A experiencia das persoas maiores, grazas polos vosos consellos de vida
|
|||
|
|||
As TANXUGUEIRAS, co seu tema MIDAS, foron as gañadoras da nova edición do noso concurso musical, no que participou durante 7 xornadas o alumnado da mañá e da tarde, decidindo cos seus aplausos o mellor tema do ano: TANXUGUEIRAS AGRADECE AO IES DE CHAPELA SER O GRUPO GAÑADOR DO CONCURSO MUSICAL
|
||||||||||||||||||||||
|
|||
|
|||
O día 1 de xuño comeza o proceso de probas libres no IES de Chapela. A xornada de acollemento é ás 9 horas. Dita xornada ten carácter obrigatorio, incluso para aquelas persoas que se matricularon para validar algún módulo. Unha vez que remate a xornada de acollemento comezan os exames seguindo os calendarios que xa se publicaron nesta páxina web, así como no taboleiro dedicado a probas libres, hai varias semanas. Todo o alumnado esperará fóra do centro a que o profesorado o vaia buscar. Para poder entrar á presentación ou a calquera exame o alumnado ten que estar sempre identificado mediante o seu DNI (a imposibilidade de identificar a alguén será motivo de expulsión do proceso). O cumprimento da normativa sanitaria vixente é obrigatorio en todo momento. Se non se cumpre algunha das normas establecidas a persoa en cuestión será, tamén, expulsada do proceso.
|
|||
O alumnado do Ciclo Superior de Integración Social do IES de Chapela, invítanos a unha reflexión sobre o TOC (Trastorno Obsesivo Compulsivo), neste interesante vídeo realizado en colaboración coa súa profesora Inés Rey. O traballo será presentado no I Festival Internacional de cine "Mente y TOC" que se celebrará en Granada o 11 de xuño de 2021 organizado pola Asociación TOC de Granada. Moita sorte.
|
|||
O alumnado de 1º de APSD quere reunir todos os consellos de vida das persoas maiores que nos rodean, eses sabios consellos da experiencia que necesita a xuventude. Participa con nós e pregúntalle ao teu avó ou avoa cal sería a súa mensaxe, faille unha foto cun cartel co seu nome, idade e o consello. Envía a foto a: servizoschapela@gmail.com De seguro aprenderemos un montón!
|
|||
Trinta anos non é nada! Trinta anos non é nada pero é toda unha vida como docente. Trinta pasaron dende que Ramiro Fernández chegaba a Chapela, alá polos noventa, cando o instituto levaba apenas un ano de actividade e o departamento de Sanitaria, do que foi un pilar fundamental, iniciaba a impartición da formación profesional. Ao longo destes anos foi moito o alumnado que pasou polas súas clases e poido empaparse das súas ensinanzas. Tamén moitos os compañeiros e compañeiras que tivemos a sorte de compartir con el o día a día do seu traballo como docente, e que recibimos os seus sabios e desinteresados consellos médicos. Despedímoste agora coa nostalxia de todos estes anos pasados pero co mellor desexo para esta nova etapa da túa vida. Unha aperta, compañeiro!
|
|||
- « primeira
- ‹ anterior
- …
- 32
- 33
- 34
- 35
- 36
- 37
- 38
- 39
- 40
- …
- seguinte ›
- última »