O pasado martes día 18 de novembro o alumnado de 4º de E.S.O. viaxou a Ourense para asistir e desfrutar coas actividades programadas no proxecto Galiciencia e outras preparadas grazas ao patrocinio do parque Tecnópole e a organización de Altega. A viaxe foi preparada polos departamentos de Física e Química e Tecnoloxía.

O vindeiro xoves 13 de novembro, dentro das actividades da Semana da Ciencia, o alumnado de 3º ESO visitará en Santiago dúas exposicións relacionadas coas matemáticas:

- De como aprendemos a contar e os aparellos empregados (Facultade de Matemáticas - Campus Sur)

- Escher e as matemáticas (Sala de exposicións de Sargadelos)

Estas exposicións estarán abertas ao público en xeral ao longo de toda a semana para aqueles que esteades interesados.

        Á parte das novas incorporacións teremos este ano a unha compañeira de Audición e Linguaxe, provinte do IES Aller Ulloa: Sandra 

        E dicir que contamos coma sempre de apoio na Aula de apoio con Manuela García, veterana e experimentada compañeira.

Para o Plan de orientación deste curso, como novidades, consolidando todo o de outros anos:

• Este ano tentaremos desenvolver máis a liña da Coeducación e enfoque de Xénero , nos ámbitos de Convivencia e Vocacional
• Comprobaremos a efectividade dos novos Plans de Capacitación Profesional Inicial, con máis número de horas nas empresas.
• Comprobaremos o apoio dos Reforzos de 2hrs en 1º e 2º ESO.

Relación de libros de texto e material didáctico impreso para o curso 2008/09 para as materias ligadas ao departamento de Tecnoloxía.

No curso pasado, 2007-08, catorce alumnos do IES Laxeiro de 4ºESO e 1ºBACH. fixeron o intercambio con 15 alumnos do Lycée Champ-Blanc; a cada alumno atribuíuselle un compañeiro de intercambio co cal conviviu durante a súa estancia no país estranxeiro.

O alumnado de 3º da E.S.O. viaxou o martes 19 de maio ao Laboratorio de Metroloxía de Galicia (Como? Meteoroloxía?... NON, Metroloxía), no Parque Tecnolóxico de Galicia en Ourense.

A actividade estivo organizada polos departamentos de Tecnoloxía e Física e Química. Na mesma o alumnado puido coñecer de primeira man cal é a importancia das unidades e dos seus patróns, ver parte dos departamentos e aparatos de medida do laboratorio e para rematar facer xogos e obradoiros relacionados co mundo da medida. Ver fotos.

Parte do alumnado de Diversificación Curricular viaxa dende o mércores 21 ata o domingo 25 de maio a París.

A actividade está organizada conxuntamente polos departamentos de Língua e Literatura Castelán e de Língua e Literatura Galega. As profesoras acompañantes serán Sara Castro e Ester González. 

O alumnado de 1º de Bacharelato ven de defender no Parlamento de Galicia a proposición de lei sobre Desenvolvemento Rural que lle valeu o premio da actividade O Parlamento: a túa casa. A defensa consistíu en simular un debate parlamentario, con tódolos elementos formais coma a exposición da lei e os turnos de réplica baixo a dirección da presidenta Dna Dolores Villarino.

O alumnado de 2º da ESO ven de visitar Baiona e O Rosal. Na mañá do luns 12 de maio realizaron algúns itinerarios e visitas de carácter histórico pola vila de Baiona. Pola tarde, completaron a saída facendo unha ruta de sendeirismo polos muíños do Folón e do Picón, no concello d'O Rosal.

O alumnado de 3º e 4º de Diversificación Curricular ven de viaxar a Santiago para visitar a Escola Galega de Consumo. A actividade está organizada polo departamento de Língua Castelá e Literatura e realizouse durante a mañá e parte da tarde do luns día 28 de abril.