Instituto de ensinanza secundaria, bacharelato, ciclos formativos e adultos

Wisibilízalas

O mércores 18 de novembro tivo lugar no IES Isidro Parga Pondal de Carballo, unha entrevista do alumnado de 2 de bacharelato a Amparo Alonso Betanzos e Bertha Guijarro.
Esta entrevista encadrase dentro do proxecto que están a desenvolver para a súa participación no concurso internacional de Wisibilízalas organizado pola Universidade Pompeu Fabra de Barcelona cuxo obxectivo é dar a coñecer referentes mulleres nos sectores STEM (Ciencia, Tecnoloxía, Enxeñería e Matemáticas) para fomentar que as rapazas se decanten por carreiras destas ramas.
As anteriores entrevistas que o alumnado xa foi facendo a outras mulleres referentes STEM, foron feitas empregando videochamada pero neste caso, e cumprindo con todas as medidas de seguridade necesarias, fíxose una entrevista conxunta nas instalacións do centro.
As preguntas foron feitas polo alumnado da optativa de TICs (Tecnoloxías da Informática e das Comunicacións impartida por Leticia Riestra) se ben asistiu todo o grupo.
Amparo Alonso Betanzos é unha Enxeñeira Química española, investigadora en intelixencia artificial, Presidenta da Asociación Española de Intelixencia Artificial (AEPIA) e Bertha Guijarro é unha investigadora española e Doutora en Informática no campo da Intelixencia Artificial, a Aprendizaxe Computacional e os Sistemas Baseados no Coñecemento. Ambas son docentes na facultade de informática da Universidade da Coruña.
Durante case unha hora e media o alumnado foi facendo preguntas relacionadas cos seus estudios, traballo e experiencia laboral así como as súas opinións sobre temas relacionados coas carreiras STEM e as mulleres como por exemplo porque pensaban que as rapazas non escollían Enxeñería Informática para estudiar como carreira, se se sentiron nalgún momento discriminadas polo feito de ser muller nun ámbito maioritariamente masculino ou como podía motivarse as nenas para decantarse por estas carreiras.

Hoxe fixemos entrega da nosa páxina web para o proxecto Wisibilízalas.

A participación neste proxecto achegounos grandes cousas: mellorar o noso traballo en equipo, aprender ferramentas para deseño web así como (o máis importante) dar a coñecer e promover as mulleres no ámbito STEM mediante información sobre mulleres, películas, libros, xogos e inventos realizados por elas nestes ámbitos científico-tecnolóxicos. Espero que vos gustaran as nosas publicacións.

Deixámosvos a ligazón para que poidades ver o traballo realizado: https://sites.google.com/view/wisi-ascachirulas

#wisibilízalas #wisibilizalas #wisibilizalas2020 #Wisibilízalas #itgirls #Wisibilizalas #pargapondal #ascachirulas #universitatpompeufabra

Dende o IES Isidro Parga Pondal, queremos motivar para que as alumnas se animen a estudar carreiras de ámbito STEM (Ciencia, Tecnoloxía, Enxeñería e Matemáticas).
Dentro desas iniciativas, o alumnado de 2 Bacharelato orientados e guiados pola súa profesora, Leticia Riestra Ainsua, da optativa de TICS (Tecnoloxía, Informática e Comunicacións) están a traballar nun proxecto chamado Wisibilízalas. Este proxecto englóbase dentro do concurso internacional do mesmo nome organizado pola Universidade Pompeu Fabra de Barcelona, o cal está dirixido a colexios e institutos de España e Latinoamérica e cuxos obxectivos son:

  • Romper estereotipos de xénero asociados a carreiras STEM.
  • Potenciar referentes femininos actuais que sirvan de inspiración ás máis novas.
  • Promocionar o uso da tecnoloxía e o traballo en grupo mediante a creación de páxinas web.

 

O alumnado leva varios meses preparando unha páxina Web no que reflicte o contido (tanto textual, como visual e auditivo) das diferentes entrevistas que fixeron a mulleres relevantes tanto de maneira presencial como a distancia (dende investigadoras en microalgas ou xenética ata enxeñeiras informáticas traballando na universidade de A Coruña).
Ademais, foron publicando nas redes sociais da biblioteca Rebolo, noticias relevantes como poden ser publicacións, artigos, libros ou películas deste ámbito STEM. Estes días tamén están a levar a cabo un concurso no que a primeira hora da mañá deixan pegadas sobre unha muller científica dando a resposta correcta á noite. Desa maneira todos aqueles que queiran poden tentar adiviñar de quen estar a falar. Dun modo ameno, están conseguido dar a coñecer
importantes noticias desde sector.
O 1 de abril coñecerán se conseguen acadar algún premio que consiste nun importe monetario para o centro.
Na seguinte ligazón tedes un vídeo resumen do que levan feito ata o momento https://youtu.be/XK5XNRd6lC8

Nova na Voz de Galicia

 

Hoxe, 11 de febreiro, celebramos o  “Día da  Muller e  da Ciencia . Desde o noso centro  queremos sumarnos a esta conmemoración. Cremos que é sumamente importante que o número  de alumnas que estuden carreiras de ámbito STEM (Ciencia, Tecnoloxía, Enxeñería e Matemáticas) medre, que se dean conta que TODAS poden facer  aquilo que se propoñan e nós queremos motivalas para levalo a cabo.
Destacamos así,  o proxecto que está realizando o alumnado de 2º bacharelato na optativa TICS (Tecnoloxía, Informática e Comunicacións) guiados pola súa profesora Leticia Riestra.  Estes están participando nun concurso internacional (organizado pola Universidade Pompeu Fabra de Barcelona) dirixido a colexios e institutos de España e Latinoamérica e cuxos obxectivos son:
  • Romper estereotipos de xénero asociados a carreiras STEM.
  • Potenciar referentes femininos actuais que sirvan de inspiración ás máis novas.
  • Promocionar o uso da tecnoloxía e o  traballo en grupo mediante a creación de páxinas web.

 

O  alumnado leva varios meses preparando  a súa páxina web con gran esforzo, motivación e ilusión. Realizaron varias entrevistas a mulleres relevantes tanto de maneira presencial como a distancia e traballaron con diferentes ferramentas para reflectir na súa páxina web o esforzo realizado.
Publicaron ademais, nas nosas redes sociais, noticias relevantes no ámbito STEM así como os progresos duranteo desenvolvemento  do proxecto.

As diferentes mulleres entrevistadas foron:
  • Verónica Rojo Oróns: Bióloga. Traballando en AllGenetics.
  • Marta Esperanza Llera: Bióloga. Investigadora
  • Marta Nael: Ilustradora.
  • Verónica Bolón Canedo: enxeñeira Informática. Profesora e investigadora.
  • Yasmin Diab López: Inxeñeira Informática. Analista programadora.
  • Tamara Riestra Ainsua: Enxeñeira Informática. Profesora de Secundaria.             
  • Ángeles Saavedra Places: licenciada en informática. Profesora e investigadora.
  • Sandra Santos Suárez: Matemática. Profesora de secundaria.
  • Iria Roca Otero: Matemática. Investigadora.

Podedes  consultar o traballo realizado no seguinte enderezo: XXX así como seguirnos nas redes sociaiss @Facebook, @Twitter e @Instagram e compartir as  nosas noticias para intentar chegar ao maior número de mulleres posibles.


A continuación gozade do vídeo resumo do proxecto

 

As rapazas e rapaces da optativa Tecnoloxía Informática e Comunicacións II (TICS II)  de 2 bacharelato guiados pola súa profesora Leticia comezaron a traballar nun concurso a nivel internacional chamado "Wisibilízalas" organizado pola Univeridade Pompeu Fabra de Barcelona cos obxectivos de:

  • Romper estereotipos de xénero asociados a carreiras STEM
  • Potenciar referentes femeninos actuais que sirvan de inspiración ás máis xóvenes
  • Promocionar o uso da tecnoloxía e o traballo en grupo mediante a creación de páxinas web

Para isto, farán entrevistas a diferentes mulleres do ámbito STEM (ciencia, Tecnoloxía, Enxeñería e Matemáticas) e crearán unha páxina web con vídeos, fotos e texto con ditas entrevistas.
Podedes seguir a súa andadura con este proxecto a través das canles sociais da Biblioteca Rebolo:

  • Twitter: @bibliorebolo
  • Instagram: @bibliorebolo
  • Facebook: Biblioteca rebolo

Agradecemos a máxima difusión seguindo e compartiendo nas vosas redes sociais.