Video resumo de moitas cousas, da beleza singular da paisaxe, do desfrute dos participantes no intercambio, ... dunha experiencia que, sen dúbida é, moito maior do que se pode plasmar nun vídeo. Grazas a todos os que a fixeron posible.

Viaxe organizada por José Permuy do departamento de Educación Física

Organizadas por Leo Piñeiro do departamento de Educación Física en colaboración co Club de Piraguïsmo Ría de Betanzos.

Os vindeiros 14 e 21 de maio os alumnos de 1º de Bacharelato viaxarán na procura das pegadas de "A Esmorga", obra de Eduardo Blanco Amor, na cidade na que se desenvolve a novela, Ourense.

Descubrir eses espazos, as rúas, tabernas, fontes... como un xeito de achegarse a esta obra é unha proposta do Departamento de Lingua e Literatura Galega  que completa perfectamente o traballo nas aulas sobre esta obra cumio da literatura galega.

A viaxe desenvolverase en dúas quendas:

CAMBIO DE DATAS POLAS CONDICIÓNS METEREOLÓXICAS

Saídas didácticas organizadas polo departamento de Matemáticas. Os profesores dos diferentes grupos de 2º da ESO, Pilar Vázquez, Miguel Regueiro e Natalia Pou acompañarán ao alumnado para, empregando a relación de semellanza, realizar medicións de diferentes monumentos representativos da nosa cidade neste 800 aniversario tan importante para todos.

Ninguén podía imaxinar a principio do pasado curso, 2017-2018, a onde chegaría a iniciativa que partía do noso compañeiro de Pedagoxía Terapéutica, Ramón Ferreño.  Animado polos encontros interxeracionais para falar da emigración Ramón propuxo  introducir nesa "conversa" un novo tema: a escola dos nosos maiores. Ofertaba, tamén, a súa propia explendida colección de materiais escolares doutras época para ilustrar o traballo.

Puxémonos en contacto con Afundación para presentar a proposta a Ana Doval e X. Lois Liñares, e a cousa pùxose a andar. O curso pasado experimentamos, como pilotos, os materiais no noso instituto. O traballo de Delfina Roibal, Julián Ferrer e Ramón Ferreño deu bos resultados aplicado ao alumnado de 2º ESO.

Este ano , volvemos a traballar coa  proposta,  pero dista volta con alumnado de 1º BAC. Había que perfeccionar porque queríase presentar en sociedade, convidar a outros centros a traballar con ela...

O video que presentamos recolle esta presentación no Instituto coruñés de Monte das Moas  co padriñado doutra colega historiadora, Ana Brea, e a presencia no acto de Delfina Ruibal.

Un paso máis na presenza da escola pública no noso entorno social,

unha ocasión máis dun Aguiar atento a cantas oportunidades xurdan de dignificar e mellorar o ensino público.

^{venres 10 de maio 2019}

Durante toda a mañá. Tras unha charla xeral, o alumnado escolle a rama de coñecemento á que quere acudir na visita.

Organizada por Amparo Mejuto do departamento de Orientación e vicedirección.

Organizado polo departamento de Normalización lingüística en colaboración co Concello de Betanzos. O alumnado de 4º da ESO asistirá á representación teatral da obra 'Pelos na lingua' de Talía teatro no edificio Liceo de Betanzos. De 12:00 a 13:30.

O pasado xoves 2 de maio, un grupo de alumnos/as de 1º de bacharelato A, acompañados da súa profesora de Física e Química, Mª Luisa Muíño Rey, realizaron unha visita á farmacia de Couceiro. Este é un lugar singular, querido por todos os betanceiros/as, admirado polos seus visitantes. O establecemento comercial máis antigo de Galicia, sempre na mesma ubicación, a farmacia é un pequeno museo. Agradecémoslle a súa farmacéutica, María Sánchez, a súa dedicación ao guiarnos dende a botica con instrumental antigo e modelos de balanzas, ata o laboratorio, onde aínda hoxe elaboran artesanalmente tratamentos específicos.