O pasado 3 de Marzo, o alumnado de primeiro de Bacharelato que está a facer radio na nosa emisora Rebolondas acudiu aos estudios de CUAC FM, a radio comunitaria da Coruña, para realizar unhas horas de formación. Alí visitaros as instalacións, aprenderon como funciona unha emisora de radio dende o punto de vista técnico e mesmo debateron sobre a comunicación. Asemade, fixeron traballo de produción e xa nos estudios emitiron un programa ben interesante sobre a serie Pringada, do que vos deixamos o podcast.
Está aberto o prazo de ADMISIÓN de alumnado para o curso 2023/24.
O prazo é do día 1 ao 20 de marzo.
Poden recoller as solicitudes no centro ou ben descargalas na aplicación de admisión de alumnado.
https://www.edu.xunta.gal/admisionalumnado/
Toda a información no DOG Nº. 212 de 8 de novembro de 2022.
Xa temos o alumnado premiado no Concurso de cantigas de Entroido convocado polo EDLG en colaboración coa Biblioteca e co Departamento de Lingua Galega.
CATEGORÍA A:
1º premio: VALERIA RODRÍGUEZ VIÑA. 2º ESO D.
2º premio: JAVIER RODRÍGUEZ TAIBO. 2º ESO C.
3º premio: INÉS REMUIÑÁN RODRÍGUEZ. 1º ESO A.
CATEGORÍA B:
1º premio: JUDITH AÑÓN CARRACEDO. 4º ESO C.
2º premio: BERKET LÓPEZ DIAZ. 4º ESO D.
3º premio: ANGÉLICA J. VARELA PARDO. 4º ESO B.
Parabéns aos gañadores e graciñas a todo o alumnado que participou!
(Tedes acceso ás cantigas gañadoras, facendo clic aquí).
O pasado venres 17 de febreiro celebrouse no Pazo da Cultura a 8ª edición do Festival de Variétés, un evento organizado pola Asociación de Irmanamento con L´ Isle – Jourdain co fin de achegar a cultura francesa á xuventude da vila e no que participa o alumnado dos diferentes centros educativos.
Este ano o noso instituto estivo representado por un grupo de alumnos de 1º de Bacharelato que preparou unha magnífica coreografía de baile que entusiasmou a todo o público asistente.
O Departamento de Francés quere darlles as grazas pola ilusión que demostraron sempre, por todo o esforzo e traballo realizados e, por suposto, felicitalos pola súa brillante actuación.
Merci beaucoup et félicitations !!! ♥ ♥
Se queredes disfrutar do talento dos vosos compañeiros, mirade o vídeo que aquí deixamos para todos vós.
(Probas para a obtención do título de graduado en educación secundaria obrigatoria para maiores de 18 anos)
DOG Nº 30. Luns, 13 de febreiro de 2023.
Prazos de matrícula:
1. Convocatoria de maio: do 6 ao 16 de marzo.
2. Convocatoria de setembro: do 3 ao 10 de xullo.
Aviso:
As persoas matriculadas para a convocatoria de maio, se non superan todos os ámbitos considéranse matriculadas para a convocatoria de setembro.
Xa temos o alumnado premiado no Concurso de cartas de amor convocado polo EDLG en colaboración coa Biblioteca e co Departamento de Lingua Galega.
CATEGORÍA A:
1º premio: MARTA VIEITES LORENZO. 2º ESO C.
2º premio: ÁLEX LORENZO BLANCO. 2º ESO C.
3º premio: INÉS REMUIÑÁN RODRÍGUEZ. 1º ESO A.
CATEGORÍA B:
1º premio: PAULA VARELA POSE. 4º ESO B.
2º premio: LUCÍA LAMAS AMARELLE. 4º ESO D.
3º premio: REBECA VILAS VERDÍA. 4º ESO C.
Parabéns aos gañadores e graciñas a todo o alumnado que participou!
Aquí tendes as cartas premiadas.
A semana pasada, Mariana Rodríguez de 3º ESO C e Aitor Vecino de 1º ESO A, achegáronse a Rebolondas para contarnos polo miúdo en que consiste o proxecto da horta no que están a participar con moitos outros compañeiros/as. Foron entrevistados por Lucía López e Pablo Antelo de 1º BACH B do obradoiro de radio, que preguntaron sobre unha morea de cousas interesantes. Velaí vos deixamos o podcast para que saibades en que están a traballar, e quen sabe se animarvos a participar.
O pasado venres 3 de febreiro o alumnado de 3º ESO acudiu a Santiago para escoitar a Real Filharmonía de Galicia no Auditorio. Como dicía o creador do espectáculo, o pianista, Javier Otero Neira, tratábase dunha experiencia moi innovadora onde uniron música electrónica co bo facer e profesionalidade dos músicos da Real Filharmonía. No desenrolo da actividade unha das nosas alumnas, María Puga, saíu voluntaria para ler un poema, amplificando, porén, esta experiencia.
Día luns 6 de febreiro:
Hora:
MÓDULO 2 - 17:45h
MÓDULO 4 - 18:30h