O alumnado de 4º de ESO, que recibe formación en Economía e Emprendemento, participou na xornada do 19 de decembro de 2023 na presentación das súas sociedades cooperativas na Deputación de Pontevedra.

Ademais de presentar o noso centro e a nosa vila, Baiona, os e as representantes das diversas cooperativas explicaron quen eran os compoñentes das mesmas, os principios que as rexen e a ONG á que van doar parte dos seus beneficios.

A Deputación de Pontevedra, de man do seu deputado provincial Javier Tourís, entregou ao noso alumnado os NIF provisionais cos que poderán operar economicamente nos próximos meses.

As sociedades cooperativas Colecuas, Famouz, CIGA e Laant tentarán abrirse camiño no mercado económico cos seus produtos. Nos próximos meses teredes máis noticias!