Matemáticas

Olimpíada Matemática

O pasado xoves 21, seis representantes do IES de Chapela competiron na Olimpíada Matemática Galega de 2º ESO xunto con outras 429 persoas de 100 institutos galegos. A proba consistiu na resolución de cinco problemas para os que tiveron que empregar todo o seu enxeño.

Eratóstenes en Chapela - Experimento no solsticio

IMATXINA 2020

Imatxina 2020

O alumnado de 2º ESO participa con dúas poliesculturas no #RetoIMATXINA2020 promovido pola Fundación Rosalía de Castro no marco da Feira Matemática IMATXINA que se desenvolverá en Vigo, no Auditorio Mar de Vigo, entre o 27 de febreiro e o 18 de marzo de 2020.

Feira matemática IMATXINA

No pasado mes de marzo o alumnado de 1º ESO visitou a feira matemática IMATXINA promovida pola Fundación Escola Rosalía e AGAPEMA. Nese espazo o alumnado entrou en contacto cunhas matemáticas lúdicas, manipulativas e participativas. A actividade foi organizada polo Departamento de Matemáticas. Nese marco tamén tivo lugar o concurso matemático LIGAMATS no que participaron dous grupos de alumnado da ESO.
 
   
Imatxina 1
 
Imatxina 2     Imatxina 3  
imatxina 4     Imatxina 5  

Cúpulas de Leonardo

Durante o mes de abril o Departamento de Matemáticas organiza no vestíbulo do IES Chapela a montaxe das Cúpulas de Leonardo na que participa todo o alumnado da ESO.
Estas estruturas responden a un deseño recollido no “Codex Atlanticus” de Leonardo da Vinci e son proporcionadas pola Fundación Escola Rosalía.

 

 

    Cupulas 4
Cupulas 1     Cupulas 2
Cupulas 3     Cupulas 5

O IES Chapela no LIGAMATS

Na tarde do día 6 de abril dous equipos de 1º e 2º ESO do noso instituto, participaron na LIGAMATS, unha liga entre equipos de distintos centros que ten por obxecto resolver problemas, xogos, e diferentes actividades matemáticas relacionadas cos talleres da exposición Imatxina. Nesta 1ª Fase do concurso estiveron por 1º ESO: Natalia González, Iván Nieves, Samuel Míguez e Iván González. Por 2º ESO: Manuel González, Fernando Covelo, Kevin Martínez e Pablo Couto. O noso alumnado valorou as probas realizadas como difíciles, mais ao parecer atinaron coas solucións. Moitas grazas por representarnos.  

Olimpíada Matemática Galega - 2018

   
       

Ania Lampón (2º Bach), Adrián Durán (1º Bach) e Uxío Albá (2º Bach), viaxaron ata Santiago no día de hoxe, 19 de xaneiro de 2018, para participar na Olimpíada Matemática Galega - 2018 que se celebra na Facultade de Matemáticas da Universidade de Santiago de Compostela. Desta fase galega, na que están presentes centos de alumnas e alumnos de toda Galicia, sairán os tres representantes para a LIV Olimpiada Matemática Española.

Ademais de pasar varias horas, mañá e tarde, tentando resolver problemas, Ania, Uxío e Adrián, puideron facerse unha idea de como funciona a vida nun campus e descubriron algún recuncho de Compostela guiados por todo un experimentado cicerone como é o profesor de matemáticas, Aldán Santamarina. Moita sorte e moitas grazas aos tres por representar ao IES Chapela.

Curso 2017-18

Rincón de pensar

 

 

Por iniciativa do Departamento de Matemáticas o IES de Chapela conta desde esta semana cun novo espazo de lecer xunto á Aula de Convivencia. As xa habituais partidas de xadrez compartirán os períodos de descanso con quebratestas, xogos de lóxica, tamgrams...

O “rincón de pensar” espérate nos recreos! 

 

Concurso de Fotografía Matemática no IES Chapela

   

Alicia Bouza (Educación Infantil) recolle o primeiro premio de mans da profesora Eva Cortegoso.

 

Distribuir contido