O Departamento de Normalización Lingüística do IES Francisco Aguiar organiza para o grupo de 1º D de Bacharelato unha visita virtual á editorial de poesía "Medulia", co obxec tivo de dar a coñercer a forma de traballar dunha editorial de poesía.

MEDULIA, editorial galega, privada e independente, ofrece unha asistencia integral, tanto literaria como xurídica, a calquera autor/a que lle confíe o seu manuscrito desde o momento da entrega ata a publicación. E despois de publicado, continúa apoiando o seu desenvolvemento e promoción, sempre no propósito de dotar a cada obra da maior visibilidade e transcendencia.

Chegou aos nosos oídos.... que Lidia Gomez, lingüista, ex alumna do Aguiar  publica o seu Traballo de fin de Master sobre o galego e a linguaxe da rapazada.

O paso da educación primaria á secundaria e mais o comezo da vida laboral son dous momentos chave nas mudas lingüísticas da mocidade en prexuízo do uso do galego. Así o conclúe un traballo de Lidia Gómez Martínez publicado no último número de Cadernos de Lingua, unha análise das narrativas biográficas de dezasete mozos e mozas galegas nas que estes contan e interpretan as súas experiencias vitais arredor da lingua. (RAG)

Así nolo explica Lidia nunha entrevista na radio galega.

https://www.crtvg.es/rg/podcast/diario-cultural-diario-cultural-do-dia-09-03-2021-4859818?t=74

Pica na imaxe da revista ou no arquivo adxunto para ler o traballo aparecido en Cadernos da Lingua da Real Academia Galega

PARABÉNS para Lidia!

Compartimos con todos vós os poemas de Rosalía de Castro recitados por alumnado de 1º BAC e 4º da ESO para conmemorar o seu día, 24 de febreiro.

Grazas aos participantes por prestar voz e sentimento ás palabras da nosa escritora. Grazas por dar voz á nosa lingua e a nosa radio. Grazas tamén a Carme Suárez por esta iniciativa que inclúe 52 poemas dos que non quixo renunciar a ningún, dándolle voz a todo o seu alumnado.

Á pregunta, ''cal foi o recitado que máis che gustou?'', Carme non quixo contestar. Poderías axudarnos ti a decidir cal é o poema máis sentido, a mellor interpretación, ... Envíanos se queres a resposta á nosa conta de correo da biblio.

Mañá, 24 de febreiro, cúmprense 184 anos do nacemento da nosa maior poeta, Rosalía Castro.

O alumnado de Lingua Galega e Literatura dos grupos de 3ºA e 3ºB fixo un vídeo cos seus poemas recitados para celebrar o

Día de Rosalía.

Compartimos convosco a opinión de Javier que recomenda a lectura de 'O sol do verán' de Carlos Casares.

Esta é a primeira das videocríticas que o alumnado de 4º da ESO fixo na materia de Lingua Galega e Literatura. Conteñen unha suxerencia lectora para este Nadal: 'O Corazón de Xúpiter' de Ledicia Costas.

"Achegándonos á palabra" é un obradoiro literario, impartido polo Grupo Apiario e organizado polo Departamento Didáctico de Normalización lingüística.

O obxectivo é traballar a competencia artística e lingüística do noso alumnado, traballando a lingua escrita.

O obradoiro desenvolverase o 25 de novembro e está destinado aos grupos de 3º C e 3º D de ESO.

Obradoiro que quere dar a coñecer ao alumnado de 1º de BAC D e E a figura homenaxeada no Día das Letras Galega 2019.

Preme nas imaxes para descargar o traballo e a entrevista realizada por  Marina, Paula Mato,Lourdes e Inés de 4º ESO sobre o grupo de Rap Galego EZETAERRE

Compartimos algún dos poemas creados durante o confinamento polo alumnado de Xema Sanxurxo.

Álbum: Actividades 2019-2020 -> poesía galega des-confinada