Revivindo "Sempre Xonxa" no CPI de Cova Terreña
O alumnado do CPI de Cova Terreña recibiu a visita da actriz Uxía Blanco, protagonista do filme Sempre Xonxa, dirixido por Chano Piñeiro.
Na mañá do 24 de xaneiro recibimos no centro educativo a visita da actriz galega Uxía Blanco, protagonista do filme Sempre Xonxa, quen estableceu varios coloquios co alumnado do noso centro. No primeiro deles, orientado ao alumnado de 1º de ESO e presentado polas alumnas Lucía Núñez, Candela Román e Carla Varela, tratáronse aspectos da rodaxe do filme, así como algunhas cuestións relacionadas coa vida persoal e profesional da actriz.
Tras finalizar o coloquio, a actriz dirixiuse aos grupos de 2º de ESO, quen tamén traballaran o filme no pasado curso.
Unha vez realizadas as visitas a estes cursos iniciouse, tamén na Biblioteca do noso centro, outro coloquio, desta volta para alumnado de 4º de ESO, relatorio que foi presentado por Pedro Leyenda, Loren Outerelo e Miguel Vilar.
| Adxunto | Tamaño |
|---|---|
| 9986397C-F802-4F19-84B6-99DD8A78C07F.JPG | 227.69 KB |
| 479B479D-2A7A-4C96-94CC-C1E05C23B9F8.JPG | 307.3 KB |
| c3f19a47-ca30-4f67-aafb-6c2ecd2e8c73.JPG | 343.05 KB |
| C19B2DED-8B4A-4E5C-9877-19E34A7ECDB0.JPG | 276.42 KB |
»
- blogue de anxorajo
- APIs de Blogue
