Feiras, exposicións

Novembro: Mes da Ciencia en galego

Durante a última semana do mes de novembro celebramos as actividades correspondentes ao Mes da Ciencia en galego, organizadas polo EDLG e os departamentos de ciencias.

O mércores 27 contamos coa visita de José Benito Vázquez Dorrío, profesor do Grupo de Innovación Docente da Universidade de Vigo (GID1), formado por profesorado da Escola de Enxeñaría de Minas e Enerxía e da Escola de Enxeñaría Industrial, que nos presentou a charla "Fisica Re-Creativa". Falounos sobre ondas, cores e interferencias, empregando obxectos da vida cotiá como pompas de xabón, tubos, arames... deixounos experimentar e comprobar fenómenos físicos relacionados coa luz: reflexión, refracción e interferencias, tamén nos explicou o funcionamento básico do ollo humano.

 

 
O venres 29 celebramos a Feira científica, na que participaron os departamentos de Matemáticas, Física e Química, Bioloxía e Xeoloxía, Tecnoloxía, Música e Sanitaria. Un grupo de alumnos e alumnas prepararon unha serie de actividades e experimentos que explicaron a todo aquel que se achegou aos distintos mostradores. Un ano máis puidemos contar coa visita do alumnado de 6º dos CEIP de Chapela, aos que agradecemos a súa participación e o interese amosado durante as explicacións dos nosos científicos e científicas.

Visita á Exposición "Sonoro empeño"

Os alumnos e alumnas de Educación Plástica de 4º ESO visitaron a exposición Sonoro Empeño, na que mediante unha selección de obras de ABANCA e Afundación, proponse un achegamento á confluencia da música e as artes plásticas dende distintas perspectivas. Aquí tedes algunhas imaxes da visita.
 Sonoro empeño 1    Sonoro empeño 3  Sonoro empeño 8
 Sonoro empeño 4  Sonoro empeño  Sonoro empeño 6 Sonoro empeño 6
       

Feira matemática IMATXINA

No pasado mes de marzo o alumnado de 1º ESO visitou a feira matemática IMATXINA promovida pola Fundación Escola Rosalía e AGAPEMA. Nese espazo o alumnado entrou en contacto cunhas matemáticas lúdicas, manipulativas e participativas. A actividade foi organizada polo Departamento de Matemáticas. Nese marco tamén tivo lugar o concurso matemático LIGAMATS no que participaron dous grupos de alumnado da ESO.
 
   
Imatxina 1
 
Imatxina 2     Imatxina 3  
imatxina 4     Imatxina 5  

Mercado do troco

O xoves 20 de decembro fans da literatura, dos comics e das películas da quenda modular atopámonos ao redor dunha mesa na que se dispuxeron os tesouros que recompilamos grazas á proposta da biblioteca. Houbo libros en galego e castelán e tamén películas, como a de: Que facemos con Maisie? Deixamos, para outra ocasión, a banda deseñada. Parolamos ao redor dos motivos polos que recomendábamos a Agatha Christie e os seus dez negriños; a Jules Verne e as súas tribulacións na China; e a Paulo Coello e o seu estilo, tan zen. Dos coñecidos versos de Don Juan Tenorio e Dona Inés; falamos de Dolores Redondo e o seu gardián invisible; asemade, achegouse por alí James Herriot, un veterinario typical english que emociona coas súas andanzas no libro Todas las criaturas grandes y pequeñas e, nun recuncho da mesa, atopamos a Mary Higgins Clark e o misterio das súas novelas. Logo de moitas dúbidas e cábalas, e algunha que outra volta ao redor da mesa para sopesar con siso todas as opcións, decidímonos, iso si, só despois de que tocase o timbre do recreo, pois aproveitamos até o último minuto, xa que a mesa estaba chea de mundos a descubrir. Cada quen escolleu ao fin e voltamos aos nosos quefaceres, imaxinando xa que novas aventuras íamos atopar ao abrir a tapa dun novo libro.
 Mercado do troco en modular 1  Mercado do troco modular 2

Feira científica 2018-19

Para rematar coas actividades do Día da Ciencia en galego, hoxe 16 de novembro, celebramos no instituto a Feira científica "Non é maxia... é ciencia", na que colaboraron os departamentos de Bioloxía e Xeoloxía, Física e Química, Matemáticas, Tecnoloxía e o Equipo de Dinamización da Lingua Galega.

A actividade foi conducida por alumnos e alumnas de ESO e Bacharelato, que explicaron os seus experimentos e proxectos a todo aquel que se achegou aos postos montados. Tamén contamos coa visita do alumnado dos colexios CEIP Igrexa e CEIP Laredo, que seguiron con moito interese as explicacións dos nosos científicos. Nova en Faro de Vigo.

Aquí tedes algunhas das imaxes da xornada:

 

 Feira científica 1 Feira científica 2 
 Feira científica 3  Feira científica 4
 Feira científica 5  Feira científica 6
 Feira científica 6  Feira científica 7
 Feira científica 8  Feira científica 9
 Feira científica 10  Feira científica 11
 Feira científica 13  Feira científica 12
CEIP Igrexa CEIP Laredo

I Feira de Emprego - IES Chapela

Hoxe, 8 de maio, tivo lugar no vestíbulo do IES Chapela, a I Feira de emprego - Asesoría e Orientación. O alumnado do CS de Integración Social guiou os seus compañeiros e compañeiras de ESO e Bacharelato en torno á orientación formativa e profesional, as competencias laborais, e mesmo ofreceu unha visita aos Ciclos Formativos do instituto. Unha experiencia coordinada pola profesora Eva Ferreira que resultou moi proveitosa para o noso alumnado. Moitas grazas aos asesores e asesoras de Integración Social.

Inauguración de ARTELIXO en Chapela

 

 

Hoxe, 14 de abril ás 17:00, acto de inauguración de ARTELIXO no Paseo de Cardona, en Laredo (Chapela).

 

Ás 18:00 o IES Chapela presentará a súa obralixo en forma de trono literario.

 

 

                ACHEGÁDEVOS!

1º Mercado de Troco Modular

   

O 20 de decembro tivo lugar o 1º MERCADO DE TROCO MODULAR, organizado e xestionado polo alumnado do módulo de Destrezas Sociais do ciclo APSD Modular. A xornada foi exitosa, o alumnado trocou libros, filmes e música facendo uso das súas papeletas... aínda que algúns quedaron sen poder facelo, non trocaron xa que non achegaran nada antes! Mirade os datos: 159 libros, películas e música recollida; 89 trocos realizados; 17 persoas trocando. O alumnado que non trocou propón que se realice outro día de troco... cando o faremos? Esperamos que para a  próxima  non  quedes en "fóra de troco".

Mercado do Troco

   

O 14 de decembro, como estaba previsto, trocamos intensamente, tanto en horario diúrno como en horario adulto - oferta modular.

Intensamente traballaron tamén as profesoras da biblioteca para que todo estivese preparado e no seu sitio o xoves.

Toda a comunidade escolar achegouse á nosa feira e algúns que non trouxeron nada para intercambiar quedaron coas ganas.

Na próxima feira non te quedes en "fóra de troco".

Fotos do Día da Ciencia en Galego

Distribuir contido