DIVERTIRSE COCIÑANDO EN CASA
Algunhas persoas odian cociñar, a moitas simplemente lles dá pereza, e para outras é un hábito cotiá ao que non lle dan importancia. Pero calquera pode divertirse cociñando e pasalo ben comendo reservando unha parte do seu tempo libre para aprender unha serie de técnicas culinarias e organizativas. De entrada habería que empezar por pratos fáciles porque o resultado, que con toda seguridade será estupendo, anima a seguir experimentando. Para cando empecemos a converternos en amantes da cociña podemos probar coa preparación de cociñas do mundo. En gastronomía é fácil pensar en zonas xeográficas como unha primeira maneira de achegarse ao menú. Xenial! agora toca elixir os pratos típicos, e ambientar o espazo onde comeremos: buscar música popular da rexión escollida, elixir vestimenta [para nós, e se nos atrevemos a propoñérllelo!, para os e as nosas comensais], dispoñer a presentación dos pratos como no lugar de orixe, colocar nalgunha zona folletos coas tradicións da rexión ou país, proxectar imaxes, etc.
Como a diversidade cultural do IES Chapela cada vez é maior, decidimos ir introducindo neste apartado receitas propias da nosa zona, rexión e país, pero tamén do resto do mundo. Empezamos pola cociña dominicana, por ser a comunidade dominicana a de maior representación no Centro. As receitas típicas recollidas representan a cociña do norte, noroeste, sur e suroeste da illa.