O pasado xoves día 2 de decembro, o alumnado de Promoción de Estilos de Vida Saudables , elaboraron os seus propios almorzos saludables.

mmmmm....que boa pinta!

Finalizadas as 6 sesións de Inspira STEAM co alumnado de 1º ESO soamente queremos agradecer ás 6 mentoras e mentores que traballaron con nos durante estas semanas para dar visibilización as profesións do ámbito da ciencia e a tecnoloxía. 

Para o alumnado participantes déixovos un gran saúdo das vosas mentoras e mentores, e tamén esta enquisa final que debedes cubrir. Pinchade na imaxe.

Vémonos o ano que ven!!! 

Taller de impresión 3D

O pasado xoves o alumnado de 4º ESO do CPI Cova Terreña desfrutou dunha xornada formativa sobre a impresión 3D organizada polo departamento de Tecnoloxía. Dende a empresa Rysia Impresión 3D de Vigo, dous profesionais do sector desprazáronse ata o centro con tres modelos diferenets de impresoras 3D valorizadas dende 500€ ata os 3000€.

O taller estruturouse en varias seccións. En primeiro lugar explicaron que é unha impresora 3D, os elementos fundamentais que a compoñen, o seu funcionamento baseado na fabricación de pezas a partir de deposición das capas de material (fabricación por adición) e os diferentes materiais que pode empregar. Tras familiarizarse coa máquina é importante coñecer os software que nos permitirán comunicarnos coa impresora. En primeiro lugar comezase cun software de deseño (Tinkercad, Onshape, etc) para a creación ou deseño da peza dende cero. Unha vez finalizada, precísase dun software de capas (Ultimaker Cura) para configurar os parámetros de impresión e transformar o arquivo a un formato lexible pola impresora, cuxo obxectivo é dividir o deseño en capas sucesivas. 

O alumnado puido poñer en funcionamento as impresoras e obter algúns dos deseños que eles mesmos crearan na clase de TIC, previa nivelación e posta a punto das máquinas. 

Por último se expuxeron algúns dos problemas máis comúns e como solventalos, así como algunhas indicacións de mantemento básico das impresoras. 

Aínda que as impresoras coas que se traabllou soamente utilizaban un tipo de material, o PLA, dende a empresa trouxeron unha ampla variedade de pezas impresas por eles mesmos fabricadas con diferentes tipos de materiais: algúns con propiedades elaśticas, con contidos metálicos e pétreos e imitacións a outros materiais como a madeira ou a goma. 

¡Agora xa estamos preparados para facer as nosas propias creacións e imprimirlas na nosa impresora!

O alumnado de 1ºESO participará por tercer ano no proxecto Inspira STEAM. Trátase dun proxecto pioneiro en Euskadi e promovido pola Universidade de vigo para o fomento das vocacións científico-tecnolóxicas entras as rapazas a través de accións de sensibilización e orientación que impartirán mulleres e homes profesionais do mundo da investigación, da ciencia e da tecnoloxía.

O CPI Cova Terreña ven participando dende a súa implantación na comunidade Galega dende fai 4 anos. Contaremos este curso con 3 mentoras e 3 mentores procedentes de diferentes ámbitos como a Universidade de Vigo e empresas privadas como Gradiant Technologies y Optare Solutions.

O proxecto realizarase dentro do horario lectivo e conta cun total de 6 sesións que comezarán mañá 15 de decembro e finalizarán o 7 de febreiro.

O alumnado participante deberá cubrir o seguinte cuestionario antes da primeira sesión:

https://forms.gle/hh7p4NEZ5QSz3bedA

Para máis información, visita a páxina web do proxecto.

O alumnado de 1ºESO acaba de finalizar esta semana a súa participación no proxecto Inspira STEAM despois de 6 sesións que comezaron o día 18 de marzo baixo a coordinación do departamento de Tecnoloxía

Inspira STEAM é un proxecto promovido pola Universidade de Deusto que conta coa colaboración hoxe en día de 9 universidades españolas, entre elas a Universidade de Vigo dende a súa 3ª edición. Este proxecto é pioneiro no fomento da vocación científico-tecnolóxica entre a rapazada, baseado nas accións de sensibilización e orientación, que imparten mulleres profesionais do mundo da investigación, ciencia e tecnoloxía a través do mentoring grupal. Os seus obxectivos principais son o fomento das STEAM (Science, Technology, Engineering, Arts and Maths) entre estudantes, a visualización da muller, pór en valor a igualdade de capacidades entre homes e mulleres, a identificación dos estereotipos de xéneros, entre outros, coa finalidade de contribuir ao empoderamento das mulleres. 

Este curso 2020/21, o alumnado do CPI Cova Terreña contou coa disposición de catro mentoras e dous mentores procedentes de diferentes empresas e organismos da contorna relacionados co ámbito tecnolóxico. Grazas a súa implicación e entusiasmo o alumnado puido desfrutar destas experiencias de forma satisfactoria á que cada ano únense máis centros ao longo do país.

Esta actividade sumase ás desenvolvidas dentro do Plan Proxecta Rapazas emprendedoras nas TIC.

O pasado mes de novembro o alumnado de Tecnoloxía de 4º ESO visitamos as instalacións da empresa Ecoforest, situada en Porto do Molle (Nigrán). Alí amosáronnos os diferentes departamentos, o funcionamento global da empresa así coma os diferentes sistemas de calefacción que eles mesmos deseñan e fabrican. Unha magnífica maneira de favorecer a adquisición dos contidos traballados na aula sobre as instalación en vivendas.

Foi un auténtico pracer poder coñecer as instalacións e o funcionamento de esta gran empresa.