Biblioteca

O 3 de xuño, terá lugar un roteiro literario organizado pola Concello de Carballo para o alumnado de 1º ESO, 3ºPDC, 4ºPDC.

Neste roteiro, segundo indica a propia páxina do concello, recóllese o patrimonio que é espazo e é memoria. retratando a vila con citas, viñetas e mesmo audios para propoñer unha andada polas rúas cartografadas nas letras, ou a bordo dun trole imaxinario que fai 24 paradas, repartidas en 2 liñas urbanas, que levan os nomes dos escritores e escritoras, xornalistas, debuxantes, urbanistas, historiadores, mestres e contadores para os que Carballo foi escenario das súas historias.

Un xurado, formado por membros do Equipo da Biblioteca, decidiu o alumnado premiado no Concurso Literario “Eu son Luísa Villalta” convocado con motivo do Día das Letras Galegas:

CATEGORÍA A:

1º premio: MARÍA LOBERA LISTA. 2º ESO D.

2º premio: VALERIA TASENDE BELLO. 2º ESO A.

3º premio: ZELTIA DUBRA TRIGO. 2º ESO D.

CATEGORÍA B:

1º premio: LARA FONDO SANTOS . 4º ESO A.

2º premio: LAURA PENA FUENTES. 4º ESO A.

3º premio: NEREA RODRÍGUEZ VÉLEZ. 4º ESO A

Parabéns ás gañadoras e graciñas a todo o alumnado que participou!

Dende o EDLG, a Biblioteca e o Departamento de Galego xa estamos pensando nas próximas celebracións. Así que aí vai un concurso de lapbooks para conmemorar o vindeiro Día do Libro.
Animádevos a participar! Esperamos os vosos lapbooks!

"Noto frío. Estoy temblando. Ya no sé si temblo por el frío o de puros nervios. Estoy boca abajo. Sobre el suelo de la cocina. Desnuda y helada. La sangre sale de mi cuerpo sin parar".

Así comeza o libro de Noelia Míguez, coautora de “Ocho señales: cuestión de vida o muerte” e vítima e supervivente de violencia de xénero.

Hoxe tivemos a sorte de contar con @noedorinda para ofrecer esta impactante charla ao alumnado de Bacharelato. Noelia explicounos cales son os sinais dunha relación tóxica e como van escalando pouco a pouco nese tipo de relacións.

Despois, ao rematar, algúns dos participantes no taller da radio fixéronlle unha entrevista da que dentro de pouco farémosvos partícipes.

Grazas Noelia!

#dorifuerza #dorihistoria #proxecta+

Dende o EDLG, a Biblioteca e o Departamento de Galego xa estamos pensando nas próximas celebracións. Así que aí vai un concurso de cartas de amor para festexar a Candeloria (o día no que casan os paxariños) e o Día dos namorados.
Animádevos a participar! Esperamos as vosas cartas!

Podedes consultar as bases do concurso na imaxe

Desde o EDLG coa colaboración do Departamento de Artes Plásticas e da Biblioteca convocamos por quinto ano consecutivo o Concurso de postais de Nadal.

Gustaríanos que o alumnado do IES Parga Pondal demostrase as súas habilidades artísticas participando neste concurso. Podes consultar as bases aquí

Anímate e participa!

Hoxe,17 de maio, celébrase o “Día das Letras Galegas”, recordando que Rosalía de Castro publicou nesa data no ano 1863 a súa obra Cantares Gallegos.

Para celebrar esta conmemoración, no noso instituto quixemos  facer algo diferente implicando a alumnado de diferentes niveis e por suposto a diferentes departamentos.

Nunha serie de tres vídeos presentámosvos a distintos personaxes galegos todos eles relacionados coa nosa  cultura: cantantes, músicos, escritores, loitadoras, empresarios, pintoras, intelectuais, deportistas, actrices, heroínas…en definitiva ilustres personalidades… 

Os compañeiros  de diúrno e  nocturno caracterizáronse destes misteriosos personaxes e deron  unha serie de datos e pistas  sobre eles. É aí onde comeza o voso traballo, ser quen de adiviñar cada un deles.

Grazas a todo o alumnado participante así como a cada un dos membros da Comunidade Educativa que colaboraron neste traballo. Un recoñecemento especial a todos os profesores que cederon o seu tempo de clase para as gravacións.

Desde o noso centro, e concretamente desde a nosa Radio Rebolondas, realizamos unha entrevista ao exalumno Pablo Iglesias co motivo do galardón recibido  neste ano tan insólito para todos nós. Trátase do Premio Excelencia da Universidade da Coruña á mellor nota  de admisión nos Graos do curso 2020-2021.

Pablo foi alumno do noso centro durante seis anos e agora está realizando un Grao de Educación Primaria.

Pablo recollendo o premio

É un estudante brillante e así o demostra a súa Matricula de Honra en 2º de Bacharelato, pero se temos que destacar algo máis có estritatamente académico temos que resaltar  a súa solidariedade, o seu  respecto e o seu saber estar. 

Para toda a Comunidade Educativa é un privilexio e por suposto un orgullo  que un alumno reciba un premio destas características. Na entrevista tratamos de coñecer “in situ” o que significou para Pablo este recoñecemento e as vivencias que experimentou no Parga Pondal. Do mesmo xeito, coñecemos as experiencias que está empezando a percorrer como universitario e que seguro interesarán ao noso alumnado.

Desde as nosas ondas, estamos encantados da súa visita… Grazas,  Pablo, por todo.

Pablo e Basi durante a entrevista na radio do centro

Aquí tedes o podcast coa gravación

Ou se o preferides, poder ver a entrevista

O departamento de Bioloxía e Xeoloxía en colaboración coa Biblioteca convoca un CONCURSO DE FOTOGRAFÍA para o alumnado de 4º ESO que cursa a materia de Bioloxía e Xeoloxía. O tema das fotografías será ECOSISTEMAS DA CONTORNA. Con esta actividade preténdese concienciar ao alumnado da importancia que ten o medio ambiente.

A perda de ecositemas está privando ao mundo de sumidoiros de carbón, como os bosques e as turbeiras. As emisións globais de gases de efecto invernadoiro aumentaron durante tres anos consecutivos e o planeta está a un paso dun cambio climático catastrófico.

A perda de ecosistemas implica que se reduza o hábitat natural para os animais, creándose así as condicións idóneas para que os patóxenos, incluidos os coronavirus, se propaguen