Do 7 ao 13 de febreiro unha delegación do IES Laxeiro atópase visitando a localidade francesa de Langogne, no departamento de Lozère, onde se atopa o Collège Marthe Dupeyron, a escola de acollida. Esta vila, medieval duns 3200 habitantes, constitúe a porta nordeste da rexión Languedoc-Rosellón. Esta visita enmárcase no proxecto Erasmus+ “Tunnel of Time”, cofinanciado pola Comisión Europea, no que o noso instituto participa xunto con centros de Finlandia, Turquía e Francia. Tras unha primeira presentación á comunidade escolar, a delegación internacional foi recibida polo alcalde do comuna, o equivalente ao noso concello.
No intercambio participan seis estudantes de 4º de ESO e os profesores Loli F. Villanueva e Xosé M. García. Ademais de convivir coas familias anfitrioas e integrarse na vida escolar do centro de acollida, comparten os resultados das actividades relacionadas co proxecto. Nesta ocasión 30 estudantes dos países socios poñen en común unha visión interxeracional sobre a vida laboral de avós, pais e responsables de negocios ou empresas, a través de entrevistas a estes colectivos nos diferentes países. Así, dentro das visitas do programa, inclúese a visita á residencia de anciáns da pequena localidade occitana e a unha das escolas de Educación Infantil. A anterior reunión tivo lugar en maio pasado en Lalin e a temática versou sobre a perspectiva de xénero en diferentes grupos de idade, desde preescolar a avós.
A historia e cultura da área que acolle aos estudantes tamén forman parte do programa, incluíndo varias visitas como a da cidade próxima de Le Puy-en-Velay onde comeza unha das grandes vías francesas de peregrinación a Compostela, a que pasaba por Conques en dirección a Roncesvalles.
A experiencia está a resultar altamente enriquecedora desde o punto de vista  da interculturalidade, da aprendizase de linguas e das habilidades de vida.

Velaquí o segundo boletín do proxecto Tunnel of Time

Logo duns intensos días, o meeting in Lalín rematou. Velaquí unha síntese:

<

No derredeiro día do meeting in Spain, as alumnas e alumnos dos catro países socios participaron nun obradoiro co alumnado dos tres cursos de Educación Infantil do CEIP M. Rivero. Organizados en grupos multinacionais, elaboraron marionetas que usaron para contar unha historia dunha nena moi interesada nunha profesión tradicionalmente masculina e promover a igualdade de oportunidades.

Os nosos alumnos e alumnas realizaron máis de oitenta entrevistas/enquisas a persoas de diferentes grupos de idade para obter unha visión sobre asuntos de xénero ao longo de distintas xeracións. Este foron os resultados:

Na tarde do luns 28 de maio, durante o meeting in Spain, a profesora de Lingua Galega Gracia Santorum dirixiu un interesante percorrido pola presenza finesa, turca e francesa na nosa literatura; alumnos e alumnas anfitrións leron en galego fragmentos dalgunhas das obras literarias mentres que os/as acollidas/os o fixeron en inglés (nalgún caso ao revés, cun agradable e sorpresivo resultado).

Do xoves 24 de maio ao mércores 30 recibiremos a visita de estudantes e profesoras dos países socios no proxecto Erasmus+ Tunnel of Time, no que participa o IES Laxeiro. Un total de 15 alumnas e alumnos procedentes de Finlandia, Francia e Turquía, acompañadas por seis profesoras, dúas por cada país socio, convivirán con familias lalinenses e participarán nas actividades escolares dos estudantes do IES Laxeiro. O proxecto implica a realización de obradoiros, actividades culturais e a integración nalgunhas horas lectivas por parte de estudantes e profesores visitantes.

No IES Laxeiro sentímonos moi honrados de participar no proxecto coa escolas:

•  Jynkänlahden Koulu (Kuopio, Finlandia)
• Collège Marthe Dupeyron (Langogne, Francia)
• Şehit Mehmet Şengül Ortaokulu(Tekirdağ, Turquía)
•  IES Laxeiro (Lalín, España)

Os nosos colaborades de Eduación Infantil do M. Rivero achegan ao noso proxecto dous contos de creación propia.  Serán os nosos estudantes os que logo os analicen xuntos cos outros socios-as dos países participantes. Moitas grazas este equipo de Educación Infantil tan creativo e participativo!

Co recanto Erasmus renovado e coa cartelería a punto.