O IES Laxeiro participa no proxecto Erasmus+ "Tunnel of time"

O IES Laxeiro foi seleccionado para desenvolver, en calidade de socio, un proxecto de aprendizaxe e mobilidade Erasmus+ para o persoal docente e alumnas e alumnos do centro durante os próximos cursos 2017/18 e 2018/19. O proxecto, titulado Tunnel of time, conta con financiación da Comisión Europea e foi escollido logo dun complexo proceso de avaliación por parte da axencia nacional finesa, país que actúa como coordinador.

O proxecto conta coa participación de profesores e estudantes dos seguintes centros:

Tunnel of Time nace coa idea de impulsar la adquisición de habilidades e competencias de calidade así como favorecer a interculturalidade, a inclusión social e o multilingüismo. Este proxecto inclúe unha serie de actividades a realizar en cada centro e en coordinación e comunicación cos socios así como reunións periódicas cos profesores e alumnos dos outros centros.

O proxecto aborda dous temas principais: a igualdade entre homes e mulleres e as habilidades necesarias no traballo hoxe en día e no futuro, ambos vistos desde unha perspectiva interxeracional tratando de percibir como teñen cambiado co paso do tempo. Para iso os alumnos e alumnas van contar coa colaboración dos residentes e persoal da residencia As Dores e do profesoras e rapaces e rapazas de Educación Infantil do CEIP M. Rivero.

Paises participantes

 

Admisión FP Básica 2017-2018 no IES Laxeiro

Desde o 1 de setembro ata as 13:00 horas dop día 12 está aberto o prazo de admisión para cursar FP Básica . Nos arquivos adxuntos aparece toda a ionformación relativa a este proceso .

- Orde que regula o proceso

- Instrucións para o proceso de admisión

- Oferta de prazas para o curso 2017-2018

- Calendario do proceso de admisión

- Solicitude de admisión

- Conformidade familiar

- Consello orientador

- Comunicación de incorporación

- Relación de admitidos

O IES Laxeiro entre os dez mellores no ranking da ABAU

A Voz de Galicia no seu espazo A FONDO reflicte hoxe 6 de xullo a boa saúde do ensino público. Nese contexto o IES Laxeiro atópase nunha excelente posición. Desde a Dirección do IES Laxeiro amosar a nosa satisfacción polo traballo realizado e agradecer o esforzo do alumnado e profesorado, sen esquecernos da colaboración dos pais e nais como factor importante na aprendizaxe dos seus fillos e fillas.

Desde estas páxina web queremos suliñar que entre os dez primeiros centros, sete son centros públicos, un dato que ven a contrastar o traballo e o nivel que se está a acadar nestes centros, as veces tan pouco valorados e pouco defendidos socialmente.

Un dato moi importante e relevante é a mínima desviación entre as notas de bacharelato e as da propia ABAU, un feito que non acontece en todos os centros.

Noraboa a todos eses centros polo seu traballo e esforzo e a satisfacción de compartir con eles este recoñecemento.

Concurso público para a adxudicación do servicio de cafetería do IES Laxeiro curso 2017-2018

Desde hoxe día 4 de xullo ata o 24 do presente mes estará aberto o prazo para para presentar ofertas de xestión da cafetería do IES Laxeiro de Lalín. Nos arquivos adxuntos está toda a información relativa ao proceso.

Anuncio de convocatoria

Instancia

Instrucións e condicións para a contratación do servicio

Calendario de exames de setembro 2017 modificados

Publícase de novo nos seguintes arquivos o calendario de exames de setembro do curso 16-17 no IES Laxeiro coas modificacións de aulas debido ás obras do centro.

 

Calendario de exames da ESO e FP Básica

Calendario de exames de Bacharelato

Calendario de exames de Adultos

O IES Laxeiro celebra o éxito acadado nas ABAU 2017

Como todos os anos no IES LAXEIRO témonos esforzado por axudar a que o noso alumnado progrese na súa vida académica. E como todos os anos estamos orgullosos e orgullosas de todos e todas e cada un deles e delas e do seu esforzo por mellorar e superarse.

En concreto, este ano, todas e todos os que realizaron as ABAU, a nova selectividade, conseguiron aprobar e, polo tanto, o ano próximo poderán seguir os seus estudos na universidade ou realizar ciclos superiores de formación profesional.

Isto foi posible desde o compromiso co esforzo diario, coa esixencia ante o estudo, coa cercanía e o cariño. O ano que ven tocará volver a remangarse para que outro grupo de mozas e mozos nos deixen e sigan o seu camiño.

Os profesores e profesoras e o equipo directivo estamos orgullosos da cifra redonda, un pleno. Tanto dos que obtiveron uns resultados soberbios, por riba do trece; como dos aprobados ‘raspados’. Todos e todas se esforzaron e merecen e teñen e terán o noso recoñecemento.

Noraboa: Aída, Alejandro, Alexia, Alexia, Antonio, Brais, Carlota, Celia, Clara, Duarte, Elvira, Eva, Gabriela, Iria, Isabel, Jacobo, Juan, Xosé Manuel, Lucía, Manolo, María, Marta, Nerea, Noa, Pedro, Sandra, Verónica, Paula, Lucas, Oscar , Daniel e Uxío.

Calendario de matrícula para ESO e Bacharelato 2017-2018 no IES Laxeiro

O período de matricula comezará oficialmente o día 27 de xuño, unha vez entregadas as notas finais, e rematará o día 10 de xullo. Nos arquivos adxuntos podedes consultar o calendario estabrecido para os diferentes cursos da ESO e Bacharelato:

Calendario da ESO

Calendario de Bacharelato

Calendario de Fin de Curso 2016 - 2017

  •     DÍA 23 DE XUÑO: Remate de clases
  •     DÍA 23 e 26 DE XUÑO: Avaliacións
  •     DÍA 23 DE XUÑO: Entrega de notas :Adultos (20:00- 20:30 horas)
  •     DÍA 27 DE XUÑO: Entrega cualificacións de ESO, Bacharelato, CICLOS e FP Básica (10:00 a 11:00 horas)(Non haberá transporte escolar)
  •     DÍAS 27 ,28 DE XUÑO: Reclamacións ás cualificacións en ESO, BACH. CICLOS , Adultos e FP Básica.

Unha nova promoción no camiño

31/05/2017 12:51
Europe/Madrid

O 20 de maio pasado despedimos a unha nova promoción de bacharelato. Foi unha tarde para a lembranza. Tamén para animalos a seguir traballando nos seus soños e parabenizalos polo bo traballo feito durante a súa andaina no centro.

Xornada de cohesión TEI

O pasado día 7 de abril desenvolvemos unha xornada de cohesión, enmarcada no programa TEI (Titoría entre iguais), protagonizada polos alumnos e alumnas de 1º da ESO (titorandos) e os de 3º de ESO (titores). Titores e titorandos participaron nunha serie de actividades e xogos onde a cooperación entre ambos se tornaba imprescindible: Cruzar o río, Eu guío, A miña prenda... No video podedes ver algúns momentos da xornada.

Distribuir contido