunha estrela feita coa técnica de papiroflexia e a mesa cun papel vermello cheo de anotacións das diferentes ciencias.

A coordinadorado Clube de Ciencia, Marina Pardela Varela, en nome de tod@s, aproveitou para felicitar as festas cunhas mensaxe codificada empregando os elementos químicos da táboa periódica, gardando o rigor ao elixir as cores para cada grupo de elementos: 

"Fe li Ce S   Fe S Ta S  I Es La Xe I Rh O "

O obxectivo principal de esta decoración é facerlle ver ao alumnado que a Ciencia está presente no noso entorno e que, aínda que ten unha parte árida no seu estudo, tamén ten outra divertida e atraínte que compensa o esforzo!

Participaron na actividade os departamentos de Bioloxía, Física e Química, Tecnoloxía e Matemáticas e outros Profesores doutras especialidades que aportaron ideas e puxeron o seu grao de area axudando a colocar a peza ou valorando o traballo feito.

Publicado martes 18 de decembro de 2018 no Faro de Vigo - DEZA

Efectuado o sorteo das rifas da cesta de nadal 2018, comunicamos que o número agraciado co premio foi o seguinte

                                                                         2778

Preto de 900 escolares da comarca do Deza participaron na fase zonal do campionato escolar de campo a través, enmarcado no programa XOGADE. O IES Laxeiro competiu con 75 alumnas e alumnos de 1º, º e 3º de ESO, desafiando ás duras condicións meteorolóxicas, con moito frío e abundante choiva. As profesoras Sara, Olalla, Cristian e Ricardo exerceron as labores de acompañamento e preparación.

O equipo do Laxeiro completou unha notoria participación coa práctica totalidade dos-as atletas, nas distintas categorías, finalizando as carreiras e acadando varios podiums.

Os-as medallistas son:

• Luís León, de 1º de ESO, prata en categoría infantil.
• Mencía Payo, de 3º de ESO B, prata en categoría cadete feminino.
• Claudia Ferradás, de 2º de ESO A, bronce en categoría cadete feminino.
• Nuno Rivero, de 2º de ESO , prata en categoría cadete masculino.

Parabéns para todas-os  os-as participantes!

Neste curso 2018-2019, o noso centro centro IES Laxeiro, recibiu un Equipamento Didáctico por parte da Empresa ABB (Asea Brown Boveri, SA) dun Robot Industrial modelo IRB120, con controlador IRC5C de 2ª generación, con Estación de Traballo, con soportes e software RobotStudio e RobotWare.

Na semana pasada (05 ao 09 novembro) rematou o curso de formación inicial de 20 horas para a posta en marcha do Robot Industrial ABB modelo IRB120. Permitiu ter unha visión xeral do Robot e do seu Controlador IRC5C, coñecer as Normas de Seguridade, os distintos Sistemas de Coordenadas, as distintas ferramentas e útiles que se poden empregar, executar programas básicos, saber verificar a posición de calibración, realizar copias de seguridade... e por suposto da necesidade de crear un Grupo de Traballo para profundizar e avanzar no seu emprego didáctico.   

O valor económico de esta nova dotación ten un precio de mercado sobre os 20.000 euros no ámbito industrial. Esta é unha iniciativa que reforza o Ciclo Superior de Formación Profesional de Mecatrónica do noso centro. Un módulo mais de formación sobre maquinaria e instalacións industriais.

É e será unha nova proxección cara o futuro de formación para o noso alumnado.

Temos un vídeo demostrando os seus primeiros pasos e outro vendo a simulación!

No noso centro, o pasado luns 5 de novembro, o noso alumnado enfundou a bata branca e convertíronse en aunténticos científicos e divulgadores.
No mes de novembro, dende hai 8 anos, comezamos a celebrar o Mes da Ciencia en Galego. O obxectivo desta conmemoración é o de mostrar que a lingua galega é útil e tan válida coma calquera outra para facer pescuda, ensino e divulgación científica.
Foi o que fixeron o luns pasado no noso centro unha parte do noso alumnado, fixeron experimentos científicos no Salón de Actos do centro. Arredor de trinta estudantes da ESO e de FP encrgáronse de levar a cabo os traballos, mentras que o resto da comunidade educativa tivo a ocasión de comprobar o seu desenvolvemento ao longo da xornada lectiva, con visitas nas que tamén puderon practicar algúns experimentos.
Uxía Rapado González e Julliana Silva de Amorín mostraron as aplicacións do Principio de Arquímedes, un dos dous científicos aos que IGACIENCIA (Instituto Galego de Ciencia) propuxo este ano para dedicarlle o Día da Ciencia en Galego; o outro é o Mestre Mateo, arquitecto do Pórtico da Gloria.
Adriana Pampín Diéguez, Íker Calvo Pérez e Sara Granja Sanmartín abordaron as deformacións da codia terrestre.
Roberto Gil, Javier Fernández González e Isabel Villar Iglesias fixeron deostracións do magnetismo con auga e bólas.
Das correntes de convección encargáronse Noa Calviño Lodeiro e Abigail González Carreto.
Da microscopía óptica, Fátima Jácome Iglesias e Clara Arias Fernández. A Expansión do fondo oceánico na dorsal foi cousa de Paula Gutiérrez, Lucía Fernández e Lorena González.
Laura Couto González, Francisco Blanco Lareu e Andrea Carballude exploraron ácidos e bases cun indicador natural.
Óliver Barriento e Andrés do Barro identificaron moléculas nos alimentos.
Ánxela Adán e Brais González Penela mostrarona formación de gases.
Lois Carral e Lucía Rodríguez Frade crearon unha "serpe negra" e Lucas Daparte, Alejandro Matanzas e Lucía Pereiro ensinaron o sistema de flotación dos submariños.
Foi unha xornada de batas blancas e experimentos moi interesantes.

 Temos un vídeo!

De acordo coa Resolución do 25 de setembro de 2018, DOG do do 8 de outubro, as  Direccións xerais de Recursos humanos e Formación Profesional e Innovación educativa da Consellaría de Educación establecen o calendario para a celebración de eleccións de membros dos consellos escolares de centros docentes sostidos con fondos públicos.

Por ese motivo desde a Dirección do centro comunícase que durante o mes de novembro vai ter lugar o proceso de renovación de membros do Consello Escolar do IES Laxeiro polo que nesta renovación se van elixir : tres membros do profesorado, dous membros so sector pais/nais e tres membros do sector do alumnado.

O día 5 de novembro vai ter lugar a constitución da Xunta Electoral, órgano que regulará todo o proceso de renovación e que estará formado polo Director do centro, e representantes dos diferentes sectores da Comunidade e que foron elixidos por sorteo celebrado o pasado día 25 de outubro. . Na súa 1ª convocatoria aprobará o calendario do proceso e publicará os correspondentes censos dos diferentes sectores que participen no citado proceso de renovación.

Os listados dos censos estarán expostos no taboleiro do centro

A partires dese día iranse publicando neste mesmo canle as diferentes publicacións que nas diferentes reunións da Xunta Electoral se decidan.

Lexislación: Decreto 324 de 1996 ROC

                  Decreto 92 de 1988

Constitución da Xunta Electoral

Calendario de eleccións ao Consello Escolar

Información para o profesorado

Información para pais/nais

Información para o alumnado

Candidatura de profesorado(Impreso)

Candidatura de pais/nais(Impreso)

Candidatura de alumnado(Impreso)

Proclamación de candidaturas

Circular de pais/nais

Circular de alumnado

Circular de profesorado

Candidatos electos

Constitución do novo Consello Escolar do IES Laxeiro

Teremos un grupo de 25 alumn@s de 1º ESO de Campamento "Científico-Tecnolóxico-Enxeñería-Matemático" na semana do 2 ao 8 de decembro deste ano.

Serán 13 nenas e 12 nenos que terán a oportunidade de participar nun escenario propicio para desenvolver capacidades, coñecementos e técnicas, a través dunha invitación ao descubrimento, que aumenten o seu interese por saber, cada vez mais, sobre os diversos campos da Ciencia, Tecnoloxía, Enxeñería  e Matemáticas - STEM.

Esta actividade está organizada baixo a acción de Estratexia Galega de Educación Dixital (EduDixital2020) nas instalacións do Centro Vermislab.

Velaquí o segundo boletín do proxecto Tunnel of Time

 Marisol Soengas González, Agolada (Pontevedra) 1968, doutorouse en Bioquímica e Bioloxía Molecular na Universidade Autónoma de Madrid en 1996. Posteriormente, iniciou unha etapa de investigación en EE UU, no Cold Spring Harbor Laboratory de Nova York e na Universidade de Michigan. En 2008, regresa a España ao Centro Nacional de Investigacións Oncolóxicas (CNIO), onde dirixe o Grupo de Melanoma, o mesmo que en 2009 identificou un composto sintético capaz de desencadear a destrución masiva das células deste cancro de pel, achado que mereceu a portada da prestixiosa revista científica Cell, e descubriu 40 xenes específicos do melanoma en 2014. É unha das investigadoras máis prestixiosas do mundo na loita contra o melanoma, o cancro de pel máis común e tamén o máis letal. Formouse xunto á histórica científica Margarita Salas e o seu exemplo serviulle para que sempre considerase natural que unha muller ocupase cargos de responsabilidade na ciencia. Toda unha honra para a comunidade do IES Laxeiro contar coa súa presenza entre nós e poder adicarlle un espazo do noso instituto

Entrevistas á Marisol Soengas