Escoitar, Aprender e Compartir

O IES de Chapela clama pola súa segunda praza de Orientación

Comunicado lido o 19 de outubro no acto

 

  • 102 lecturas

APSD en Arealonga
 

Este venres 15 de outubro, as alumnas e alumnos de APSD modular deron un paseo cara a praia de Arealonga. O obxectivo principal era comprobar as dificultades coas que se pode atopar unha persoa con dependencia/discapacidade ao longo do traxecto. Chegamos á conclusión de que o acceso á praia sería case un imposible para as persoas con algún tipo de diversidade funcional o que supón un grave atranco para a súa independencia e para o seu crecemento no día a día. Experimentamos na nosa pel a discriminación, a inseguridade e a inxustiza que poden sentir estas persoas. Recollimos as conclusións por grupos e puxémolo en común. Aproveitando o contexto privilexiado, tamén fixemos unhas dinámicas para exercitar o entendemento e as habilidades sociais necesarias para o traballo futuro. Tiñamos como meta fomentar a cohesion grupal, a empatía e a escoita activa. Entre todas descubrimos que aínda hai moito camiño por facer, pero estamos no camiño!

  • 137 lecturas

Experimentando con laranxas e limóns
As alumnas e alumnos de 1º e 2º de Educación Infantil levaron a cabo unha actividade de experimentación con laranxas e limóns en días separados. Pero ambos os dous grupos contaron contos, falaron de emocións, déronse unha masaxe, bailaron diferentes cancións sobre o tema, fixeron zume,... e desfrutaron manipulando estes froitos en todas as súas formas, mesmo os observaron na mesa de luz e no retroproxector. Algo tan próximo e tan coñecido vivido e experimentado neste día como algo novo e inusual. PDF con máis imaxes.
  • 99 lecturas

Visita APSD
O pasado 14 de outubro o alumnado e parte do profesorado do Ciclo de Atención a Persoas en Situación de Dependencia do Réxime Modular fomos ao VI Festival de Cine Inclusivo de Vigo no MARCO (Museo de Arte Contemporánea). Alí asistimos á presentación dunha aplicación para a detección precoz do Alzheimer (desenvolvida pola empresa Polygon-e en colaboración coa Universidade de Santiago de Compostela), unha sesión de curtametraxes arredor da diversidade funcional e a enfermidade mental (nas que participaron diversas entidades do terceiro sector) e a proxección e posterior coloquio arredor da produción "Si Talía fuera ciega" (mediametraxe dirixida por Antonio Gil Aparicio e protagonizada por máis de 100 actrices e actores con diversidade funcional visual de distintas compañías teatrais da ONCE). Con festivais como este comprobamos, unha vez máis, que na arte e no cine, como na vida, cabemos todxs, e que co compromiso e o apoio da sociedade todas as barreiras se poden derrubar.
  • 83 lecturas

Fields of gold no IES de Chapela

Traballo dirixido, gravado e mesturado desde o Departamento de Música polo profesor Carlos Calviño, e no que ademais da colaboración do profesor de inglés César Domínguez, participaron alumnas e alumnos de ESO e BACH: Mara Otero, Carmen Castro, Paula Filgueiras, E. André Uriz, Laura Langarica, Sergio Sánchez e Alejandro Barreiro. Un tributo emocionado ao profesor Manolo Ares, que nos deixou o pasado curso.

  • 167 lecturas

O IES de chapela reclama que se cubra a segunda praza de orientación

Nova en Faro de Vigo

Nova en La Voz de Galicia

Nova en Radio Redondela

  • 118 lecturas

Asun e Chiti

Esta pasada semana despedimos ás profesoras do Departamento de Sanitaria Asunción Gómez e Concepción Bandín. As dúas desenvolveron unha boa parte da súa carreira profesional no IES de Chapela. Aquí deixaron Asun e Chiti parte dos seus folgos e ilusións para construír o centro que hoxe en días somos, e ser xa, memoria compartida das nosas aulas. Longa vida compañeiras!
  • 102 lecturas

Xornada de comadres na Senda da Auga

 

Os grupos de 1º e 2º curso do CFGS en Educación Infantil realizan unha xornada de comadres na Senda da Auga

O alumnado do 1º e 2º curso do CFGS en Educación Infantil do réxime xeral-ordinario levaron a cabo unha xornada de coñecemento mutuo e convivencia percorrendo o roteiro da Senda da Auga.

 
Saída Senda da Auga 1

Con anterioridade á saída, o alumnado distribuíse en parellas de comadres (unha alumna de 2º curso cunha de 1º curso) mediante un xogo de imitación.

 
Senda da Auga 2

Con saída ás 10:30h dende o IES Chapela, chegaron até o “Banco máis fermoso do mundo” para desfrutar das vistas da Ría de Vigo. Polo camiño puideron coñecerse, intercambiar pareceres e debater sobre a titulación.

 
 Saída Senda da Auga 3
 

Antes de voltar, realizaron paradas para almorzar, hidratarse e realizar dinámicas de coñecemento.

 
Saída Senda da Auga 4
  • 118 lecturas

Comezamos

Coa alegría dos reencontros e a ilusión dos comezos, atopámonos ás portas deste novo curso 21-22. Damos a benvida a todas as aprendizaxes coas que nos agasalle. Comezamos. Avante Chapela!

Mural realizado polo Equipo de Igualdade do IES de Chapela
  • 100 lecturas

Fondo de Libros de Texto e Axudas Material Escolar

O IES de Chapela está incluído no proxecto de educación dixital (Edixgal) en todos os cursos da ESO, polo que o alumnado do IES de Chapela non pode participar no fondo solidario de libros de texto e das axudas para adquirir libros de texto. Non obstante, poderá solicitar a axuda para adquirir material escolar (cheque de 50 €) cando reúnan os requisitos establecidos na Orde do 29 de abril de 2022.

 

Información resumida da Orde do 29 de abril de 2022 - IES de Chapela

 

Orde do 29 de abril de 2022 - Participación no fondo solidario de libros de texto e axudas para adquirir libros de texto e material escolar

Enlace con máis información á paxina da consellería

Enlace á aplicación para descargar os formularios Anexo I  Anexo II

Enlace á sede electrónica para presentar solicitudes por este procedemento

 

  • 1330 lecturas
Distribuir contido