|
|
|
|
|
 |
|
O pasado venres 21 de abril tivo lugar a charla Consello farmacéutico a cargo de María Rosa González, da empresa Coachingmasdos. Á mesma asistiu alumnado de 1º Farmacia Ordinario.
|
|
|
|
|
|
|
|
|
|
|
O mércores 27 de Abril tivemos a gran sorte de contar no IES de Chapela coa presenza da actriz Sabela Arán Román licenciada en Comunicación Audiovisual pola Universidade de Santiago de Compostela e máster de Actuación Cinematográfica e TV de Madrid xunto con estudos de doblaxe.
Traballou en varias longametraxes (Blockbuster. A esmorga,Vilamor..) en series de TV (Matalobos, Serramoura, Néboa...).Tamén en series web , curtas e plataforma Netflix.
Contou co alumnado de 4º ESO e 1º Bach de música, artes escénicas e danza.
Impresionante a súa experiencia no mundo da interpretación e o rápido que empatizou con todo o alumnado que viviu con ledicia as vivencias da súa carreira profesional que lle ía contando facéndoos partícipes en todo momento.
Grazas por vir e mostrarnos a emoción coa que vives a túa profesión.
|
 |
 |
 |
| |
|
|
|
|
|
|
|
|
|
|
 |
 |
|
Para calquera futura técnica en Atención a Persoas en Situación de Dependencia a empatía é algo fundamental. Por iso, o mércores 27 de abril o alumnado de APSD modular foi ata Redondela para, da man do FIC Andaina, poñerse na pel dunha persoa cega e unha persoa xorda no ámbito audiovisual. Menuda experiencia! Grazas por invitarnos.
|
|
|
|
|
|
|
|
|
|
Ao longo da segunda avaliación, o alumnado de APSD modular recibiu a visita de varias persoas con diversidade funcional do noso propio contorno: Secundino Curro (diversidade funcional visual), Eva Rodríguez Rodríguez e Beatriz Rodríguez Rodríguez (diversidade funcional auditiva), e Natalia García (diversidade funcional física / acondroplasia). Estas visitas, xunto co obradoiro de teatro inclusivo que estamos a levar a cabo en colaboración coa asociación Xaruma (para a integración de persoas con problemas de saúde mental) e a Escola Superior de Arte Dramática (ESAD) de Vigo, permitíronnos seguir dando forma ao proxecto “En compañía”, dirixido a achegarnos á realidade de distintos perfís de persoas con diversidade funcional ou usuarias de servizos de atención sociosanitaria a través do contacto directo coas mesmas para coñecelas mellor e derrubar mitos, prexuízos e barreiras.
Moitas grazas a todas estas persoas pola súa colaboración! Así mesmo, moitas grazas ao Concello de Redondela, que está a cedernos o auditorio do Multiusos Piñeiral do Crego para as sesións de teatro e que nos facilitou de balde o servizo de interpretación de lingua de signos para a charla de Eva e Beatriz!
|
|
|
|
|
|
|
|
|
O 7 de marzo, o alumnado e profesorado de APSD diúrno e modular e de Integración Social tivemos a sorte de contar con Paulino Campos, xornalista de TVE, RNE, El país, e activista social, presidente de REDE (Federación Galega de Asociacións de Familiares e usuarias de residencias e da dependencia) e portavoz da "Plataforma Estatal de Organizacións de familiares e usuarias de residencias de persoas maiores e de persoas con discapacidade". Paulino ofreceu unha charla acerca da xestión das residencias de persoas maiores en Galiza e da loita que realiza por mellorar as condicións de vida das persoas residentes e das súas familias. Foi unha conversa chea de humanidade e fraternidade cara á dignificación do traballo das xerocultoras e da calidade de vida das persoas maiores. Grazas Paulino!
|
|
|
|
|
|
|
|
|
| O alumnado de 1º de Bacharelato de Ciencias asisitiu a unha conferencia impartida por Isabel Blanco, escritora do libro Galegas na Ciencia, donado polo Concello de Redondela. Este libro recolle as biografías de vinte científicas galegas, que abriron as portas da ciencia a milleiros de mulleres. |
 |
 |
|
|
|
|
|
|
|
|
|
 |
|
|
O pasado venres, día 4 de marzo, Mayte Celeiro achegouse ao IES Chapela para compartir co alumnado do 2º curso do CFGS en Educación Infantil o traballo en prevención e protección infantil.
A charla, encadrada no módulo de IFAM, xirou en torno a dous eixos diferenciados. Por unha banda, explicouse o traballo realizado dende CaixaProinfancia, onde Mayte é coordinadora, para combater o risco social das crianzas e as súas familias. Por outra banda, afondouse nas medidas de protección da infancia en desamparo, máis concretamente no traballo realizado por Arela nas Casas de Familia e tamén nos Centros de Atención de Día.
A maiores, o alumnado puido preguntar en torno ao perfil profesional, ao desgaste emocional das persoas traballadoras, ao traballo directo coas familias, entre outras moitas cuestións.
|
|
|
|
|
|
|
|
|
|
|
 |
|
O pasado 18 de febreiro o alumnado de APSD Modular recibiu unha charla sobre saúde mental ofrecida pola Asociación Xaruma. Nela puidemos achegarnos ao labor desenvolvido por esta entidade e debater arredor dos mitos e verdades dos problemas de saúde mental, tan presentes na nosa sociedade actual. Grazas a María por axudarnos a entender mellor esta realidade!
|
|
|
|
|
|
|
|
|
|
 |
| O martes 15 de febreiro os grupos 1 e 2 de APSD tiveron unha charla con Jessica Martínez Romero, unha moza que padece unha enfermidade rara co grao 3 de dependencia. Falounos do seu día a día e dos coidados que precisa. Ela é feliz porque valora as pequenas cousas de cada día, e todo o que a rodea. Aprecia o cariño de todas as persoas que a coidan, familia e profesionais. Gustaríalle ser coach para axudar as persoas a ser un pouco máis felices. Ten unha cadeira motorizada que lle permite realizar todas as actividades cotiás de xeito autónomo. Moitas graza Jessica. |
|
|
|
|
|
|
|
