ANPA

O número premiado coa cesta de Nadal da ANPA foi o 256.

Parabéns ao afortunado ou afortunada!

Queridas familias,

Dende a Anpa Penisal queremos pedir a vosa colaboración neste Nadal para elaborar unha gran cesta de Nadal que sortearán os/as nenos/as de 4º ESO e 1º Bacharelato para axudar a pagar a excursión de fin de curso, que este ano consistirá en ir esquiar a Andorra.

As rifas véndenas os rapaces e rapazas por un prezo de 1€, e o recadado será integramente para eles/as.

Por iso, imos recoller en conserxería os produtos navideños ou alimentos non perecedoiros que queirades achegar, así coma calquera outro produto que consideredes apto para a cesta. Os nenos e nenas agradecen moito de antemán a vosa colaboración.

Os propietarios de negocios de servizos que queiran colaborar con algún bono regalo poden contactar coa Anpa (anpa.ieschapela@gmail.com) para facer as colaboracións e os anunciaremos no taboleiro da Anpa do instituto, na entrada. (Un peiteado, almorzo, etc).

O sorteo farémolo o dia 22 de decembro no segundo recreo cos rapaces e publicaremos tamén, na paxina do centro, o número premiado.

A ANPA Penisal do IES Chapela convoca aos seus socios e socias (pais/nais/alumn@s) a unha xuntanza no salón de actos do centro o martes 25 de outubro ás 18:30 horas para falar dos medios posibles para que a ANPA poida axudar á recadación dos cartos para a excursión.

A circular coa convocatoria e información adicional sobre o pago da cota da ANPA pode consultarse na seguinte ligazón.

O IES de Chapela acolle este martes 11 de outubro, desde as 18:45 horas, o acto de presentación da Escola de familias 2022-2023. Esta sesión, organizada pola Escola de familias de Laredo, contará coa participación da coach Patri do Camiño e do psicólogo Daniel Novoa nunha charla titulada "Intelixencia emocional infantil vs. Adolescentes inadaptados e infelices".

A inscrición para a actividade pode realizarse a través da seguinte ligazón:

Inscrición evento: PRESENTACIÓN ESCOLA DE FAMILIAS

Máis información

Nota informativa da ANPA: Viaxe de fin de curso 4º ESO - 1º BACH - 2022

O Consello Municipal de Infancia e Adolescencia, representada polo grupo Axentes do Cambio, vén de facer unha proposta na que desexan animar ás familias a participar. Trátase de que en Redondela fomentemos o #Giving Tuesday, que este ano sería o 30 de novembro: un día para dar, en contraposición ao consumismo do Black Friday.

As rapazas e rapaces do Consello propoñen que este ano esas doazóns sexan para os damnificados do volcán de La Palma, e propoñen que fomentemos esas doazóns, a través da canle oficial que para iso ten establecido o Cabildo de La Palma.

Achegamos carta explicativa, onde se indica o número de conta e o xeito de doar, para que as familias interesadas o poidan facer.

Viaxe de Fin de curso Curso 2021-22

Benvidas e benvidos desde a ANPA do IES de Chapela ao novo curso que comeza. Lembrarvos que o obxectivo desta ANPA é colaborar co instituto e as familias para acadar a máxima calidade en todos os aspectos da educación que se ofrece ás nosas fillas e fillos, tanto formativa como humana.

Queremos facervos partícipes das nosas achegas e brindarvos a posibilidade de participar e colaborar connosco. Lembrade que podedes poñervos en contacto connosco a través do noso correo electrónico: anpa.ieschapela@gmail.com

Necesitamos nais e pais para formar parte da asociación. Este ano quedou minguada pola marcha dalgúns compoñentes da mesma por motivos de incompatibilidade para continuar. Agardámoste, contamos contigo.

Importe COTA ANPA: 15 euros por familia.

CONTA: ES66 2080 5103 3030 0003 8787