Viaxes |
PROXECTO DE INTERCAMBIO EN LINGUA FRANCESA 2014 « Notre petit comenius » O departamento de Francés, no curso 2012-1013 intentou pór en marcha un novo Proxecto Comenius, pero non acadamos a subvención por falta de fondos. Os nosos socios : Francia, Italia e Alemaña propuxéronos manter o contacto e realizar un intercambio escolar en dous dos países: Galicia e Francia.
1.- Centros socios participantes: Lycée Aristide Bergés, Rhônes-Alpes (Francia) Ecolea Internationale Schule, Schwerin (Alemaña) Istituto di Istruzione Superirore “V. Cardarelli”,Tarquinia –Viterbo (Italia) IES Chapela, Redondela (Galicia)
2.- Datas O intercambio farase entre dous dos países implicados : Galicia / visita dos nosos socios ao IES Chapela Do 20/21 ata 26/27 de xaneiro 2014
Estarán con nós : 10 alumnos franceses + 2 profesores (chegarán o luns 20) 4 alumnas italianas + 1 profesora 4 alumnos alemáns + 1 profesor ( chegarán o martes)
Neste proxecto acollen nas súas casas 8 alumnos e 5 profesores do IES Chapela, sen esa participación o proxecto non se podería realizar. Do 14 ata o 20 de maio 2014, visita a Grenoble dos alumnos do IES Chapela ao Lycés Aristide Bergés (Rhône-Alpes) 8 alumnos dos IES Chapela de 1º BAC e 4º ESO + 2 profesoras serán acollidos polas familias francesas que tamén acollerán a 5 alumnos alemáns + 1 profesor e 6 alumnos italianos + 1 profesora.
Obxectivos didácticos: Antes da visita faremos un traballo conxunto, en francés, sobre a identidade das rexións implicadas. Exposición oral en francés ante os nosos socios. A lingua francesa como lingua de traballo (todos os profesores son profesores de francés). A nosa determinación é de non perder o traballo realizado dende o ano 2006 cos Proxectos Comenius e a posta en marcha de intercambios con outros países europeos. Pensamos que a experiencia do intercambio é moi importante para a formación persoal e académica dos nosos alumnos. Permítenos coñecer e interactuar de xeito real ante a diversidade das rexións de Europa e comunicar nas linguas estranxeiras. Durante a visita dos nosos socios, faremos partícipes a toda a comunidade escolar do IES Chapela, Os alumnos estarán acompañandos do alumno de acollida, asistindo a algunha clase e realizando algunha visita.
Agradecemos a participación das familias e dos profesores que mostraron o seu interese por acoller. Do equipo Directivo pola súa colaboración. Sen esa participación o proxecto non se podería realizar.
As profesoras do Departamento de Francés: María José Fraga Rivera Ángeles Alemparte Conde
|
|||
VIAXE CULTURAL A PARÍS
Le Carroussel-Jardin des Tuileries
No Louvre
Opera de Paris.
Arc de Triomphe Champs-Elysées . Quai Branly Vistas dende a Tour Eiffel Despois da Tour Eiffel, subimos as torres da Catedral de Notre Dame.
|
|||
Saída didáctica para intercambio territorial coa cidade de Porto dentro do Proxecto Terra. Alumnado de 4º ESO e 2º Bacharelato os días 11 e 12 de abril de 2013 (Ribeira do Douro e Fundación Serralves)
|
|||
O alumnado de 3º ESO e 4ºESO realizará unha viaxe cultural a Madrid os días 25 e 26 de Novembro de 2010 organizado polo Departamento de Plástica. Doc. Viaxe cultural a Madrid - PDF
|
|||
DEPARTAMENTO DE EDUCACIÓN FÍSICA. ACTIVIDADES EXTRAESCOLARES: " Recuperación e utilización educativa de pobos abandonados." CURSO: 3º ESO PROFESORAS RESPONSABLES: Nuria Redondo e Evangelina Aguado. A actividade é "Recuperación y utilización educativa de pueblos abandonados" convocada polo Ministerio de Educación e Ciencia e publicada no BOE do 13 de outubro de 2007. O noso centro solicitou a participación nesta actividade que se realiza en pobos abandoados. Eliximos o pirineo aragonés: Búbal (Huesca). Eliximos como tema "Xogos populares, folclore e instrumentos tradicionais". É unha actividade dunha semana de duración na que os alumnos e alumnas teñen a oportunidade de estar en contacto coa natureza nun contorno moi diferente ao que lles rodea. O pobo está nun enclave natural do Pirineo e é un pobo abandonado fai anos que foi recuperado e que agora utilízase para este tipo de actividades educativas. O pobo está dedicado a este tipo de actividades, conta con instalacións preparadas para a acollida de alumnos/as: comedores, vivendas, e conta tamén con monitores especializados que preparan actividades de coñecemento da zona, contacto co medio ambiente, rutas, contacto coa natureza, sensibilización e coidado do medio natural. O MEC financia o coste da estancia no pobo, os alumnos/as deben costear a viaxe en autobús ata o pobo. As profesoras responsables estamos a pedir presupostos para esta viaxe e no caso de que concedesen a actividade ao noso centro, faríase unha reunión informativa na que se falaría de todos os detalles desta actividade. O prezo ronda os 100 euros. ULTIMA HORA Poñémonos en contacto con vostedes para informarlles de que a solicitude feita polo departamento de EF do IES Chapela para participar na actividade extraescolar dirixida ós alumnos de 3º de ESO "Recuperación y utilización educativa de pueblos abandonados" convocada polo Ministerio de Educación e Ciencia e publicada no BOE do 13 de outubro, da que lles informamos anteriormente, foi aceptada e poderemos participar nas datas do 30 de marzo ó 5 de abril de 2008 e no pobo abandonado do pirineo aragonés que solicitamos, Búbal (Huesca). 
|
|||
