O pasado 29 de maio tivo lugar no patio do centro o II Festival das Letras Galegas. Foi unha xornada na que participou toda a comunidade escolar do instituto con moito interés e respecto polas actuacións desenvolvidas polo alumnado.

Nestas actuacións houbo dende danzas renacentistas ata hip-hop con algunha que outra pincelada de música barroca, de canción tradicional e canción pop. Tamén contamos con grupos de percusión corporal, charanga, monólogos, demostracións de parkour e con unha exhibición de taqueos.

Como colofón ao festival púxose en marcha o proxecto "Os ciclos xeran enerxía" consistente en producir electricidade para alimentar unha emisora de radioafeccionado a través das pedaladas de tres bicicletas.

Recén acabada a producción dunha curtametraxe, xa é anunciada na prensa local.

Un grupo de alumnado do Laxeiro presentará a pelicula curta "Corazón de tres",
que presentaron ao concurso do Sergas sobre transplantes de órganos.
Dentro dun mes saberase o veredicto, pero o resultado xa foi aprender
algo máis sobre este complexo e marabilloso mundo.

O pequeno
grupo de xente que xa se animaran a participar (e gañar) o concurso
audiovisual Infofala, segue con gañas de inventar e contar historias.

É
un xeito fantástico de desenrolar talentos que quedarían agochados. É
uhn xeito de amosar que no Instituto tamén se aprenden cousas sen pasar
polo exame.

Desexámoslle grandes éxitos, e que sigan a amosarnos os seus traballiños.

O xoves 14 de maio 44 alumnos e alumnas de 2º e 3º ESO do IES Laxeiro participan na edición do Correlingua 2009 que se celebra na Estrada.

O Blog do Ciclo Superior de Mantemento de equipo industrial foi premiado III Premio Espiral Edublogs 09,
como 1º na categoría de Blogs de Aula - FP y Ciclos.

Este premio é organizado pola Asociación Espiral, Educación y
Tecnología, que este ano celebra a súa terceira edición.

O vindeiro 6 de xuño farase a entrega dos premios en Caixa Fórum de Madrid.

Nestes premios valóranse os recursos ofrecidos,
ferramentas web2.0, actividades, referencias así como outras innovacións.

Este blog premiado mostra información relativa ó
mantemento industrial, as enerxías renovables, automatismos. Tamén mostra as
novas actualizadas da comarca do Deza, ofertas de emprego actualizadas para os
profesionais do mantemento industrial. Tamén podemos coñecer a predición do
tempo para ós próximos días. Podemos coñecer as instalación dos talleres de
mecanizado, electricidade e automatismo.

Blog creado no noso centro. Destinado ó Ciclo Superior de Mantemento de equipo industrial.

Neste blog poderás videos das instalacións do IES Laxeiro, ofertas de emprego, traballos feitos polos alumnos, información de automatismos, enerxía eólica, ...

Este blog está de noraboa. Na III edición do Premio Espiral, de Blogs educativos que se está ha celebrar, este é finalista na categoría de Blog de aula - FP y Ciclos.

Recentemente anunciouse que o Tribunal Supremo anulaba a opción de poder seguir avanzando no Bacharelato
se tés máis de 2 suspensas, anque na normativa se permitía completar
esas 4 con outras tantas de 2º, e non repetir todo Primeiro outra vez.

A medida era polémica.

• -Por unha banda quen dicía que era darlle facilidades esaxeradas aos que cursan Bacharelato, e que non se ían esforzar, dado que podían matricularse en materias de 2º
• -Por outra banda quen dicía que o Bacharelato en 2 anos é moi comprimido, e que daquel xeito, hoxe anulado, podían dosificar os esforzos, e rematar en 3 anos os contidos do Bacharelato
• -Por
  outra banda,-- quen denunciou ao Supremo-- quen dicía que lles obrigaba
  --aos Centros privados de ensino relixioso-- a contratar máis persoal, e facer un curso "intermedio" máis.
• -O tribunal Supremo di que a Normativa que o propuña é de menor rango que a Lei de Educación, e que se na Lei maior non di nada, na normativa menor non se pode reorganizar o Bacharelato.

Pero ¿Que pensan as familias, que teñen fillos e fillas no Bacharelato, ou en 4º da ESO?

Para a xente que se queira formar a nivel universitario,

A Facultade de Ciencias do Deporte da Coruña (hai outra en Pontevedra)

convoca as probas de Avaliación previas (só hai que conseguir o APTO)

 -18 de abril (se estás xa preparada/o)

-25-26 de xuño (se non tés presa)

-22 de setembro (se ainda vas a quitar o curso a setembro)

Últimamente non soe haber problema de prazas.

O pasado venres día 3 de abril dous alumnos de 2º de Bach A, Xosé López e David Barreira, asistiron en Santiago a unha Masterclass en Física de Partículas. A xornada tivo lugar na Facultade de Física da Universidade de Santiago de Compostela e foi organizada polo Instituto Galego de Física de Altas Enerxías e pola Organización Europea para a Investigación Nuclear (CERN). 

O 18 de marzo un grupo de 26 alumnos de 2º BAC visitaron a exposición Da Terra de Lemos ao Reino de Galicia en Ourense.

Os días 13 e 14 de novembro @s alunm@s de 1º BAC fixeron unha visita ao Museo da Minería e da Industria, na vila de El Entrego (Asturias) e ao Museo de Altamira.