Escoitar, Aprender e Compartir

Consellos de VIDA

O alumnado de 1º de APSD quere reunir todos os consellos de vida das persoas maiores que nos rodean, eses sabios consellos da experiencia que necesita a xuventude.

Participa con nós e pregúntalle ao teu avó ou avoa cal sería a súa mensaxe, faille unha foto cun cartel co seu nome, idade e o consello. Envía a foto a: servizoschapela@gmail.com De seguro aprenderemos un montón!

  

  • 76 lecturas

Ciao Ramiro

Trinta anos non é nada!

Trinta anos non é nada pero é toda unha vida como docente. Trinta pasaron dende que Ramiro Fernández chegaba a Chapela, alá polos noventa, cando o instituto levaba apenas un ano de actividade e o departamento de Sanitaria, do que foi un pilar fundamental, iniciaba a impartición da formación profesional. Ao longo destes anos foi moito o alumnado  que pasou polas súas clases e poido empaparse das súas ensinanzas. Tamén moitos os compañeiros e compañeiras que tivemos a sorte de compartir con el o día a día do seu traballo como docente, e que recibimos os seus sabios e desinteresados consellos médicos.

Despedímoste agora coa nostalxia de todos estes anos pasados pero co mellor desexo para esta nova etapa da túa vida. Unha aperta, compañeiro!

  • 103 lecturas

Premios II Certame Literario "Xela Arias"

Fallo do xurado

  • 80 lecturas

Dígocho eu no IES de Chapela
    O vindeiro mércores, a organización do tan soado Dígocho Eu realizará un encontro dixital en directo por Twich cos centros de ensino de Galicia, para dar a coñecer o programa e o seu valor para a nosa lingua. Dende o IES de Chapela, o alumnado de 2º da ESO terá a honra de poder interactuar directamente con Esther para coñecermos un pouco máis do Dígocho Eu. Poderedes ver o directo a través deste enlace: http://twich.tv/crtvg   Non volo perdades!
  • 151 lecturas

Xela Arias no IES de Chapela - 2021
Humilde e digna chegou sen facer ruído ao IES de Chapela no curso 2000-01, sen saber que vinte anos máis tarde Galicia lle rendería a máis prezada homenaxe que se lle pode ofrecer a quen escribe no noso idioma. Arroibaríase de saber que o Días das Letras Galegas está dedicado a súa figura, e faría unha listaxe de posibles candidatas e candidatos a ocupar o seu posto. Mais por mérito propio perténcelle esta honra a quen dixo poder escribir só desde muller, desde miope e desde galega. Si, chegou naquel 2000-01, e conquistounos a todas e a todos, con esa fermosura que só teñen as persoas boas e xenerosas. Longa vida ao teu verso, Xela!

Foto: Entroido 2001 – 4º ESO C (IES de Chapela)
  • 165 lecturas

Obradoiro de Teatro - 3º ESO

O alumnado de 3º ESO participou hoxe 5 de maio nun obradoiro de teatro e bo trato impartido por Ánxela, do colectivo 100tolas, que propón a arte como ensaio de alternativas para situacións que se revelan como opresións na vida cotiá. Unha experiencia tan enriquecedora como necesaria.
  • 86 lecturas

XXV Maratón das Letras - IES de Chapela
Xa chega o maratón, e estamos de aniversario. 25 anos correndo pola nosa lingua. Temos preparado un amplo calendario de actividades para desfrutar o venres 14 de maio. Quentamos motores! Deixámosche o plano e indicacións do novo percorrido.   
  • 223 lecturas

Comunidades en liña (Érguete) - Encontro coas familias

Estimadas familias:

 

Durante o mes de Abril, diferentes profesionais do Equipo de Prevención da Asociación Érguete, levaron a cabo un programa de prevención do uso seguro e saudable das novas tecnoloxías denominado Comunidades en liña. Este programa estivo destinado ao alumnado de 2º ESO e tivo por obxectivo proporcionar estratexias e ferramentas áxiles para axudar a previr e actuar ante os principais riscos asociados ao uso das novas tecnoloxías.

Agora gustaríanos ter unha charla telemática coas familias para dar a coñecer as conclusións extraídas no traballo realizado co alumnado, propoñer certas pautas de actuación e tentar resolver todas as dúbidas que expoñades.

A reunión terá lugar o Mércores, 5 de Maio de 2021, ás 17.00 horas a través da aplicación Cisco Webex co seguinte enlace:

https://eduxunta.webex.com/eduxunta/j.php?MTID=mf3be349e3445387596039a8976c1a678

 

Número de reunión (código de acceso): 121 223 8137

Contrasinal da reunión: KMnvR36KWF3

UNIRSE POR TELÉFONO: +34-91215-8236

Animámosvos a participar!

  • 144 lecturas

Cambio no calendario de admisión de probas libres 20-21

Consultar no apartado de PROBAS LIBRES

  • 114 lecturas

Charla sobre o arsénico con Xosé Lois Otero

Hoxe, 28 de abril, o grupo de 1º Bacharelato de ciencias contou coa visita a través da rede de Xosé Lois Otero, profesor do departamento de Edafoloxía e Química Agrícola da Facultade de Bioloxía da Universidade de Santiago de Compostela. O profesor Otero compartiu con nós os avances da investigación en relación ao arsénico (o veleno dos reis vs beneficios no tratamento da sífilis), o tóxico e non tóxico, e a súa existencia no arroz que consumimos. Moitas grazas a Xosé Lois por compartir con nós os resultados da súa investigación.
  • 75 lecturas
Distribuir contido