ANPA |
Benvidas e benvidos desde a ANPA do IES de Chapela ao novo curso que comeza. Lembrarvos que o obxectivo desta ANPA é colaborar co instituto e as familias para acadar a máxima calidade en todos os aspectos da educación que se ofrece ás nosas fillas e fillos, tanto formativa como humana. Queremos facervos partícipes das nosas achegas e brindarvos a posibilidade de participar e colaborar connosco. Lembrade que podedes poñervos en contacto connosco a través do noso correo electrónico: anpa.ieschapela@gmail.com Necesitamos nais e pais para formar parte da asociación. Este ano quedou minguada pola marcha dalgúns compoñentes da mesma por motivos de incompatibilidade para continuar. Agardámoste, contamos contigo. Importe COTA ANPA: 15 euros por familia. CONTA: ES66 2080 5103 3030 0003 8787
|
|||
|
|||
|
|||
En Cruz Vermella estamos a desenvolver o proxecto: "Apoio á Parentalidade Positiva" destinado a familias con nenos, nenas e adolescentes. O obxectivo é fortalecer ás familias para que as necesidades e dereitos da infancia sexan satisfeitos, e para fomentar o goce de relacións familiares positivas que permitan o desenvolvemento dos seus membros. No marco deste proxecto vos convidamos a participar o sábado 24 de outubro de 11:00 a 12:30 horas no seminario on line en directo sobre "Prevención de drogodependencias e condutas afíns desde a resolución de conflitos", que será impartido por Juan Manuel Romero, psicólogo especialista en trauma e disociación da personalidade. Como nai ou pai dun adolescente ou preadolescente é probable que este tema preocúpeche. O consumo de alcol e certas drogas parece normalizarse entre a xente nova. Por iso, axudarémosche a identificar aqueles factores que poden supoñer un risco, para que poidas detectalos e actuar. Falaremos de pautas e estratexias que che poden axudar á hora de educar á túa filla ou fillo: como comunicarnos con eles, cando pode ser a idade adecuada para falar destes temas e como establecer normas e límites,... Este webinar é unha actividade gratuíta e aberta á participación de calquera familia. Realizarase en directo con interacción entre o relator e os/as participantes, que poderán realizar preguntas ou comentarios no momento. Para participar se necesita un dispositivo con micro, cámara e conexión a Internet. Para participar hai que inscribirse neste enlace https://cutt.ly/YgsLBwR antes do venres 23 de outubro. Logo enviarémosvos o código de acceso e unhas sinxelas instrucións.
|
|||
|
|||
|
|||
|
|||
Picar no adxunto da marxe inferior dereita para descargar o borrador do estatuto.
|
|||
|
|||
|
|||
