O pasado xoves día 4 tivo lugar o Día da Ciencia e da Tecnoloxía en galego, xornada de promoción da Ciencia galega e, sobre todo, de reivindicación para que se permita que as materias de matemáticas, física e química e tecnoloxías poidan ser impartidas en galego.

No IES Laxeiro, gracias ao traballo conxunto dos departamentos de Bioloxía e Xeoloxía, Física e Química, Matemáticas e Tecnoloxía,  organizáronse varias actividades para celebrar esta xornada.

A Orde do 3 maio do 2010 convocaba as axudas para alumnos de FCT. Agora , tal como refrexa a devandita Orde, ábrese o 2º prazo para poder solicitalas:

"O segundo prazo será o comprendido entre o 14 de outubro e o 14 de novembro de 2010, para o alumnado que lle corresponda realizar a FCT no período de setembro-decembro de 2010. Este alumnado deberá rematar obrigatoriamente o período de formación en centros de traballo antes do 31 de decembro de 2010. O alumnado que teña horario flexible con autorización da dirección xeral e remate despois do 31 de decembro de 2010 acollerase á seguinte convocatoria de axudas.

As solicitudes, xunto co resto da documentación requirida, poderanse presentar no centro onde o alumnado estea matriculado no momento de realizar a formación en centros de traballo. (DOG do 13 de maio )"

Nos arquivos adxuntos podedes obter máis información e rellenar o impreso de solicitude

A partires de setembro, no inicio do curso 2010-2011, o IES.Laxeiro porá en marcha un novo plan de xestión académica. SIXA, un programa informático creado por ENXENIO en colaboración coa Facultade de Informática de A Coruña, vai significar un novo paso na vida académica do noso centro.Un programa que vén a completar a Xade e que costituirá unha ferramenta esencial no traballo do profesorado. A través del os profesores , Dirección e Secretaría do Centro poderán xestionar todo o traballo tanto académico coma de titorías e comunicación cos pais/nais do noso alumnado.

Un programa que funcionará tanto a través da rede wifi do profesorado coma a través de terminais coma un móbil PDA ou un simple "pendrive" conectado a un PC para poder traballar dende a propia casa.

O sistema constará de tres módulos ou aplicacións:

• Aplicación para o profesorado
• Aplicación para o Equipo Directivo
• Comunicación coas familias

No arquivo adxunto poderás informarte máis polo miudo do que vai a consistir este proxecto que o IES.Laxeiro , no seu afán de millora continua, porá en marcha no vindeiro curso.

Felicitamos ao alumnado de 1º ESO A e a súa titora Mar García polo accesit conseguido co proxecto "Reoca sen fumes" hoxe en Santiago. Para que vos fagades unha idea, en Galicia participaron uns 6000 alumnos e 115 centros, sendo 12 os preseleccionados para os premios.

Animar tamén a 1º ESO B, C e 2º ESO B que tamén participaron, e a todos para que o próximo ano se poida repetir esta xornada. Enviamos un saúdo aos compañeiros do IES Val do Asma de Chantada cos que compartimos bus e xornada.

Así pois, esperamos que 1º ESO A pase unha divertida e mollada xornada no Aquapark de Cerceda e a todo o IES Laxeiro para que desfrute e xogue á Reoca que está situada no patio interior da cafeteria (instruccións de xogo na porta acristalada).

1º ESO        Equipo gañador:  Clara Facal Agulló e Aldara Nercellas Rodríguez (1ºESO A)

2º ESO        Equipo gañador:  Marcos Areán Vázquez e David García Val (2ºESO A)

3º ESO        Equipo gañador:  Marco Gallego Fernández e Carlos Guitián Amiama (3ºESO B)

4º ESO        Equipo gañador:  Marcos García Diéguez e Pablo Vázquez Vázquez (4ºESO A)

O venres 14 de maio tivemos o obradoiro de protección civil sobre actuación en caso de incendio, que veu a completar o obradoiro de marzo sobre primeiros auxilios. Participou alumnado e profesorado de ciclos medios de electricidade e automoción, ciclo superior de mantemento e PCPI. A primeira parte, de carácter teórico, foi impartida no salón de actos do centro e a segunda, de carácter práctico, realizouse nas instalacións de protección civil. Alí alumnado e profesorado tivo que enfrontarse a unha situación de lume real, uso correcto de extintor, atención a vento e perigos do lume...

Na galería de fotos do Centro tedes colgado un álbum coas algunhas das máis interesantes.

Esperamos que vos fose útil.

Publicada Orde de 3 maio de 2010 que convoca prazas de residencia en Coruña, Ourense e Vigo para aqueles/as que estudien ensinanzas postobrigatorias (ciclos medios e superiores, bacharelato) lonxe do seu domicilio familiar.

En orientación está dispoñibles toda a información: prazos, requisitos dos solicitantes, formularios...

1ºESO A   Clara Facal Agulló  e  Aldara Nercellas Rodríguez

1ºESO B   Julia Cortizo Kuchnir  e Judit Fernández Iglesias

1ºESO C   Daniel Batán Silva  e  David Domínguez Lamela

2ºESO A   Marcos Areán Vázquez  e  David García Val

2ºESO B   Ana Blanco del Valle  e Marta Miralles Otero

2ºESO C   Adrián García Gil  e  José Manuel Lorenzo Hermida

2ºESO D   Andrea García Vicente  e  Iria Sánchez Crespo

3ºESO A   Sara María Blanco Val  e  Adriana Souto Rozados

3ºESO B   Marco Gallego Fernández  e  Carlos Guitián Amiama

3ºESO C   Diego Méndez Buján  e  Ricardo Varela Vidal

4ºESO A   Marcos García Diéguez  e  Pablo Vázquez Vázquez

4ºESO B   Daniel Sousa Rodríguez  e  Alba Viana Soto

4ºESO C   Albet Bruguera Pereiro  e  Daniel Rivadulla Penas

        O alumno de 2ºESO do IES LAXEIRO Jorge Brey Fernández participou na fase de zona da OLIMPIADA MATEMÁTICA GALEGA  o pasado día 16 de abril en Santiago de Compostela e clasificouse para participar na FASE FINAL GALEGA  a celebrar o día 14 de maio en Vigo.

         Na fase de zona participaron máis de 400 alumnos de 2º de ESO de preto de 100 Institutos de toda Galicia, dos que só 40 pasan a FASE FINAL GALEGA.

        De clasificarse entre os tres primeiros, Jorge Brey, participaría na FASE ESTATAL DA OLIMPIADA en Palma de Mallorca do 24 ao 28 de xuño.

        O Departamento de Matemáticas quere felicitar desde aquí a Jorge polo éxito acadado e animalo para que non perda o gosto polas matemáticas e que, con elas, poida chegar ainda máis lonxe. 

Os alumnos de ESO do IES LAXEIRO Belén Fernández López, Andrés Peña del Rio, Martín Vidal Daparte, Daniel Novegil Fernández, Luis González Mouriño e Juan José Recimil Taboada, participarán no Concurso de ENXEÑO E ENTRETEMENTO MATEMÁTICO que organiza o concello de Santiago  en colaboraciín con AGAPEMA (Asocicaión de Ensinantes de Matemáticas de Galicia).

O concurso, no que participan equipos de 6 alumnos de centros de secundaria, consiste en traballar actividades, maioritariamente manipulativas, de distintas ramas das matemáticas impartidas nos dous ciclos de secundaria obrigatoria. Celebrarase na Praza da Quintana de Santiago o vindeiro día 12 de maio (Día Escolar das Matemáticas).