SAFARI FOTOPOÉTICO (non garantimos a presenza de elefantes):

Valentín Paz Andrade. LETRAS GALEGAS 2012

A Biblioteca do IES Francisco Aguiar de Betanzos convoca á súa comunidade escolar a un safari fotopoético sumándose á homenaxe das Letras Galegas a Valentín Paz Andrade

 Rexirase polas seguintes bases:

 1.

Poden participar todos os alumnos e alumnas do IES Francisco Aguiar. Ábrese igualmente a toda a comunidade escolar que desexe participar, nais-pais, persoal docente e non docente, ex-alumnos e ex-alumnas

 2.

As datas nas que  se realizará o SAFARI fotopoético  estarán comprendidas entre o 17 e o 27 de maio do presente ano  2012

 3.

O día 28 de maio será a data límite para a entrega das fotopoesías.

 4.

As  fotografías deberán ser orixinais e tomadas en Betanzos ou na súa bisbarra

 5.

As imaxes deben ilustrar algún verso do homenaxeado na edición deste ano das Letras Galegas, Valentín Paz Andrade ( a tal fin adxuntarase a estas bases unha pequena escolma poética do dito autor)

 6.

O texto do verso elixido debe aparecer  integrado na propia imaxe.

 7.

As imaxes a concurso entregaranse en formato dixital (lapiz dixital ou CD) na biblioteca do IES Francisco Aguiar xunto a un sobre con pseudónimo. No  interior do dito sobre  figurarán os datos personais (nome, curso, teléfono) do autor ou autora.

 8.

Non é obligatoria a inscripción, mais a organización recomenda facerse seguidor da página da Biblioteca Francisco Aguiar en Facebook  para gañar tempo e ter unha estimación de participantes.

Os premios entregaranse avaliando os traballos presentados

Premios:

O premio consistirá nunha camiseta coa impresión da imaxe gañadora

Os premios entregaranse segúndo os siguientes criterios:

40% pola adaptación do texto de Paz Andrade á imaxe elixida

50% pola calidade e orixinalidade da imaxe

10% polo inxenio e creatividade na inserción do texto de Valentín Paz Andrade