Inicio

Actividades

Campañas a prol da igualdade do alumnado de Integración Social - 8M - 2022

O alumnado do Ciclo Superior de Integración Social, malia cursar os seus estudos a distancia, tamén celebra o 8 de marzo co resto da comunidade educativa do IES de Chapela e quere compartir convosco unha mostra de vídeos, carteis, trípticos e infografías que fixeron como parte de distintas campañas que deseñaron para promover a igualdade de oportunidades entre mulleres e homes. Podedes acceder a estes materiais na seguinte ligazón:

 

 https://drive.google.com/drive/folders/1jijVVtz8d0fHKqo7CUEQzEvmjRFeYH6U?usp=sharing

  • 130 lecturas

TOC - Vídeo do CS Integración Social

O alumnado do Ciclo Superior de Integración Social do IES de Chapela, invítanos a unha reflexión sobre o TOC (Trastorno Obsesivo Compulsivo), neste interesante vídeo realizado en colaboración coa súa profesora Inés Rey. O traballo será presentado no I Festival Internacional de cine "Mente y TOC" que se celebrará en Granada o 11 de xuño de 2021 organizado pola Asociación TOC de Granada. Moita sorte.

  • 116 lecturas

Charla Asociación Abertal
A Asociación Abertal acudiu ao noso centro a falarnos do seu proxecto de atención a menores en situación de risco (dentro do Programa CaixaProInfancia) e do Clube de Ocio Inclusivo, ademáis de informarnos doutras moitas accións que levan a cabo como o programa de Voluntariado Europeo. Os ciclos destinatarios foron os de Educación Infantil e APSD tanto diúrno como modular e Integración Social.
 
Charla Abertal 1 Charla Abertal 2  
  • 203 lecturas

Visita a ACEESCA

Os alumnos e alumnas do Ciclo Superior Modular de Integración Social a ACEESCA, unha entidade de traballo con persoas con diversidade funcional de Porriño. Axudáronnos a ver a realidade dese colectivo así como a experimentar os diferentes materiais de comunicación que teñen para que o alumnado poida transmitir e expresar todas a vivencias que teñen.
Foi moi interesante e enriquecedor.

 
Aceesca 5 Aceesca 2
Aceesca 3 Aceesca 4
  • 325 lecturas

Día Mundial do Autismo
Por mor do día mundial do autismo, o pasado 2 de abril, os alumnos e alumnas do ciclo de FPModular de Integración Social fixeron unha dinámica para visualizalo. Se queredes máis información visita a web na seguinte ligazón https://diamundialautismo.com/
 
Día Mundial do Autismo
  • 226 lecturas

Obradoiro de teatro
O alumnado dos ciclos de Educación Infantil e Integración Social asistiron a un obradorio de Teatro para a Resolución de Conflictos con Moisés Mato, creador do teatro da Escoita e director do Movemento de Nonviolencia. Foi unha experiencia moi gratificante e productiva para axudarnos a encarar a resolución de conflictos.
Obradoiro 1 Obradoiro 2
  • 195 lecturas

Visita á Comunidade Terapéutica Alborada
O martes 12 de febreiro, o alumnado do ciclo de Integración Social fixo unha visita á Comunidade Terapéutica Alborada en Tomiño, un centro residencial para o tratamento de persoas con problemas de drogodependencia e outras condutas adictivas. Moitas grazas ao persoal do centro e, en especial, a Manuel Lloves, psicólogo de Alborada, pola súa hospitalidade e atención.
Visita a Alborada Visita a Alborada 2
Visita a Alborada 3 Visita a Alborada
Visita a Alborada   
  • 287 lecturas

I Feira de Emprego - IES Chapela
Hoxe, 8 de maio, tivo lugar no vestíbulo do IES Chapela, a I Feira de emprego - Asesoría e Orientación. O alumnado do CS de Integración Social guiou os seus compañeiros e compañeiras de ESO e Bacharelato en torno á orientación formativa e profesional, as competencias laborais, e mesmo ofreceu unha visita aos Ciclos Formativos do instituto. Unha experiencia coordinada pola profesora Eva Ferreira que resultou moi proveitosa para o noso alumnado. Moitas grazas aos asesores e asesoras de Integración Social.
  • 285 lecturas

Vídeo Ciclo Superior de Integracion Social

Vídeo difusión do Ciclo Superior en Integración Social realizado polo alumnado. Primeira promoción 2015-2016.

  • 699 lecturas

25 de Novembro - Día Internacional da Eliminación da Violencia contra a Muller

Dende o Ciclo Superior de Integración Social, con motivo da celebración, o próximo 25 de Novembro, do Día Internacional da Eliminación da Violencia contra a Muller, estanse a organizar unha serie de actividades, das que queremos informar para animar a toda a comunidade a participar das mesmas.

Luns 23 estará instalado no vestíbulo do centro un Mural no que se formula unha pregunta: Que é para ti a violencia de xénero? O propósito deste mural é invitar á reflexión, buscando a participación colectiva, escribindo cada quen no propio mural aquelas cousas que considere que son violencia contra a muller ou o seu propio concepto de violencia contra a muller. Tamén haberá algúns pequenos carteis con frases de personaxes célebres, que pretenden convidarnos a pensar.

Martes 24, colocaranse algúns carteis máis que representan unha selección de mulleres cun papel relevante para todas e todos nós, animámosvos a coñecelas.

Mércores 25 farase unha concentración silenciosa diante do mural interactivo no tempo do recreo da tarde. Á súa finalización procederemos á lectura dun Manifesto.

Xoves 26 proxectarase, durante o recreo, unha presentación con vídeo e música, amosando a perspectiva de xénero na música.

Venres 27, proxectarase un vídeo para fomentar a visibilidade sobre o tema da violencia contra a muller e colgarase no mural interactivo unha definición oficial sobre a violencia contra a muller.

O alumnado do CS Integración Social confía en que vos guste esta inciativa e que vos animedes a participar.

CONTAMOS COA COLABORACIÓN DE TODA A COMUNIDADE EDUCATIVA PARA FACER DESTE PEQUENO ACTO ALGO SIGNIFICATIVO QUE MOSTRE A CONCIENCIACIÓN E PARTICIPACIÓN DE TODO O IES Chapela.

Fotos da lectura do manifesto

    

  • 706 lecturas
Distribuir contido