O IES Laxeiro participa, no marco do proxecto Erasmus+ Tunnel of Time, nun encontro internacional na cidade finesa de Kuopio xunto con delegacións do centro escolar Şehit Mehmet Şengül Ortaokulu, sito na cidade turca de Tekirdağ, do Collège Marthe Dupeyron, da vila francesa de Langogne e os seus correspondentes do Jynkänlahden koulu na cidade nórdica. Un total de 20 estudantes, 6 deles lalinenses de 4º de ESO, son acollidos por outras tantas familias de Kuopio, mergullándose deste xeito na vida local de modo completo e mesmo na escolar pois participan de boa parte das súas actividades, xa derradeiras ao remataren o curso escolar no mes de maio.

A piques de marchar para Kuopio, onde terá lugar a derradeira xuntanza entre os socios, enfiamos o tramo final do proxecto Eramus+ bianal Tunnel of Time. Aquí deixamos unha sinopse do fixemos máis algo do que pasou no noso instituto nestes dous anos:

O pasado venres 10 de maio o IES Laxeiro recibiu a visita de tres docentes e 28 estudantes de galego do IE Cañada Blanch de Londres que percorreron Galicia en viaxe de estudos. Son algo máis dun terzo dos 75 alumnos e alumnas que estudan o galego no centro educativo londiniense grazas ao convenio asinado, no ano 1991, entre a Xunta de Galicia, por medio da Consellería de Cultura e Turismo, e o Ministerio de Educación, Cultura e Deporte.
Ao igual que en anos anteriores, os alumnos e alumnas que estudan o galego no IE Cañada Blanch de Londres, da man da profesora Begoña González, chegaron á nosa comunidade para realizar a que denominan Viaxe da lingua, unha actividade que ten o obxectivo de perfeccionar o idioma propio de Galicia e a súa cultura.
Con este fin participaron nunha xornada de intercambio lingüístico e cultural co alumando das seccións bilingües de 3º de ESO do Laxeiro. O programa incluíu unha visita ao Castro Tecnolóxico e casa do concello, da man da concelleira de cultura Lara Peña, e a recepción por parte do alcalde Rafael Cuiñada vila pontevedresa; coñeceron ademais Castrodeza (Centro de interpretación da cultura castrexa), o Museo Etnográfico Casa do Patrón e participaron nun obradoiro de elaboración de pan. O día rematou nas Termas de Outariz, en Ourense.
Nesta viaxe da lingua coñeceron a praia das Catedrais, a cidade de Lugo coa súa muralla romana, a casa de Rosalía de Castro en Padrón e A Coruña, onde visitaron a Domus. O completo programa de actividades dos estudantes do centro londiniense complementouse co percorrido pola capital de Galicia onde tiveron a oportunidade de asistir a un partido do equipo de baloncesto Obradoiro e gozar da gastronomía galega.

Blog Galego en Londres
Facebook Galego en Londres

Nas ligazóns que seguen pódese descargar as programacións do departamento que rixen para o curso 2018/2019

O IES Laxeiro foi seleccionado para desenvolver, en calidade de socio, un proxecto de aprendizaxe e mobilidade Erasmus+ para o persoal docente e alumnas e alumnos do centro durante os próximos cursos 2017/18 e 2018/19. O proxecto, titulado Tunnel of time, conta con financiación da Comisión Europea e foi escollido logo dun complexo proceso de avaliación por parte da axencia nacional finesa, país que actúa como coordinador.

O proxecto conta coa participación de profesores e estudantes dos seguintes centros:

• Jynkänlahden Koulu (Kuopio, Finlandia),
• Collège Marthe Dupeyron (Langogne, Francia)
• Şehit Mehmet Şengül Ortaokulu (Tekirdağ, Turquía)
• IES Laxeiro (Lalín, España)

Tunnel of Time nace coa idea de impulsar la adquisición de habilidades e competencias de calidade así como favorecer a interculturalidade, a inclusión social e o multilingüismo. Este proxecto inclúe unha serie de actividades a realizar en cada centro e en coordinación e comunicación cos socios así como reunións periódicas cos profesores e alumnos dos outros centros.

O proxecto aborda dous temas principais: a igualdade entre homes e mulleres e as habilidades necesarias no traballo hoxe en día e no futuro, ambos vistos desde unha perspectiva interxeracional tratando de percibir como teñen cambiado co paso do tempo. Para iso os alumnos e alumnas van contar coa colaboración dos residentes e persoal da residencia As Dores e do profesoras e rapaces e rapazas de Educación Infantil do CEIP M. Rivero.

Os dous equipos do IES Laxeiro que participaron na fase clasificatoria do Parlamento Xove 2014 celebrada o 15 de febreiro na Coruña clasificáronse para a fase final, ocupando o primeiro e o segundo posto na taboa.

O equipo Laxeiro 2 formado polos alumnos de 1º BAC: Uxía Adán, Andrés Machado, Alba Tomé e Laura Machado, coordinados polo profesor Manuel Igrexas, clasifícouse en primeiro lugar, cos tres debates gañados e 98,50 puntos.

O equipo Laxeiro 1 formado polos alumnos de 2º BAC: Marta Millares, Diego Viana, Paula Castro e Laura Torreiro, coordinados polo profesor Xosé Manuel López, clasifícouse en segundo lugar, cos tres debates gañados e 95,75 puntos.

Podedes consultar aquí os resultados.

Os dous equipos pasan á fase final que se celebrará no Parlamento de Galicia os días 25 e 26 de abril.

Un grupo de 25 alumnos/as de 3º ESO do IES.Laxeiro participarán entre o 24 e o 30 de novembro nas actividades de inmersión lingüística que terán lugar no Centro de Excelencia para a Formación en Inglés dos Peares. Os Peares. Pena. Carballedo(Lugo).

Xunto co IES. Laxeiro estarán na mesma quenda os seguintes centros:

IES Plurilingüe Fontem Albei   da Fonsagrada

IES Manuel Murguía                   de Arteixo

CPI As Revoltas                         de A Cabana

IES Canido                                   de Ferrol

Trátase dun curso residencial de lingua inglesa, non dun campamento de verán,O alumnado recibirá cinco horas de clase diarias de luns a venres e onde realizarán actividades comunicativas reais en inglés, nun ambiente angloparlante.

Para máis información consultar o seguinte enlace

Toda estas actividades ademais terán lugar nun marco incomparable do noso interior galego: Pena . Os Peares

De toda actividade os pais/nais do alunnado participante terá cumplida información nos próximos días , comenzando por unha circular que recibirán proximamente

Un grupo de 25 alumnos de 2º de ESO ven de participar no "Programa de Inmersión Lingüística Outono 2011" organizado pola Secretaría de Estado de Educación y Formación Profesional". A actividade desenvolveuse entre o 30 de outubro e o 5 de novembro na finca El Encinar, en Mohernando (Guadalajara), onde compartiron estancia e talleres co IES Sayena de Castell de Ferro (Granada). Alí desenvolveron talleres arredor dos seguintes temas: "A contorna natural e cultural", "A aldea global", "Enerxías renovábeis", "Desenvolvemento sostible", "Reducir, reusar, reciclar". Tanto nestas como nas actividades cotiás, veladas, etc. estaban acompañados e dirixidos por monitores procedentes de Bristol, Manchester, Ohio ou New York, sendo, en todo momento, a lingua inglesa a vehicular na comunicación.

A experiencia resultou altamente positiva para o alumnado, tanto no aspecto linguistico como social e vivencial.

No blog de Anglo Orbe, entidade organizadora, podedes ver fotos e o día a día.

o luns 28 de marzo logo das aulas de tarde reúnese novamente o grupo de tradución "laxas traducidas" para traballar na tradución da proposta de traballo linh dinh - blood and soap. máis información en laxastraducidas.blogspot.com