blogue deruben.nogueira
O Cova Terreña na radio grazas aos "latinistas tuiteros" de 4 ESO B, un conxunto de estrelas.
Radio Nacional de España emite as fins de semana un programa chamado No es un día cualquiera, presentado por Pepa Fernández. O programa conta cunha sección chamada "Verba volant", adicada ao latín e presentada polo recoñecido latinista Emilio del Río.
O noso alumnado de latín participa semanalmente no "Concursus" da nomeada sección. Na última emisión o presentador enviou un saudo en directo aos alumnos que cursan esta materia.
A emisión do último "Verba volant" pódese escoitar premento na ligazón. (Min. -36:24)
Por outra banda, nestes últimos días andiveron ocupados cubrindo o "ceo" da aula con diferentes constelacións, das que rescataron numerosas etimoloxías latinas.
Estes latinistas tuiteros brillan con luz propia.
- APIs de Blogue
Quérote+, "As relacións a través das tecnoloxías"
O xoves, 23 de marzo, os profesores María José Torres e Rubén Nogueira implementaron nos tres cursos de 3o ESO a ficha número 5, “A relación dos sexos a través da tecnoloxía”. Buscando que o noso alumnado, “nativo dixital”, reflexionase sobre o uso responsable da tecnoloxía nas relacións interpersoais propiciouse un debate que partía do cuestionario proposto na ficha e que se estendeu durante o visionado de dous recursos audiovisuais. Neste punto facilitóuselle un documento que, baixo o título de “Netiqueta”, recollía as principais normas de conduta socialmente aceptadas en Internet. Léndoas xurdiron dúbidas, reflexións e experiencias propias e alleas que se compartiron publicamente ou que foron, polo seu desexo, recollidas de modo anónimo para ser resoltas nunha última sesión do Programa Quérote+.
- APIs de Blogue
Cantan los Gallos
A autora do libro Cantan los Gallos, Marisol Ortiz de Zárate, visitou esta semana o CPI Cova Terreña para falarnos da súa obra.
O público asistente, alumnado de 3º da ESO, tivo a oportunidade de expoñer os seus traballos na Sala de Actos; conversar coa autora dunha das lecturas deste curso; facerlle preguntas ben interesantes e, como se pode apreciar no vídeo, presentar á escritora con mestría.
- APIs de Blogue
Exposición temporal "Palabras porta"
O alumnado de Latín de 4º da ESO ven de preparar esta exposición temporal na que o resto de alumnos, profesorado e personal de administración e servizos do Cova Terreña poderán afondar en numerosos termos que deron paso a outros novos, no que nomeamos como "Palabras porta".
Toparédela no segundo andar, do lado esquerdo.
Venite et videte!
- APIs de Blogue
Dicionario para Boomers (léxico actual da mocidade). Útil para os de anteriores xeracións.
A etiqueta "Boomer" emprégase habitualmente para describir ás persoas nacidas durante o baby boom, un amplo período de tempo que abrangue dende os 50 ata os 40. Así, as persoas entre os cincuenta e os setenta e cinco anos con para os máis novos uns Boomers.
A iniciativa de creación dun diccionario para boomers xorde pola necesidade de achegar o vocabulario xuvenil tanto ao profesorado como ao personal non docente, así como pais e nais do noso alumnado.
O traballo quedará exposto no enreixado do patio norte, entrada principal, durante un tempo para a súa consulta.
- APIs de Blogue
25 de Novembro contra a violencia de xénero
No Día Internacional contra a Violencia de Xénero 2021, o alumnado de 2 da ESO do CPI Cova Terreña elaborou hoxe un material propio para contribuir á súa total eliminación.
Trátase duns chíos pouco virtuais e moi reais nos que cada un expresa o seu sentir sobre este problema.
#Todasetodospolaigualdade
#Todosetodascontraaviolencia
- APIs de Blogue