07-10-2014.

Como cando imos deixando no prato o mellor bocado para o final ... Do mesmo xeito o intercambio co Liceo Artístico Duccio di Buoninsegna está rematar. Para última visita... a da cidade de Florencia. Bágoas de emoción ante tanta beleza ( o famoso síndrome Stendhal)

08-10-2014.

Derradeiro día. Madrugón de rigor,  bágoas de despedida, promesas de recordo eterno e cita para o segundo trimestre cando chegue o momento de recibir aos seneses en Betanzos. A media tarde chegada ao aeroporto da Coruña... máis bágoas e clásicas peticións de comida tradicional ( "mamá, papá, hoxe para cear tortilla de patata"). Relato (versión para pais e nais ) do intercambio.

09-10-2014.

A volta ao Insti. Bágoas de emoción e reencontro. Relato ( versión coleguis) do intercambio. 8.45. Primeira hora. Galego para os de 4º A, Educación Ético-Cívica para os de B, Mates para os de C.

"Volver a empezar" ( pero cos petos cheos de experiencias e persoas inesquecibles)