Prezadas familias e alumnado do IES de Chapela,
O alumnado do IES de Chapela está a dar un exemplo de responsabilidade e madurez ao longo deste curso marcado pola pandemia,no que aínda non temos que lamentar nin un só contaxio no centro. Aquí vai o noso agradecemento e os nosos parabéns, mais tamén o recordo de que en ningún momento podemos baixar a garda. Ante a situación de crecemento dos casos de infección en todo o país pregamos seguir minimizando o risco, respectando as normas de prevención, gardando corentena na casa cando haxa síntomas compatibles coa COVID... As canles para informar ao centro dos casos sospeitosos ou para facer calquera consulta continúan a ser as mesmas: correo electrónico da persoa titora, correo do centro: ies.chapela@edu.xunta.gal, teléfono 886 110 610, preguntando polos responsables do equipo COVID. Son momentos difíciles e só coa vosa colaboración podemos saír adíante. Grazas, grazas, grazas. Saúde e terra.
Equipo COVID e Equipo Docente e Non Docente do IES de Chapela.