Chegou aos nosos oídos...a participación da nosa conserxe Fabiola Pérez Mosquera, na Toxiza Classic Xtreme. Trátase dunha carreira de campo través que reuníu o pasado 8 de abril en Mondoñedo a máis de 600 atletas.

A nosa "corrente" conserxe acadou, inesperadamente para ela, pero felizmente, o primeiro posto da súa categoría (Veteranos A Mulleres)

Fabiola, que corre integrada nas filas do Club Atletismo Sada realizou o percorrido nun tempo de 2 horas, 47 minutos e 16 segundos, a unha velocidade media de 7:58 min/Km.

Parabéns!

NOTA ( de erudito repelente)

Nalgunha das súas obras Miguel de Cervantes refírese a un dos seus personaxes como un "criado corriente" usando esta palabra como participio de presente do verbo correr. Neste senso é Fabiola "corrente", porque corre ... e non vexas como!