O pasado día 4 de Novembro de 2013 celebrouse o día da Ciencia en Galego.

Nesta ocasión estivo dedicado ás figuras de Isaac Díaz Pardo, intelectual, pintor, escritor e filántropo galego. A Florence Nightingale, enfermeira inglesa que coas súas medidas de hixiena nos hospitais contribuiu ao desenvolvemento da mediciña moderna. E a Richard Buckminster Fuller, arquitecto estadounidense que revolucionou o mundo da construción con materiais lixeiros e as súas famosas cúpulas xeodésicas.

Desde o IES Laxeiro fixémoslles unha pequena homenaxe realizando carteis de cada un dos persoeiros honrados neste día, que quedaron ao longo de toda a semana expostos para toda a Comunidade Educativa. Tamén realizamos obradoiros de cúpulas xeodésicas con palliñas dos refrescos de plástico e un mural para celebrar este día.

Nas fotografías vese unha mostra deste acontecemento.