Viaxes

Printemps à Paris

29 de marzo. A expedición a París acaba de chegar a Chapela. Todas e todos sans e a salvo. Moitos parabéns a Ángeles e a Teresa polo seu traballo!
     
28 de marzo. Isto acábase, pero a loita continúa. Estación de Saint-Lazare, Galeries Lafayette, Montmartre, Place de la République... Ata houbo tempo para pasarse polo Moulin Rouge e achegarse á Opéra National. En medio de todo, un feito insólito recollido polas nosas reporteiras gráficas, alumnado folleando un libro sen estar obrigado. Todo un síntoma de que comeza a chegar a morriña polo instituto e as gañas de estudar. Non se fale máis, mañá de volta á terra. Esperámosvos!
     
27 de marzo. Isto é un non parar. Musée du Louvre, Cathédrale Notre-Dame, Jardin du Luxembourg, Centre Pompidou… Aí os tedes posando en Notre-Dame, e iso que en Chapela non pisan unha igrexa nin para dar os bos días. As profes son fotografadas diante de Scène des massacres de Scio de Delacroix, no Louvre, e comentan que o grupo está afrancesado. Non hai máis que ver a escena co acordeonista na que Ainara e Adrián lucen xa as típicas boinas parisinas. Vaia pintas! Non deixa de ser irónico que mentres a cidade de Vigo se prepara estes días para celebrar a reconquista e a expulsión dos franceses, os de Chapela tomen París. Aux armes, citoyens!   
     
26 de marzo. Mentres Merkel, Juncker e Macron, negociaban con Xi Jinping en París as condicións comerciais co xigante asiático chinés, o alumnado de Chapela sorteaba os duros controis policiais e as esixentes restricións de circulación para visitar o Arc de Triomphe ou o Musée d'Orsay, no que Teresa se fotografou diante da La Danse au Moulin Rouge de Toulouse -Lautrec. A Ángeles e ao noso alumnado moloulles máis o rinoceronte de Jacquemart que había á entrada e alí quedaron. Aínda houbo tempo de realizar un paseo en barco e ir visitar a tumba dun tal Napoleón, no Hôtel des Invalides. Iso de sorrir diante dunha sepultura non volo ensinamos no IES de Chapela.
     
25 de marzo. Os de Chapela continúan o seu paso triunfante por Paris. Fatigados, pero como nos conta Teresa desde a capital francesa "París ben vale un cansazo". Aí están coa Torre Eiffel de fondo a onde chegaron logo de coller un transporte chamado metro, seica alí non teñen Vitrasa. Non confundades a Anxo cun dos "chalecos marelos" que saen estes días nos telexornais, el leva "chupa marela", sen máis connotacións. Seguiremos informando.    
     
 
Chegada. A expedición do IES Chapela, comandada por Ángeles Alemparte e Teresa Da Cuña, aterrou hoxe 25 de marzo de xeito exitoso no aeroporto de Orly. Pola tarde tiñan previsto achegarse a Torre Eiffel, un dos monumentos máis fermosos e coñecidos do mundo despois da Ponte de Rande. Aí os tedes, ilusionados e dispostos a poñer en acción todos os seus coñecementos da lingua de Molière. Pasádeo ben! 

1º ESO - Camiño de Santiago

1

8

 
    Mos Cedeira Río Fondón
    O alumnado de 1º ESO botou a andar camiño de Santiago de Compostela hoxe 18 de xuño. Superando temperaturas de 30 graos, mais aquí ninguén se enruga. Aí os vedes en Mos, Cedeira e saudándonos desde o río Fondón. Ánimos valentes!
         
1

9

       
    Pontevedra Barro Aposentos
    Segunda xornada, a calor aperta, mais o ánimo non desfalece. Pontesampaio, Pontevedra, Barro... O palo selfie de Antonio está dando moito xogo. Aí vai lanzada a expedición do IES Chapela. Hoxe con dúas baixas, un xeonllo e unha barriga xogaron unha mala pasada. Desexámosvos unha pronta recuperación. Mañá máis. 
         
2

0

       
    Máis auga! Caldas Hotel 4 ****
    Terceira xornada, a temperatura sobe. Máis auga! Algúns comezan a botar de menos o instituto. Hoxe os de Chapela atravesaron Caldas e quedaron nun hotel de catro estrelas de Pontecesures. Natalia tropezou e caeu lesionada! Ponte ben moza, habemos de facer outra! Mañá é o gran día, a capital de Galicia espera. Xa estamos aí!
         
2

1

       
    En ruta Milladoiro Compostela
    Cuarta xornada, a merecida recompensa a tanto esforzo chegou. A última etapa comezou ás 9.00 coa incorporación da vice Carolina. Chegados a Milladoiro, as torres da Catedral xa estaban a tiro de pedra. Alí festexárono todas e todos. Noraboa!
         


 

       

Excursión a Andorra

  

26/27-2-2018. Desde a estación de Grandvalira en Andorra, a expedición de esquiadoras e esquiadores de 4º ESO e 1º Bacharelato, comandada por Nuria, Lucía e Juan, manda saúdos e informa de que todo vai vento en popa. Moita actividade mais tamén tempo para descansar.

Viaxe cultural Paris - 2016

Viaxe cultural Paris - 2015

Pica na imaxe para ver máis fotos.       Ver dunha nunha   

Intercambio Grenoble: Lycée Aristide Bergès

Iintercambio Grenoble, Lycée  Aristide Bergès, do 13 ao 19 de maio.

Viaxe a París 2014

Pograma Intercambio curso 2013-2014

Durante a semana do 20 ao 25 de xaneiro, alumnado e profesorado procedente de Francia, Italia e Alemania, compartirá con alumnado e profesorado do  IES  as actividades programadas polo departamento de Francés.

Programa detalladado das actividades.

Pica para ver máis fotos das visitas e a memoria das actividades desenvolvidas.

Programa de Intercambio - Notre petit comenius

PROXECTO DE INTERCAMBIO  EN LINGUA FRANCESA 2014

 « Notre petit comenius »

 O departamento de Francés, no curso 2012-1013 intentou pór en marcha un novo Proxecto Comenius, pero non acadamos a subvención por falta de fondos.

 Os nosos socios : Francia, Italia e Alemaña propuxéronos manter o contacto e realizar un intercambio escolar en dous dos países: Galicia e Francia.

 

 1.- Centros  socios participantes:

Lycée Aristide Bergés, Rhônes-Alpes (Francia)

Ecolea Internationale Schule, Schwerin (Alemaña)

Istituto di Istruzione Superirore “V. Cardarelli”,Tarquinia –Viterbo (Italia)

IES  Chapela, Redondela (Galicia)

 

2.- Datas

O intercambio farase entre dous dos países implicados :

Galicia / visita dos nosos socios ao IES Chapela

Do 20/21 ata 26/27 de xaneiro 2014

 

Estarán con nós :    10 alumnos franceses + 2 profesores (chegarán o luns 20)

                                    4 alumnas italianas + 1 profesora

                                    4 alumnos alemáns + 1 profesor ( chegarán o martes)

 

Neste proxecto acollen nas súas casas 8 alumnos e 5 profesores do IES Chapela, sen esa participación o proxecto non se podería realizar.

Do 14 ata o 20 de maio 2014, visita a Grenoble dos alumnos do IES Chapela ao Lycés Aristide Bergés (Rhône-Alpes)

8 alumnos dos IES Chapela de 1º BAC e 4º ESO + 2 profesoras serán acollidos polas familias francesas que tamén acollerán a 5 alumnos alemáns + 1 profesor e 6 alumnos italianos + 1 profesora.

 

Obxectivos didácticos:

Antes da visita faremos un traballo conxunto, en francés, sobre a identidade das rexións implicadas. Exposición oral en francés ante os nosos socios.

A lingua francesa  como lingua de  traballo (todos os profesores son profesores de francés).

A nosa determinación é de non perder o traballo realizado dende o ano 2006 cos Proxectos Comenius e a posta en marcha de intercambios con outros países europeos.

Pensamos que a experiencia do intercambio é moi importante para a formación persoal e académica dos nosos alumnos.

Permítenos coñecer e interactuar  de xeito real  ante a diversidade das rexións de Europa e comunicar nas linguas estranxeiras.

Durante a visita dos nosos socios, faremos partícipes a toda a comunidade escolar do IES Chapela, Os alumnos estarán acompañandos do alumno de acollida, asistindo a algunha clase e realizando  algunha visita.

 

Agradecemos a participación das familias e dos profesores que mostraron o seu interese por acoller. Do equipo Directivo pola súa colaboración. Sen esa participación o proxecto non se podería realizar.

 

As profesoras do Departamento de Francés:     

María José Fraga Rivera     

Ángeles Alemparte Conde

Viaxe cultural a París

Louvre

VIAXE CULTURAL A PARÍS

  

Le Carroussel-Jardin des Tuileries

  

No Louvre

 

Opera de Paris.

Arc de Triomphe Champs-Elysées

.  

Quai Branly

   

Vistas dende a Tour Eiffel

  

Despois da Tour Eiffel, subimos as torres da Catedral de Notre Dame.

Distribuir contido