EDUCACIÓN PATRIMONIAL Curso 2019/20 - Mirando polo camiño: os tesouros de Chapela

O EDLG do IES de CHAPELA en colaboración cos Plans Proxecta Acompáñote no camiño e Mirando polo camiño, convoca un concurso de foto-reportaxe para fomentar o coñecemento do patrimonio histórico e natural de Chapela, desenvolvendo a creatividade a través da fotografía.

Temática: Elementos singulares do patrimonio natural e histórico do Camiño de Santiago e a súa contorna no tramo de Chapela.

O certame está dirixido a toda a comunidade educativa do IES de CHAPELA, alumnado actual ou antigas alumnas e alumnos, profesorado, persoal non docente, pais e nais.

Anímate e participa, o prazo remata o 20 de marzo!!!

O venres os alumnos e alumnas de 4º ESO saíron das aulas, para respirar aire fresco e volver con enerxías renovadas. E para facelo elixiron unha parte do percorrido do Camiño Portugués que pasa por Chapela. Desde alí puideron contemplar unhas estupendas panorámicas de toda a Ría de Vigo.

Esta saída enmárcase dentro das actividades do Plan Proxecta: Mirando polo camiño: Os tesouros de Chapela.