Instituto de ensinanza secundaria, bacharelato, ciclos formativos e adultos

Biblioteca

As compañeiras do departamento de Bioloxía e Xeoloxía quixeron lembrar que hoxe é o Día Mundial do Medio ambiente. A biblioteca colaborou, no desenvolvemento das súas funcións, nesta iniciativa que pretende concienciar sobre esta problemática que está a sufrir o noso planeta. Aínda que estamos a tratar dun tema de constante actualidade parece que nunca estamos a facer o suficiente. E as novas non son nada boas.

O tema deste ano, Sen Contaminación Por Plástico, fai un chamamento á poboación de todo o mundo en favor dun planeta sen contaminación por plásticos. A celebración deste día pretende facernos conscientes de que nós mesmos podemos cambiar hábitos no noso día a día para reducir a pesada carga da contaminación dos plásticos na nosa natureza, na nosa vida silvestre e sobre nosa propia saúde. O fin último é evitar situacións como esta:

Os datos son realmente alarmantes:

- 13 millóns de toneladas de plástico son vertidas, anualmente, aos océanos.

- Utilizamos 5 billóns de bolsas de plástico cada ano.

- Compramos, en todo o mundo, un millón de botellas de plástico cada minuto.

As consecuencias non se fan esperar:

- Máis de 100.000 animais mariños morren ao ano a causa do plástico, que necesita ata un século para degradarse no medio ambiente.

O obxectivo do Día Mundial do Medio Ambiente de 2018 é o de inspirar solucións que leven a un cambio sustentable nas actividades iniciais da cadea de subministración.

Estes alumnos presentan esta exposición fixa no vestíbulo do centro, coa axuda das súas profesoras, para facernos conscientes de que algo temos que facer. Neste caso adiantámonos ás iniciativas que a Unión Europea vai poñer en marcha, co mesmo fin, este mesmo ano.

 

 

Somos afortunados. A biblioteca conta cun equipo de apoio que non descansa á hora de mellorar o que temos para facer de BibliotecaRebolo ese lugar de encontro que pretende e que nos acolla a todos.

Agradecidos polo esforzo, trataremos de coidar estes novos complementos que farán que a nosa visita á biblioteca sexa tan cómoda como agradable.

Tampouco debemos esquecer esa sección de novidades que procura achegarnos o que vai aparecendo no mercado ou o que os nosos usuarios nos suxiren para que todos teñamos acceso a estes exemplares que podedes levar emprestados cando queirades.

Grazas a todos os que participachedes na iniciativa "E ti como les?" coa teima de celebrar o Día do Libro. Non nos cansaremos de dicilo: GRAZAS a todos os que fixechedes desa iniciativa algo especial e vivo.

Tivemos que retirala para deixar espazo ás compañeiras e compañeiros de matemáticas, que tamén saben facer fotos. Animádevos a participar nas súas actividades. Non hai nada como medrar facendo cousas, se acaso, facer cousas distintas.

Por iso, trasladamos a exposición á biblioteca e imos deixala de forma permanente para que poidades seguir buscando a vosa foto ou invitando aos vosos compañeiros a esta actividade. A cousa non qedou moi mal, como podedes comprobar nas fotos.

Se queredes ver máis, xa sabedes... non hai máis que visitar BibliotecaRebolo (desta vez hai unha montaxe moi bonita e intensa) ou entrar no enlace de Instagram do mesmo blog.

Vémonos na próxima.

O Equipo de Dinamización Lingüística, xunto co Departamento de Galego, e coa colaboración da biblioteca do centro, BibliotecaRebolo, propoñen, organizan e xestionan a convocatoria non de UN concurso (literario), senón de DOUS concursos (de debuxos) para celebrar o Día das letras galegas 2018.

A que estás esperando. Demostra a túa capacidade para escribir unhas liñas ou para facer unha ilustración segundo as bases do concurso. Onde podes botarlles un ollo? En case todas as clases (e non sei quen dixo case...), nas corcheiras do centro e, se non tes ganas de pararte a ler, xa sabes... como sempre... no blog da biblioteca, pincha aquí.

Hai premios, hai poucos requisitos que cumprir... Participa e demostra que somos un centro que facemos cousas e que estamos vivos. Celebremos as nosas festas co que sexamos capaces de aportar.

O noso centro participou no día de hoxe e por segundo ano consecutivo no II Torneo de Xadrez Intercentros, celebrado no IES "Urbano Lugrís" de A Coruña. Esta actividade segue a realizarse por iniciativa do departamento de Filosofía en colaboración co departamento de Grego e a biblioteca do centro, BibliotecaRebolo.

A actividade este ano tivo no seu inicio a presentación de Jacobo Caselas Cabanas, mestre internacional de xadrez, MI (tamén adestrador na Escola Técnica de xadrez e ten varios libros publicados sobre este deporte), que deu paso a un vídeo sobre este deporte realizado polo profesorado do IES "Urbano Lugrís" e a pequena charla que nos ofreceu Moira Rodríguez Costa, unha das mellores xogadoras da nosa Comunidade Autónoma e que podedes seguir en perfiles como este.

A continuación, o mestre Jacobo Caselas deu inicio a unha serie de partidas simultáneas, nas que demostra na práctica o que puidemos ver nas actividades previas. Todo un espectáculo e un reto para os nosos alumnos.

Después dun descanso e almorzo, mentres se celebaraba a competición de debates, chegaron as finais (podedes ver unha foto na parte superior) e a entrega de premios. De todo elo podedes consultar máis información no blog de Filolandra.

 

 

O departamento de bioloxía e xeoloxía organiza un concurso fotográfico para todo o alumnado que participou na saída á Escola de Enxeñaría de Minas e Enerxía da Universidade de Vigo e ao parque natural MONTE ALOIA. A nosa biblioteca escolar, BibliotecaRebolo, colabora nesta actividade na que solicitamos a eses alumnos que compartan con todos nós como foi a súa experiencia. O único que teñen que facer e enviar algunha das fotos que fixeron ese día no parque natural á dirección de correo electrónico bibliotecarebolo@gmail.com. Sinxelo, non?

Pero, se tes algunha dúbida, podes consultar toda a información neste enlace.

De feito o prazo para participar empezou xa o día 3. Que estades esperando? Ao último día?

 

A celebración da nonaxésima edición dos premios Oscar serve de motivación o equipo de biblioteca para presentar unha pequena mostra da forte relación destas dúas artes, cine e literatura. A exposición estará á vista de todos no pequeno recuncho do que dispón a biblioteca escolar para estas ocasións.

 

O próximo luns, 26 de febreiro, da inicio o concurso Sabías quen? Esta actividade ten como finalidade dar a coñecer o importante papel que as mulleres veñen tendo ao longo do tempo aínda que non se lles recoñeza.

Os concursantes terán que rersolver diferentes tipos de probas despois de inscribirse no concurso ao longo desta semana. Para coñecer máis cousas do concurso así como as datas das probas podedes consultar este enlace.

 

Marchou un dos grandes. Coñecido como Forges, Antonio Fraguas acompañounos durante 76 anos. Dicía de si mesmo que era un mal debuxante, pero sempre destacou como humorista e crítico social. Conseguía sacarnos un sorriso só con mirar un anaco de papel, así era a súa maxia. Poucos consiguen tanto con tan pouco. Grazas, amigo, e ata sempre. Porque sempre seguirás con nos. Nos nosos recordos, nas nosas lembranzas...

Este ano quixemos sumarnos a unha iniciativa que vén desenvolvéndose dende o ano 1964. Trátase do Día escolar da non violencia e a paz (DENIP) que ten como obxectivo a educación en e para a tolerancia, a solidaridade, a concordia, o respecto aos dereitos humanos, a non violencia e a paz.

A mensaxe básico deste día é: ’Amor universal, non violencia e paz. O amor universal é mellor que o egoísmo, a non violencia é mellor que a violencia e a paz é mellor que a guerra’.

Este conmemora, ademais, o aniversario da morte do líder nacional e espiritual da India, o Mahatma Gandhi, o 30 de xaneiro de 1948, asasinado a tiros por un fanático hinduísta.

Queremos agradecer a todos os que participaron na elaboración de murais, láminas e o vídeo o seu esforzo e a ilusión que esperta poder facer cousas xuntos.

Podedes seguir os resultados en