Un grupo de 25 alumnos de 2º de ESO ven de participar no "Programa de Inmersión Lingüística Outono 2011" organizado pola Secretaría de Estado de Educación y Formación Profesional". A actividade desenvolveuse entre o 30 de outubro e o 5 de novembro na finca El Encinar, en Mohernando (Guadalajara), onde compartiron estancia e talleres co IES Sayena de Castell de Ferro (Granada). Alí desenvolveron talleres arredor dos seguintes temas: "A contorna natural e cultural", "A aldea global", "Enerxías renovábeis", "Desenvolvemento sostible", "Reducir, reusar, reciclar". Tanto nestas como nas actividades cotiás, veladas, etc. estaban acompañados e dirixidos por monitores procedentes de Bristol, Manchester, Ohio ou New York, sendo, en todo momento, a lingua inglesa a vehicular na comunicación.

A experiencia resultou altamente positiva para o alumnado, tanto no aspecto linguistico como social e vivencial.

No blog de Anglo Orbe, entidade organizadora, podedes ver fotos e o día a día.

Nas ligazóns que seguen pódense descargar a programación do departamento e os contidos mínimos que rixen para o curso 2011/12.

Máis información nos arquivos adxuntos

O xoves 26 de maio celebrouse no Auditorio de Lalín e no IES "Ramón Mª Aller" a final comarcal do concurso de "Cifras e Letras" que organizaron os departamentos de Matemáticas do CPI de Rodeiro, IES "Pintor Colmeiro", IES Ramón Mª Aller" e IES "Laxeiro". Houbo dúas finais ás que chegaron dous alumnos de 1º ciclo (1º e 2º de ESO) e outros dous de 2º ciclo (3º e 4º de ESO) que estiveron acompañados e animados polos seus compañeiros de clase. Fotos na galería do centro.

Os departamentos de Plástica e Normalización Lingüística convocaron un concurso de carteis para concienciar ao alumnado do centro sobre a negativa incidencia que ten o decreto de plurilingüismo no ensino.

O IES.Laxeiro volve á súa cita co éxito na creación literaria. Cada ano, como ven sendo costume, o seu alumnado de 2º ESO amosa as súas cualidades de futuros/as escritores/as e colleitan novos éxitos no concurso nacional de relato corto que , como cada ano, e van cincuenta e un,organiza a Fundación Coca Cola. Este ano son duas alumnas de 2º ESO A as que logran acadar un posto na final autonómica que se vai a desenvolver no Teatro Jofre de Ferrol o próximo venres, día 3 de xuño ás sete da tarde. Alba Tomé Seijas e Ana Santorum Martínez son as creadoras destos dous relatos que a través desta páxina queremos amosárvolos.

"Entre lienzos y cuadros de Alba y números de magia de Ana" atoparemos arte e creatividade de duas alumnas de 2º ESO que o próximo venres en Ferrol representarán ao IES,Laxeiro ,unha vez máis, no Concurso Nacional de Relato Corto Coca Cola 2011.

Con data de 12 de maio ven de publicarse no DOG a Orde do 3 de maio pola que se convocan axudas económicas para o alumnado que realiza formación práctica en centros de traballo. No ligazón tendes a información correspondente a devandita solicitude. O prazo é de 31 días naturais a partires da súa publicación e a solictude debe realizarse no ANEXO I da presente Orde. Ademáis da solicitude debedes presentar como documentación : Certificado de residencia durante as prácticas e documento de entidad bancaria a voso nome. Podedes acceder ao impreso de solicitude a través da seguinte dirección: www.edu.xunta.es/fp/fct. 

Un ano máis, e xa van uns cantos, ven de rematar a Liga de fútbol sala 2010-11 do IES Laxeiro.Esta competición tivo unha primeira fase de liga a dobre volta para rematar nunha fase final polo sistema de play-off.Logo de disputadas xornadas, a fase de liga rematou encabezada polo equipo de bacharelato Montan a Hanna, seguidos por Cheas FS, do ciclo formativo de Electricidade. No terceiro e cuarto posto situaronse equipos da ESO: Black Stars e Pepsiconas FS. Completaron a clasificación Equipo A, Kukuxumuxo FS, Chuck Norris e CSMI II.A final enfrontou a  Montan a Hanna e Pepsiconas FS nun partido de alto nivel, gañando claramente os alumnos de 4º de ESO  (Pepsiconas FS) e que os proclama vencedores da Liga Laxeiro de fútbol Sala 2010-11.

Este é o cadro de horna da Liga Laxeiro 2010-11

O equipo do IES Laxeiro formado por Nuria Lorenzo, Tamara García, Yoly Ogando, David Utrera, Celia Varela e Daniel Sousa, coordinado polo profesor Manuel Igrexas, foi subcampión no concurso de debate Parlamento xove 2011 organizado pola Subdirección xeral de Xuventude da Xunta de Galicia.