Durante dúas semanas o alumnado da ESO estivo a realizar as probas DAFIS (datos de actividade física saudable). O centro leva xa tres anos recopilado datos do alumnado.

As probas valoran a condición física do alumnado relacionada coa saúde. Esta intervención constitúe un análise das necesidades de actividade física para unha posterior intervención.

Entre os obxectivos están loitar contra o sedentarismo, o sobrepeso e a obesidade; mellorar a saúde dos nosos escolares establecendo modelos de intervención para combater a inactividade física.

As probas poden consultarse na web da consellería: https://dafis.xunta.es/index.php/pruebas-test:

• Composición corporal

• Prensión manual

• Flexibilidade

• Salto horizontal

• Suspensión de brazos

• Velocidade

• Cardiorrespiratorio

O rexistro dos datos están vinculados co SERGAS polo que o centro de saúde poderá consultar esta relevante información para ter unha visión máis ampla dos nosos escolares.

As familias deberán dar o seu consentimento para a subida destes datos. En calquerqa caso dita información será confidencial.

No ano 2018, DAFIS foi seleccionada pola oficina europea da OMS como mellor exemplo de boas prácticas en España para a promoción da actividade física no ámbito escolar.