COMPETENCIA DIXITAL DO ALUMNADO
4º ESO - PROBA DE PILOTAXE

O noso centro educativo foi seleccionado para a realización dunha proba piloto coa que se pretende analizar a competencia dixital do alumnado de 4º de ESO.

A competencia dixital enténdese a combinación de coñecementos, habilidades e aptitudes para o uso seguro, crítico e responsable das TIC na aprendizaxe, o traballo, o lecer, a participación na sociedade e a interacción con ditas tecnoloxías. A nivel práctico estrutúrase en cinco grandes áreas (Información e datos, Comunicación e colaboración, Creación de contido dixital, Seguridade e privacidade e Contorna dixital e solución de problemas). Pódese acceder na seguinte Ligazón ao portal para realizar a proba de demostración ---> Fai Click!

Mediante esta proba piloto obterase información de gran valor de cara ás decisións executivas que a CCEFPU tomará nos vindeiros cursos en relación ás accións de impacto definidas na Estratexia Educación Dixital 2030, as cales están enfocadas a unha maior presenza da educación dixital nas aulas co fin de acadar, entre outros obxectivos, a cidadanía dixital plena (convivencia dixital pacífica, alfabetización informacional e loita contra a desinformación, pensamento crítico) e atallar a fenda dixital.

Dita proba realizarase de xeito online a través da plataforma deseñada pola Axencia para a Modernización de Galicia (AMTEGA), a cal garante en todo momento a privacidade dos datos dos participantes. ComDix: Plataforma de certificación en el Marco Gallego de Competencias Digitales (xunta.gal)

Esta pilotaxe non terá como consecuencia ningún tipo de acreditación para o alumnado. Servirá para valorar a oportunidade, viabilidade e funcionamento das ferramentas que
permitirán facelo no futuro.

DÍA DA PROBA - Mércores 31 de maio de 2023

LUGAR & PROCEDEMENTO: NAS PROPIAS AULAS DO ALUMNADO COS SEUS EQUIPOS EDIXGAL

REALIZARÁN A PROBA SUPERVISADOS POLO EQUIPO ADIX E PROFESORADO DO CENTRO

Agradecer a tod@s, o tempo e a vosa participación!

CALENDARIO DE ADMISIÓN PARA AS PROBAS LIBRES PARA OBTENCIÓN DOS TÍTULOS DE TÉCNICO E DE TÉCNICO SUPERIOR DE CICLOS FORMATIVOS DE FORMACIÓN PROFESIONAL

Para  máis información:  http://www.edu.xunta.gal/fp

Con motivo do Día Internacional da Muller e a Nena na Ciencia, o alumnado do noso IES participou no programa ‘CONÓCELAS’, unha iniciativa da Asociación Española de Investigación sobre o Cancro (ASEICA), que reúne a cerca de 150 científicas en colexios de toda España para visibilizar ás investigadoras que hai ‘detrás da bata’.

A través dunha conexión en directo, o alumnado puido descubrir e falar directamente con unha das “detectives do cancro”: a científica Clotilde Costa Nogueira. Clotilde reflexionou sobre a labor das mulleres científicas e das dificultades que tiveron ao longo da historia, e que seguen a ter, para que sexan recoñecidos os seus méritos e cheguen a ocupar postos de maior relevancia no mundo da ciencia. Compartiu a experiencia e traxectoria como científica dende a súa Moaña natal para rematar explicando en que centra actualmente a súa investigación en Santiago de Compostela, a biopsia líquida.

Clotilde transmitiu optimismo e animou ao alumnado e, en particular, ás nenas do noso centro a que se interesen pola ciencia. 

Soña, atrévete!

O alumnado de 2º curso do CSAF realizou a pasada semana unha actividade complementaria con Carlos Fernández, técnico do Ximnasio      Ferro´S de Lalín. A formación centrouse no desenvolvemento de progresións para a aprendizaxe dos "movementos olímpicos", exercicios especificos para o adestramento de forza con pesos libres.  A actividade desenvolveuse en 3 horas lectivas na aula de prácticas do CSAF no Lalín Arena, dentro da programación do módulo "Fitness en sala de adestramento polivalente".  

 [By María Elsa Martínez Vázquez]

25 de novembro de 2022 

No curso 2021-2022, o noso centro incorporouse a Rede Dixital Galega de Centros DixitalGal.

Toda a Normativa está ligada ao Portal Educativo sobre a Competencia Dixital.

Fai Click na icona para acceder -->

Ao longo do curso 2021-2022, realizouse a Fase I de Diagnose e de Análise da situación de Partida, e logo, realizouse a Fase II a de Deseño e Elaboración do Plan de Acción na concreción de obxectivos...

No curso 2022-2023 realizarase a Fase III, na implantación, seguimento e avaliación do Plan Dixital.

O Plan Dixital é un instrumento para a mellora da Competencia Dixital de toda a nosa Comunidade Educativa, evidentemente, sempre na procura da mellora educativa ao noso alumnado. Un mecanismo accionado polo modelo de centro educativo dixital e enmarcado no Plan Estratéxico Europeo do Centro Común de Investigación | Comisión Europea .

O documento foi presentado ao Claustro e aprobado polo Consello Escolar.

Como cada ano, celebramos o mes de novembro como da Ciencia en Galego. Dende o noso centron dende o Club de Ciencias e do Equipo de Normalización Lingüística, están a planificar un conxunto de actividades para disfrutar da Ciencia en Galego. A Proposta de actividades é moi diversa e conta coas seguintes, e moito máis...

Xa temos testimonios de Boas Prácticas no noso centro, aquí tendes unha mostra no seguinte vídeo:

Vídeo realizado por Cristina Iglesias Iglesias - Profesora de Física y Química

Un ano máis dentro das actividades do ERASMUS+ " "21st Century Skills through Traditional Outdoor Games"   contamos coa colaboración de Luis Iglesias "Luchi" para desenvolver unha xornada de Xogos Tradicionais no IES Laxeiro. 

Deixamos unha pequena mostra gráfica dalgúns dos xogos realizados.