Durante as últimas dúas semanas todo o alumnado da ESO e 1° de Bacharelato participou na actividade "RCP na aula", que forma parte do Plan Proxecta e está incluída este ano no Club de Ciencia.

O CEFORE cedeu dous maniquíes e un desfibrilador de prácticas para realizar a actividade. Os maniquíes do CEFORE complementaron o adquirido polo centro en datas próximas. 

Álbum: Curso 22-23 -> RCP na aula_22_23

Unha selección de alumnas de 2º de ESO participou hoxe nun campionato de fútbol sala feminino celebrado en Monfero. 

As rapazas do IES Francisco Aguiar pasárono moi ben. Haberá que repetir logo a experiencia!

No día de onte, os grupos de E2B e E2D saíron de excursión á zona da Ponte de Porco, en Miño e aproveitaron para baixar á praia.

Álbum: Curso 2021-2022 -> Saída de Miño

O grupo de 1ºD de ESO vai de ruta polo Val do Mandeo.

O grupo de E3B vai practicar piragüismo no río Mandeo entre as 11:30 e as 13:25.

Neste mes de maio, o alumnado de 2° e 3° de ESO está a practicar remo en piragua no río Mandeo, baixo a supervisión do Club de Piragüismo Betanzos.

Álbum: Curso 2021-2022 -> Remo no Mandeo

Os grupos de E2B e E2D saen de ruta de sendeirismo a Miño, entre as 10:25 e as 14:15.

Os grupos de E2A e E2D sairán de ruta por Miño.

O alumnado de E2B practicará piragüismo no río Mandeo.

Ana Vilela,  adestradora de ximnasia rítmica e xuíza pertencente ao club "Volvoreta", de Begonte, e  que se encontra realizando as prácticas do máster de profesorado de secundaria no IES Francisco Aguiar, impartiu durante a semana pasada unhas sesións de iniciación á Ximnasia Rítmica para o alumnado de 1º e 2º de ESO.
O alumnado iniciouse no uso da bóla, a fita, as mazas e os aros, resultando unha actividade novidosa e enriquecedora.

Álbum: Curso 2021-2022 -> Ximnasia rítmica