|
|||
Toma cinco minutos. Para. Respira. Reláxate... E dedícate un sorriso. Aquí tedes os sorrisos do equipo de 1º APSD do IES de Chapela. Moitas grazas.
|
|||
O alumnado do IES de Chapela animouse a participar na actividade ARTE-LIXO. Sabían que neste ano a tarefa sería máis complicada, deberían compartir co máximo coidado, elaborar materiais de forma conxunta, recompilar, traer e levar todos os días os materiais, desinfectar a cada paso... Mais aínda así participaron tentando concienciar ao resto da comunidade do lixo que desbotamos cada día. Non é fácil facer obras de arte reutilizando en todo momento, coidando o medio e procurando non xerar máis lixo do xa existente. Agradecemos a participación e o compartir con nós a experiencia. O grupo A de 1º Educación Infantil elaborou unha maqueta da cidade, o B montou un vídeo cunha serie de obras con caixas, readaptando e versionando o conto Non é unha caixa. O alumnado de 1º e 2º ESO ofreceu desde o Departamento de Tecnoloxía e de Educación Física o Electroberete, o Recicle Boots, o Ecoximnasio... Unha exposición artística chea de reflexión sobre os residuos que xeramos cada día. O noso alumnado ten as súas obras no Multiusos do Piñeiral e na Alameda de Chapela. Moitas grazas a alumnado e profesorado pola súa implicación. Un xeito de acompañar que destapa valores individuais e sociais.
|
|||
Despois de duros combates de aplausos durante os recreos dos venres, xa temos tema gañados dos VENRES CON MÚSICA: o videoclip Muinheira de interior de Boyanka Kostova.
|
|||||||||||||||||||||||||
|
|||||||||||||
|
|||||||||||||||
A saída do sol permitiunos rematar o trimestre con algunhas saídas ao aire libre que nos deron un necesario respiro a tanto protocolo. Grazas ao profesorado e a Álvaro Diego da A. VV. de Chapela, por sumar. O noso alumnado de 1º e 2º ESO explorou a contorna natural, recollendo lixo e vixiando como está o noso patrimonio en Chapela. Visitamos muíños e lavadoiros nos ríos Maceiras e Fondón, e realizamos entrevistas a persoas maiores para recuperar lembranzas. Haberá folgos para continuar coa tarefa? Debería. O ciclo de Atención a Persoas en Situación de Dependencia quixo despedir o alumnado de 2º coñecendo os nosos tesouros de Chapela. Ánimo coas prácticas, mozas e mozos. Practicamos como facer radio cos profesionais de Ponte nas Ondas. Xa non hai escusa para cando volvamos. E rematamos o concurso dos venres con música, coa novidade do aplausómetro. Gañadora, Muiñeira de interior de Boyanka Kostova. A distancia social espílenos a imaxinación. Quédanos un trimestre, ánimo. (Pica nas imaxes para acceder a máis fotos.)
|
|||||||||||||||
|
|||
Prezada comunidade educativa,
O sábado 27 de marzo comezan unhas vacacións de Semana Santa que se prolongarán ata o luns 5 de abril inclusive. O venres 26 de marzo publicaranse as cualificacións de todo o alumnado na aplicación abalarmobil. As clases desenvolveranse co horario habitual ata a última hora. Lembramos tamén que o día luns 12 de abril é festivo local e non haberá clase. Volvemos a salientar o exemplo de responsabilidade e madurez do alumnado do IES de Chapela ao longo deste curso marcado pola pandemia no que seguimos a evitar o contaxio no centro. O noso agradecemento e os nosos parabéns, mais tamén o recordo de que en ningún momento podemos baixar a garda e de que debemos seguir respectando as normas de prevención para minimizar o risco. Só resta un trimestre. Moito ánimo e boas vacacións.
A dirección
|
|||
|
|||
- « primeira
- ‹ anterior
- …
- 31
- 32
- 33
- 34
- 35
- 36
- 37
- 38
- 39
- …
- seguinte ›
- última »