Axenda 21, Información xeral, Integrantes e grupos, Actividades, Recursos

Procedemento de Reclamación ás Cualificacións Finais

18/05/2022 11:09
01/07/2022 11:09
Europe/Madrid

 2º BACHARELATO - MAIO & XUÑO

TRÁMITES E ACTUACIÓNS

PRAZO

MAIO

XUÑO

Presentación

Reclamación formal ante a Dirección.

Dous días lectivos ou, se é o caso, hábiles desde o día seguinte á comunicación.

19  e 20

27 e 28

Revisión co centro

Valoración polo departamento.

Primeiro día lectivo seguinte ou, se fose o caso, hábil a aquel en que finalice o período de solicitude de revisión.

23

29

Comunicación da decisión ao reclamante por parte da Xefatura de Estudos.

Día lectivo, ou se fose o caso, hábil.

23

29

Reclamación ante X.T.

Reclamación á Xefatura Territorial no caso en que persista o desacordo.

Dous días hábiles a partir do día seguinte á comunicación sobre a decisión adoptada.

24 e 25

30 e 1 xullo

 ESO e BAC - XUÑO 

TRÁMITES E ACTUACIÓNS

PRAZOS

Presentación

Reclamación formal ante a Dirección.

Dous días lectivos ou, se é o caso, hábiles desde o día seguinte á comunicación.

Revisión no centro

Decisión de modificación ou ratificación da cualificación final (Informe do equi0po docente ou Departamento Didáctico).

Primeiro día lectivo seguinte ou, se fose o caso, hábil a aquel en que finalice o período de solicitude de revisión.

Reunión extraordinaria para revisar o proceso de adopción da decisión de promoción ou titulación á vista das alegacións realizadas.

Dous días lectivos ou, se é o caso, hábiles desde a finalización do período de solicitude de revisión.

Comunicación da decisión ao alumnado reclamante, e á persoa docente titora.

Día lectivo, ou se fose o caso, hábil, seguinte.

Anotación nas actas de avaliación, e, no seu caso, no expediente e no historial académico, da oportuna dilixencia (Secretaría do centro) no caso de modificación dalgunha cualificación final.

Tras o proceso de revisión.

Reclamación ante a Xefatura Territorial

Reclamación ante a Xefatura Territorial no caso de que persista o desacordo

Dous días hábiles a partir do día seguinte á comunicación sobre a decisión adoptada.

FP

TRÁMITES E ACTUACIÓNS

PRAZOS

Presentación

Reclamación formal ante a Dirección.

Dous días lectivos ou, se é o caso, hábiles desde o día seguinte á comunicación.

Revisión no centro

Traslado por parte da Dirección do centro ao Departamento correspondente para a emisión do informe oportuno.

Cinco días naturais contados a partir do seguinte ao da presentación da reclamación.

Logo de recibido o informe do Departamento, a Dirección emitirá resolución ao respecto.

Comunicación da decisión ao alumnado reclamante, e á persoa docente titora.

Reclamación ante a Xefatura Territorial

Recurso de alzada ante a Xefatura Territorial, cuxa resolución agotará a vía administrativa.

Prazo máximo dun mes a partir da súa notificación.

NORMATIVA APLICÁBEL:

No relativo aos Ciclos Formativos de FP

-ORDE12xul2011, pola que se regulan o desenvolvemento, a avaliación e a acreditación académica do alumnado das ensinanzas de formación profesional inicial - A45 (Reclamacións sobre as cualificacións).

No relativo ao resto de ensinos do centro

-ORDE2mar2021 pola que se regula o dereito do alumnado á obxectividade na avaliación e se establece o procedemento de reclamación das cualificacións obtidas e das decisións de promoción e obtención do título académico que corresponda, en EInfantil, EPrimaria, ESO e BAC

-Circular 1/2022, SXEFP, pola que se precisan aspectos da ORDE2mar2021 ... para o curso 2021-2022.

-ORDE25xan2022 pola que se actualiza a normativa de avaliación nas ensinanzas de EPrimaria, de ESO e BAC no sistema educativo de GZ.

 

 

Sorteo da da cesta do nadal IES Laxeiro

Efectuado o sorteo das rifas da cesta de nadal 2017, comunicamos que o número agraciado co premio foi o seguinte

 

                                                                2764

O IES Laxeiro celebra o éxito acadado nas ABAU 2017

Como todos os anos no IES LAXEIRO témonos esforzado por axudar a que o noso alumnado progrese na súa vida académica. E como todos os anos estamos orgullosos e orgullosas de todos e todas e cada un deles e delas e do seu esforzo por mellorar e superarse.

En concreto, este ano, todas e todos os que realizaron as ABAU, a nova selectividade, conseguiron aprobar e, polo tanto, o ano próximo poderán seguir os seus estudos na universidade ou realizar ciclos superiores de formación profesional.

Isto foi posible desde o compromiso co esforzo diario, coa esixencia ante o estudo, coa cercanía e o cariño. O ano que ven tocará volver a remangarse para que outro grupo de mozas e mozos nos deixen e sigan o seu camiño.

Os profesores e profesoras e o equipo directivo estamos orgullosos da cifra redonda, un pleno. Tanto dos que obtiveron uns resultados soberbios, por riba do trece; como dos aprobados ‘raspados’. Todos e todas se esforzaron e merecen e teñen e terán o noso recoñecemento.

Noraboa: Aída, Alejandro, Alexia, Alexia, Antonio, Brais, Carlota, Celia, Clara, Duarte, Elvira, Eva, Gabriela, Iria, Isabel, Jacobo, Juan, Xosé Manuel, Lucía, Manolo, María, Marta, Nerea, Noa, Pedro, Sandra, Verónica, Paula, Lucas, Oscar , Daniel e Uxío.

Pantallas Amigas e o IES Laxeiro xuntos para combatir o "Ciberbullying".

Será o día 4 de febreiro no Salón de Actos do IES Laxeiro onde este grupo que cumple agora dez anos de traballo, dará a coñecer as súas experiencias  e iniciativas que teñen como misión a promoción do uso seguro e saudable das novas tecnoloxías e o fomento da cidadanía dixital responsable na infancia e na adolescencia.

O ciberbullying é uha prioridade para PantallasAmigas que xa no 2006 publicou a súa primera guía sobre o asunto. Un grupo que conta co apoio de EDEX , organización non lucrativa de acción social con máis de 40 anos de traxectoria no  impulso do desenvolvemento integral da infancia e a adolescencia.

EDEX é unha organización sen fins de lucro, independente e profesional, comprometida coa acción socioeducativa que naceu en Bilbao en 1973.

O "Ciberbullying" é unha prioridade para Pantallas Amigas que xa publicou en 2006 a súa primeira guía sobre este asunto.

Decálogo por la ciberconvivencia positiva y contra la violencia digital

Unha actividade que dada a súa importancia vai a estar dirixida tanto ao alumnado do centro coma ás/aos nais/pais que así o desexen.

O horario para o alumnado será pola mañá desde as 11:00 horas ata ás 14:30 e pola tarde desde as 16:00 ata as 18:40 horas.

O horario para pais e nais de alumnos será ás 20:00 horas no Salón de Actos do instituto.

Dada a importancia desta problemática actual agardamos que sexa do interese de toda a Comunidade Educativa

 

Día da Ciencia en Galego

O pasado día 4 de Novembro de 2013 celebrouse o día da Ciencia en Galego.

Nesta ocasión estivo dedicado ás figuras de Isaac Díaz Pardo, intelectual, pintor, escritor e filántropo galego. A Florence Nightingale, enfermeira inglesa que coas súas medidas de hixiena nos hospitais contribuiu ao desenvolvemento da mediciña moderna. E a Richard Buckminster Fuller, arquitecto estadounidense que revolucionou o mundo da construción con materiais lixeiros e as súas famosas cúpulas xeodésicas.

Desde o IES Laxeiro fixémoslles unha pequena homenaxe realizando carteis de cada un dos persoeiros honrados neste día, que quedaron ao longo de toda a semana expostos para toda a Comunidade Educativa. Tamén realizamos obradoiros de cúpulas xeodésicas con palliñas dos refrescos de plástico e un mural para celebrar este día.

Nas fotografías vese unha mostra deste acontecemento.

Viaxe por Asturias e Cantabria

 

O último fin de semana do mes de xuño de 2013, os alumnos do centro Rubén Carballude e José Manuel Lorenzo acompañados polo profesor Luís Jar, realizaron unha viaxe cultural por terras de Asturias e Cantabria.

Esta viaxe entraba dentro do 1º premio de Investigación Científica Luis Freire 2013, que gañou Rubén Carballude co traballo: "A que velocidade se moven os caracois?".

Nela tivemos ocasión de ver o xardín botánico de Xixón, as covas de Tito Bustillo e o Soplao, o museo asturiano dos dinosaurios e as vilas de Candás, Ribadesella e Cangas de Onís.

Unha viaxe que premia o esforzo e bo saber destes dous alumnos, e que os enche de folgos para o próximo curso que esperemos estea tan cargado de agradables sorpresas como o estivo este que remata.

Nas fotografías pódese observar unha pequena mostrar das experiencias vividas nesta viaxe.

Os equipos de 1ºESO B e 3ºESO B gañaron as finais de CIFRAS E LETRAS

 

O venres 25 de maio celebráronse as finais do concurso de Cifras e Letras que organizaron os departamentos de Matemáticas dos dous Institutos de Lalín, “Ramón Mª Aller” e “Laxeiro”. Houbo dúas finais, unha para 1º e 2º de ESO e outra para 3º e 4º de ESO.

Á final de 1º e 2º de ESO, que se celebrou no salón de actos do IES “Ramón Mª Aller”, chegaron os catro equipos gañadores das finais por cursos que se celebraron nos seus respectivos centros. Nela participaron os alumnos:  

 

1º ESO IES “LAXEIRO: JACOBO JORGE HERMIDA / JUAN MANUEL PÉREZ PEDROUZO

1ºESO IES “RAMÓN Mª ALLER”: RUBÉN FERREIRO ARIAS / RUBÉN NOGUEIRA TABOADA

 2º ESO IES “LAXEIRO:  XABIER GARCÍA ANDRADE / ADRIÁN OURO MIGUÉLEZ

2º  ESO “RAMÓN Mª ALLER”:  DANIEL CAGIDE RIVAS /  SANTIAGO BUJÁN FERREIRA

 

 Á final de 3º e 4º de ESO, que se celebrou no salón de actos do IES “Laxeiro”, chegaron os catro equipos gañadores das finais por cursos que se celebraron nos seus respectivos centros. Nela participaron os alumnos e alumnas:  

 

3º ESO IES “LAXEIRO:   BELÉN FERNÁNDEZ LÓPEZ  / NOELIA FERNÁNDEZ VÁZQUEZ

3º ESO “RAMÓN Mª ALLER”: GABRIEL VÁZQUEZ FREIJEIRO / BRAIS PARDO AREÁN

4º ESO IES “LAXEIRO:  MARCOS OTERO VÁZQUEZ/ JUAN CARLOS ORO VIDAL 

4º  ESO “RAMÓN Mª ALLER”:  BRYAN TREJOS RESTREPO /  NICOLÁS VARELA GARCÍA

 

As finais estiveron moi competidas, na de 1º e 2º resolveuse na última rolda e na de 3º e 4º tivo que recurrirse a unha rolda adicional de cifras para resolver o empate entre o 2º e 3º clasifcado.

Gañaros as respectivas finais os alumnos de 1ºESO B do IES “Laxeiro”: JACOBO JORGE HERMIDA  e  JUAN MANUEL PÉREZ PEDROUZO e as alumnas de 3ºESO B do IES “Laxeiro”: BELÉN FERNÁNDEZ LÓPEZ  e  NOELIA FERNÁNDEZ VÁZQUEZ

Todos os alumnos participantes recibiron agasallos e camisetas deseñadas expresamente para esta final.

 

  



laxas traducidas, sesión de traballo 5/2011

o luns 28 de marzo logo das aulas de tarde reúnese novamente o grupo de tradución "laxas traducidas" para traballar na tradución da proposta de traballo linh dinh - blood and soap. máis información en laxastraducidas.blogspot.com

Axudas para a realización de actividades de formación en Linguas Estranxeiras Ano 2011

A Consellería de Educación e Ordenación Universitaria convoca 3.730 prazas para realizar actividades de formación en linguas estranxeiras no ano 2011. Poderán solicitar estas axudas o alumnado de centros sostidos con fondos públicos da Comunidade Autónoma Galega dos cursos de 6º Primaria; 1º-2º-3º e 4º ESO; 1º e 2º Bacharelato e Ciclos Superiores que teñan no seu currículo un módulo profesional de lingua estranxeira.Na seguinte nota informartiva, na Orde do 8 de marzo de 2011 e no cartel informativo atoparedes toda a información. O prazo abrangue desde o 12 de marzo ata o 12 de abril  e a Web da convocatoria é a seguinte: http://wwww.edu.xunta.es/axudasle

Distribuir contido