Deportes

DESPEDIDA DE ANO CON SENDEIRISMO POR MOURISCADE

01/01/2024 16:49
Europe/Madrid

O alumnado de 3º de ESO do IES Laxeiro despediu o trimestre participando nunha ruta de sendeirismo de trazado circular e 8 km de lonxitude que transcorre pola contorna de Mouriscade, seguindo o leito do río Asneiro ao seu paso polas parroquias de Doade e Vilanova. 

A actividade foi organizada polo alumnado de 2º curso do Ciclo de FP de "Guía no medio natural" do IES Colmeiro de Silleda. Durante a ruta visitamos o Castro de Doade, desfrutamos da decoración de Nadal do núcleo urbano desta parroquia no cal atopamos o museo etnográfico "Casa do Patrón" e pasamos pola aldea dos Muíños e por Vilanova onde fixemos unha parada para repoñer forzas. 

De volta a área recreativa de Mouriscade os organizadores dispuxeron con cordas distintos elementos de seguridade e pasos elevados que o alumnado do Laxeiro puido coñecer e utilizar. 

Feliz 2024.

 

ACTIVIDADE DEPORTIVA EN IDADE ESCOLAR: CAMPO A TRAVÉS

17/11/2023 15:43
Europe/Madrid

Boa participación do alumnado de 1º, 2º e 3º de ESO do IES Laxeiro na fase zonal da actividade deportiva de Campo a través. Un total de 140 alumnas/os do Laxeiro compartiron unha boa máñá deportiva no recinto ferial da Semana Verde de Silleda. Deixamos unha pequena mostra dos podiums nos que tivemos ampla representación.  

RUTA POLO "CAMIÑO DE INVERNO

23/06/2022 08:58
Europe/Madrid

O pasado venres 17 o alumnado de 2º de ESO realizou 12 km do "Camiño de inverno" correspondentes a etapa "Rodeiro-Lalín". A actividade organizouse desde o departamento de EF en colaboración con docentes doutras materias e dentro do programa de actividades complementarias do centro e do ERASMUS+ "21st century skills through traditional outdoor games".

Deixamos algunha imaxes da actividade.

 

Noraboa aos nosos cadetes!

Temos a satisfacción e o orgullo de contar entre o noso alumnado con algúns dos novos subcampións de España de balonmán, na categoría de Cadetes. Un grupo de alumnos que entende o deporte de equipo como sacrificio, competitividade... pero sobre todo deportividade!

Cadetes do IES Laxeiro

Deporte na escola

O IES Laxeiro participa no programa Deporte na Escola, promovido pola Dirección Xeral para o Deporte e a Consellería de Educación. Trátase dunha nova experiencia deportiva no ámbito escolar de recente desenvolvemento.

Distribuir contido