Na imaxe,  Alba no máis alto do podio nunha carreira en Navacerrada no pasado mes de setembro

Chegou aos nosos oídos... e recoñezo que foi unha sorpresa para quen escribe estas liñas coñecer a afición de Alba Dopico polas carreiras de orientación. Foi nunha das saídas á natureza organizadas polo departamento de Educación Física onde Alba deunos a coñecer a súa particiopación nesta modalidade deportiva. A seguinte sorpresa veu cando meses, máis tarde solicitou participar no nome do IES Francisco Aguiar nos Campionatos Escolares que se celebrarían na Coruña no mes de Abril.

E hoxe, 7 de abril,  é o día no que Alba concreta dita participación na categoría infantil entre 13 e 14 anos e na modalidade de Carreira de Orientación a pé. A proba terá lugar en O Burgo (Culleredo).

Non nos queda máis que desexar sorte a Alba.

Encántanos dar noticia dos seus esforzos.

 Esperamos dar conta dos seus éxitos.

ANIMO! ( e non perdas o rumbo)